ក្នុងវប្បធម៌ Hoa ដើមទទឹមតំណាងឱ្យសំណាងល្អ ជីជាតិ និងសុភមង្គល។ នេះជាមូលហេតុដែលគ្រួសារ Hoa ភាគច្រើនដាំដើមទទឹមនៅតាមមុខផ្ទះរបស់ខ្លួន ហើយមែកទទឹមច្រើនតែត្រូវបានរួមបញ្ចូលនៅក្នុងគ្រឿងបូជា ឬនំរាងទទឹមត្រូវបានធ្វើឡើងដើម្បីបង្ហាញពីសេចក្តីប្រាថ្នារបស់ពួកគេ ព្រមទាំងបួងសួងប្រាថ្នាក្តីសុខ និងសុភមង្គល។
ផ្កា និងមែកទទឹមមានអត្ថន័យតំណាងឱ្យភាពស្មោះត្រង់។
យោងតាមជំនឿរបស់ប្រជាជន Hoa ដើមទទឹមមានមុខងារបន្សុទ្ធ និងការពារគ្រោះអាក្រក់ទាំងពួង។ ដូច្នេះ ការដាំដើមទទឹមនៅតាមមុខផ្ទះតំណាងឱ្យការបង្ក្រាប និងការពាររឿងអាក្រក់ ហើយស្វាគមន៍ទទួលលាភសម្បត្តិ និងវិបុលភាព។ នេះត្រូវបានបង្ហាញយ៉ាងច្បាស់យោងតាមទំនៀមទម្លាប់នៃការបំបែកមែកទទឹម ហើយដាក់វាក្នុងទឹកដើម្បីលាងមុខបន្ទាប់ពីចូលរួមពិធីបុណ្យសព ឬនៅពេលដែលចូលរស់នៅផ្ទះថ្មី ពួកគេក៏និយមយកមែកទទឹមធ្វើជាស្ទាន់ទឹកសម្រាប់ប្រោសព្រំទឹកអប់នៅតាមជុំវិញផ្ទះរបស់ខ្លួនដើម្បី "សម្អាតផ្ទះ" និងបណ្តេញគ្រោះអាក្រក់ទាំងពួងឱ្យជៀសចេញឆ្ងាយផងដែរ។
មែកទទឹម ត្រូវបានបំពាក់ជារូបភាពសម្រាប់ថ្វាយអាទិទេព។
ដើមទទឹមក៏តំណាងឱ្យសំណាងល្អ ជីជាតិផងដែរ។ បណ្តាផ្ទាំងគំនូរប្រជាប្រិយដែលពណ៌នាអំពីផ្លែទទឹមត្រូវប្រេះដើម្បីបង្ហាញគ្រាប់ក្រហមទុំ បង្ហាញពីបំណងប្រាថ្នាចង់បានកូនចៅជាច្រើនរស់នៅជួបជុំគ្នាប្រកបដោយក្តីសុខ និងសុភមង្គល។ ម្យ៉ាងទៀត កាលសម័យបុរាណ ផ្កាទទឹមត្រូវបានគេបំពាក់ឱ្យកូនក្រមុំក្នុងថ្ងៃមង្គលការ ជានិមិត្តរូបនៃភាពស្មោះត្រង់ និងការលះបង់។ ផ្កាទទឹមមានពណ៌ក្រហមតំណាងឱ្យសំណាងល្អគ្រប់ប្រការ ប្រកបដោយអត្ថន័យនៃការបួងសួងសូមឱ្យមានកូនចៅច្រើន បានចាត់ទុកជានិមិត្តរូបនៃពរជ័យក្នុងជំនឿប្រជាប្រិយ។
លើសពីនោះ មែកទទឹមក៏តំណាងឱ្យការអធិស្ឋានសុំពរជ័យ និងការគោរពចំពោះអាទិទេពផងដែរ។ នៅក្នុងពិធីសាសនា Hoa ការថ្វាយដង្វាយជារឿយៗរួមមានផ្កាផ្លែទទឹមជាបំណងប្រាថ្នាសម្រាប់សន្តិភាព ទ្រព្យសម្បត្តិ និងសំណាងល្អ។ ជនជាតិ Hoa ក៏ធ្វើនំរាងផ្លែទទឹមពណ៌ក្រហមដើម្បីអបអរសាទរអាយុយឺនយូរ និងដើម្បីគោរពបូជាអាទិទេព និងបុព្វបុរសផងដែរ។ ផ្លែទទឹមច្រើនតែត្រូវបានចារឹកជាមួយតួអក្សរ "ពរជ័យ" "វិបុលភាព" និង "ទ្រព្យសម្បត្តិ" ដើម្បីបង្ហាញពីបំណងប្រាថ្នាល្អគ្រប់ប្រការ។
នំទទឹមជៀនភ្ជាប់ជាមួយតួអក្សរ “សំណាងល្អ” “ទ្រព្យសម្បត្តិ” “លាភសក្ការៈ” បង្ហាញពីក្តីបំណងប្រាថ្នានៃជីវភាពរស់នៅមូលគ្រួសារ សំណាងល្អ និងសុភមង្គល។
ទំនៀមនៃការសែនថ្វាយ និងដាំដើមទទឹមក្នុងសហគមន៍ជនជាតិ Hoa គឺជាប្រពៃណីវប្បធម៌ដ៏មានអត្ថន័យ ឆ្លុះបញ្ចាំងពីសេចក្តីប្រាថ្នាសម្រាប់ជីវិតដ៏រីករាយ សន្តិភាព និងវិបុលភាព។
ការអភិរក្សទំនៀមទម្លាប់ដ៏ស្រស់ស្អាតនេះមិនត្រឹមតែរួមចំណែកដល់ការអភិរក្សអត្តសញ្ញាណវប្បធម៌ជាតិប៉ុណ្ណោះទេ ថែមទាំងធ្វើឱ្យជីវិតវប្បធម៌ក្នុងស្រុកកាន់តែសម្បូរបែប បម្រើដល់ការអភិវឌ្ឍទេសចរណ៍ដែលផ្សារភ្ជាប់ជាមួយនឹងការរុករកនូវម្លៃវប្បធម៌ប្រពៃណីរបស់សហគមន៍ជនជាតិភាគតិចលើភូមិសាស្ត្រខេត្ត៕
Lư Kiết Tường
Gia Lộc
