ក្នុងវ័យ ៧០ ឆ្នាំ នៅពេលដែលមានអ្នកជាច្រើនកំពុងកក់ក្តៅនៃវ័យចាស់ជរារបស់ខ្លួនជាមួយកូនចៅ លោកយាយ Lý Thị Bình នៅភូមិ Phạm Kiệt ឃុំ Khánh Bình តែងខិតខំតស៊ូដើម្បីរកប្រាក់ចិញ្ចឹមជីវិត ជូភាពនូវតែជួបការលំបាកខ្លាំង។ ក្តីសប្បាយរីករាយបានឈានចូលមកដល់ខណៈពេលដែលលោកយាយទទួលបានការឧបត្ថម្ភសាងសង់ផ្ទះថ្មីមួយខ្នងដ៏រឹងមាំ និងធានាជីវភាពរស់នៅ ព្រមទាំងបន្ថយបន្ទុកក្នុងការរស់នៅរបស់ខ្លួន ជីវភាពកាន់តែសុខសាន្តថែមទៀតសម្រាប់អនាគតរបស់លោកយាយ។
លោកយាយ Phạm Ngọc Trầm ប្រធានភូមិ Phạm Kiệt (ស្តាំ) អញ្ជើញសួរសុខទុក្ខ និងក្តាប់ពីស្ថានភាពមនៃការរស់នភរបស់លោកយាយ Lý Thị Bình។
ដោយមិនព្រមយកប្តី និងគ្មានសាច់ញាតិសម្រាប់ពឹងផ្អែក លោកយាយប្រកបគ្រប់កិច្ចការងារដើម្បីរកប្រាក់ចិញ្ចឹមជីវិតដោយខ្លួនឯង។ តាំងពីដកស្មៅ ច្រូតស្រូវ រហូតដល់ការងារធ្ងន់ ឬក៏របរស៊ីឈ្នូលផ្សេងៗក៏លោកយាយទទួលធ្វើដែរ។ ពេលដែលគាត់មានវ័យចំណាស់ ហើយសុខភាពត្រូវធ្លាក់ចុះ ការងារកាន់តែមានតិចតួច ប៉ុន្តែលោកយាយនូវតែព្យាយាមរក្សាជីវិតដោយរបរការងារស្រាលជាងមុន។ បន្ទាប់ពីអ្នកស្រុលប្រមូលផលស្រូវរួចរាល់ លោកយាយក៏ទៅរើសស្រូវតាមវាលស្រែដើម្បីកិនជាអង្ករសម្រាប់ផ្គត់ផ្គង់ជីវភាព និងប្រឹតសំចៃលើការចំណាយប្រចាំថ្ងៃទៀតផង។
ក្នុងនាមជាគ្រួសារជនជាតិ Khmer ដែលស្ថិតក្នុងចំណោមគ្រួសារជួបលំបាកពិសេស មុននេះប្រហែល ១០ ឆ្នាំ លោកយាយត្រូវរដ្ឋជំនួយឧបត្ថម្ភផ្ទះមួយខ្នងតាមកម្មវិធី ១៣៤ ហើយថែមទាំងបានផ្តល់ដីផលិតចំនួន ២ កុងផងដែរ។ ទោះជាយ៉ាងណាក្តី ក្រោយរយៈពេលជាច្រើនឆ្នាំ ផ្ទះក៏ត្រូវទ្រុឌទ្រោម។ ដំបូលលេចធ្លាយ ជញ្ជាំងបាក់រហែកអស់ បណ្តោយឱ្យលោកយាយមានការភ័យខ្លាចនូវពេលមានភ្លៀងព្យុះម្តង។ ទោះបីជាលោកយាយមានបំណងចង់កែជួសជុល ឬសាងសង់ថ្មីឡើងវិញក៏ដោយ ក៏វាហួសពីលទ្ធភាពរបស់ខ្លួនដែរ។
ប្រឈមមុខជាមួយស្ថានភាពលំបាកនេះ ឆ្នាំ២០២៥ គណៈកម្មាធិការរណសិរ្សមាតុភូមិឃុំ Khánh Bình បានកៀរគរការឧបត្ថម្ភដើម្បីជូនផ្ទះមហាសាមគ្គីខ្នងខ្នង ទន្ទឹមនិងនោះក៏ឧបត្ថម្ភបន្ថែមដោយទឹកប្រាក់ ៥ លានដុងសម្រាប់ទិសសម្ភារៈជំនួយ។ រដ្ឋអំណាចភូមិភាគថែមទាំងបានផ្តល់ជ្រូកពូជមួយក្បាលសម្រាប់ចិញ្ចឹម ដើម្បីជួយអភិវឌ្ឍជីវភាពរស់នៅ និងផ្តល់ប្រភពចំណូលស្ថិរភាពនាពេលអនាគត។
ដោយបានរស់នៅក្នុងផ្ទះថ្មីដ៏ធំទូលាយដែលលោកយាយតែងស្រមៃអស់រយៈពេលជាច្រើនឆ្នាំមកហើយនោះ លោកយាយប៊ិ Bình ចែករំលែកដោយក្តីរីករាយថា៖ “ដោយបានផ្តល់ដីសម្រាប់ផលិត ឥឡូវនេះទទួលបានការឧបត្ថម្ភសាងសង់ផ្ទះ និងទទួលបានជ្រូកចិញ្ចឹមទៀតផង។ សម្រាប់ការឧបត្ថម្ភនេះមិនត្រឹមតែផ្តល់ឱ្យខ្ញុំមានកន្លែងរស់នៅស្ថិរភាពប៉ុណ្ណោះទេ ថែមទាំងផ្តល់ឱ្យខ្ញុំនូវទំនុកចិត្ត និងការលើកទឹកចិត្តដើម្បីរស់នៅឱ្យកាន់តែប្រសើរឡើងផងដែរ”។
លោកយាយ Lý Thị Bình រៀបចំផ្ទះសម្បែងឱ្យមានរបៀបរៀបរយ ដោយមិនអាចលាក់បាននូវក្តីសប្បាយរីករាយរបស់ខ្លួននូវពេលដែលបានរស់នៅក្នុងផ្ទះថ្មីដ៏ធំទូលាយស្អាតតាមក្តីស្រមៃរបស់ខ្លួន។។
«ទោះបីជារស់នៅម្នាក់ឯង និងមានវ័យជរាក៏ដោយ លោកយាយ Bình តែងខិតខំធ្វើការ ដោយមិនពឹងផ្អែក ឬសង្ឃឹមថានឹងទទួលបានការជំនួយឧបត្ថម្ភពីរដ្ឋនោះឡើយ។ រដ្ឋអំណាចភូមិភាគតែងតែយកចិត្តទុកដាក់ និងផ្តល់អាទិភាពដល់ការគាំទ្រលោកយាយជានិច្ចខណៈពេលដែលមានកម្មវិធី និងគោលនយោបាយសម្រាប់គ្រួសារក្រីក្រ និងគ្រួសារជនជាតិភាគតិចដែលស្ថិតក្នុងស្ថានភាពលំបាក» លោកស្រី Phạm Ngọc Trầm ប្រធានភូមិ Phạm Kiệt បានសង្កត់ធ្ងន់បែបនេះ។
ផ្តើមពីស្ត្រីក្រីក្រម្នាក់ដែលរស់នៅក្នុងផ្ទះទ្រុឌទ្រោម ខ្វះខាតគ្រប់សព្វបែបយ៉ាងទាំងអស់ ឥឡូវនេះ លោកយាយ Lý Thị Bình មានផ្ទះរឹងមាំ និងលក្ខណៈល្អប្រសើរជាងមុន ដើម្បីអភិវឌ្ឍជីវភាពរស់នៅរបស់ខ្លួនទៀតផង។ ការយកចិត្តទុកដាក់របស់បក្ស រដ្ឋ និងរដ្ឋអំណាចភូមិភាគ មិនត្រឹមតែបានជួយគាត់ឱ្យយកឈ្នះលើការលំបាកភ្លាមៗប៉ុណ្ណោះទេ ថែមទាំងបានបណ្តុះទំនុកចិត្តរបស់ខ្លួនដើម្បីលំនឹងស្មារតីក្នុងគ្រានដែលខ្លួនចាស់ជរាទៀតផង៕
Tú Quyên
