ក្នុងដំណើរឆ្ពោះទៅរកការកាត់បន្ថយភាពក្រីក្រប្រកបដោយចីរភាព ទម្រង់សន្សំចំចៃ និងការឧបត្ថម្ភគ្នាទៅវិញទៅមករបស់សហគមន៍កំពុងបង្ហាញពីប្រសិទ្ធភាពជាក់ស្តែងកាន់តែខ្លាំងឡើង។ នៅភូមិ Tân Quảng Đông ឃុំ Cái Đôi Vàm ក្លឹបសន្សំសំចៃ និងឥណទានលេខ ១ មិនត្រឹមតែផ្តល់ការគាំទ្រដើមទុនដល់សមាជិកនារីសម្រាប់ការអភិវឌ្ឍសេដ្ឋកិច្ចប៉ុណ្ណោះទេ ថែមទាំងផ្សព្វផ្សាយស្មារតីសាមគ្គីភាព និងការចែករំលែកគ្នាទៅវិញទៅមកក្នុងសហគមន៍ផងដែរ។
សមាជិកនារីភូមិ Tân Quảng Đông ចូលរួមការប្រជុំជាប្រចាំ និងប្រាក់សន្សំសំចៃបង្វិលជុំសម្រាប់ជំនួយការអភិវឌ្ឍសេដ្ឋកិច្ចគ្រួសារ។
ក្លឹបសន្សំសំចៃ និងឥណទានលេខ ១ មានសមាជិកចំនួន ៤៥ នាក់ដែលចូលរួមជាប្រចាំ។ ជារៀងរាល់ខែ សមាជិកម្នាក់ៗបានរួមចំណែកទឹកប្រាក់ ២០០ ពាន់ដុង ដើម្បីបង្កើតមូលនិធិបង្វិលជុំ។ ជារៀងរាល់ឆ្នាំ ក្លឹបនេះប្រមូលដើមទុនបានចាប់ពី ៣០០ ដល់ ៥០០ លានដុង ដើម្បីបំពេញតម្រូវការផលិតរៀងខ្លួន។ ការចិញ្ចឹមសត្វ ជួញដូរខ្នាតតូច និងដោះស្រាយការលំបាករបស់សមាជិកបានទាន់ពេលវេលា។
លោកមីង Nguyễn Thu Lâm ជាសមាជិករបស់ក្លឹប បានចែករំលែកថា៖ «ដោយសារតែទទួលបានប្រាក់កម្ចីគ្មានការប្រាក់ពីក្លឹប ខ្ញុំមានលក្ខណៈអាចទិញបង្គា និងក្តាម ដើម្បីអភិវឌ្ឍផលិត និងបង្កើនប្រាក់ចំណូលគ្រួសារទៀតផង។ អ្វីដែលខ្ញុំពេញចិត្តបំផុតគឺចំណងមិត្តភាពជិតស្និទ្ធ ការយកចិត្តទុកដាក់ និងការគាំទ្រគ្នាទៅវិញទៅមកក្នុងចំណោមបងប្អូននារីគ្រប់រូបរបស់ក្លឹប ក្នុងគ្រាដែលជួបការលំបាក»។
បន្ទាប់ពីខ្ចីប្រាក់ប្រហែល ៣ ខែ សមាជិកនឹងសងដើមទុនដើម្បីបង្វិលជុំសម្រាប់អ្នកដទៃទៀត។ វិធីសាស្រ្តនេះគឺសមស្របទៅនឹងស្ថានភាពជាក់ស្តែងរបស់សមាជិកនារីគ្រប់រូប និងបង្កើតការលើកទឹកចិត្តដើម្បីជួយគ្រួសារជាច្រើនឱ្យមានលក្ខណៈឈានឡើងផុតពីភាពក្រីក្រជាសន្សឹមៗផងដែរ។
សមាជិកនៃក្លឹបឥណទានលេខអនុវត្តទម្រង់ “ពាងអង្ករមេត្តាធម៌” ព្រួតដៃគ្នាដើម្បីឧបត្ថម្ភអ្នកក្រីក្រ។
មិនត្រឹមការឧបត្ថម្ភជួយគ្នាខាងវិស័យសេដ្ឋកិច្ចប៉ុណ្ណោះទេ រាល់កិច្ចប្រជុំជាប្រចាំក៏ជាឱកាសសម្រាប់សមាជិកបានជួបជុំគ្នា ដោះដូរបទពិសោធន៍ក្នុងការផលិត ធ្វើបច្ចុប្បន្នភាពលើគោលការណ៍ណែនាំ និងគោលនយោបាយរបស់បក្ស និក្រឹត្យច្បាប់រដ្ឋ ព្រមទាំងលើកទឹកចិត្តគ្នាទៅវិញទៅមកក្នុងការកសាងគ្រួសារមានសុភមង្គល។
សកម្មភាពដែលពោរពេញដោយទឹកចិត្តមនុស្សធម៌បំផុតរបស់ក្លឹបគឺទម្រង់ "ពាងអង្ករមេត្តាធម៌"។ ជារៀងរាល់ថ្ងៃ នៅពេលរៀបចំអាហារគ្រួសារួចរ សមាជិកនឹងទុកអង្ករមួយក្តាប់តូច។ ក្នុងអំឡុងពេលកិច្ចប្រជុំជាប្រចាំ អង្ករដែលប្រមូលបានត្រូវបានចែកចាយដល់អ្នកដែលខ្វះខាតទាំងក្នុង និងក្រៅក្លឹបផងដែរ។ ជាមធ្យម ក្នុងមួយខែ សមាជិកពីរនាក់ទទួលបានការឧបត្ថម្ភដោយអង្ករជាង ២០ គីឡូក្រាមក្នុងម្នាក់ៗ។ អំណោយសាមញ្ញទាំងនេះ ទោះបីជាតិចតួចក៏ដោយ ក៏បង្ហាញពីស្មារតីនៃការចែករំលែក និងជួយកាត់បន្ថយការលំបាកដែលគ្រួសារជាច្រើនជួបប្រទះផងដែរ។
ក្នុងពេលជាមួយគ្នានេះ ក្លឹបថែមទាំងបានបន្តរក្សាទម្រង់ជីវភាពរស់នៅផ្សេងៗដូចជា ការធ្វើកំរាលព្រំ ធ្វើងៀត ធ្វើមាំ និងធ្វើនំប្រពៃណីជាដើម។ បច្ចុប្បន្ន ទម្រង់ផលិតកំរាលព្រំនេះមានសមាជិកចូលរួមចំនួន ៦ នាក់ បង្កើតប្រាក់ចំណូលស្ថិរភាពក្នុងមួយខែប្រហែល ៣ លានដុងក្នុងមនុស្សម្នាក់។
សមាជិកនារីចូលរួមទម្រង់ដេរកម្រាលព្រំ បង្កើតការងារធ្វើនៅហ្នឹងកន្លែង រួមចំណែកបង្កើនប្រាក់ចំណូល និងផ្គត់ផ្គង់ជីវភាពគ្រួសារទៀតផង។
អ្នកស្រី Bùi Thị Kiều ប្រធានសាខាសមាគមនារីភូមិ Tân Quảng Đông បានឱ្យដឹង៖ “ដោយសារតែបន្តដំណើរការយ៉ាងមានប្រសិទ្ធភាពអស់រយៈពេលជាច្រើនឆ្នាំ សមាជិកជាច្រើនបានរួចផុតពីភាពក្រីក្រ ឈានឡើងលំនឹងជីវភាពគ្រួសារទៀតផង។
រហូតមកដល់បច្ចុប្បន្ន ដើមទុនសន្សំសំចៃ និងឥណទានសរុបទាំងអស់របស់សមាជិកនារីលើភូមិសាស្ត្រឃុំកើនដល់ប្រហែល ៣ ពាន់លានដុងក្នុងមួយឆ្នាំ។ ចាប់ពីដើមទុនតិចតួចដែលបានសន្សំជារៀងរាល់ខែ រហូតដល់ទង្វើសប្បុរសធម៌ដូចជាការចែកអង្ករ និងទម្រង់ជីវភាពជាក់ស្តែង ក្លឹបសន្សំសំចៃ និងឥណទានលេខ ១ បានបញ្ជាក់ពីតួនាទីរបស់ខ្លួនជា “ទីបង្អែក” ដ៏រឹងមាំសម្រាប់បងប្អូននារីក្រីក្រ និងជួបលំបាក ជួយឱ្យពួកគេកែលម្អជីវិតរៀងៗខ្លួនផងដែរ៕
Hoàng Vũ
