បន្ទាប់ពីការរួមបញ្ចូលគ្នា ខេត្ត Cà Mau មានទាំងអស់ ៦៤ ឃុំ សង្កាត់ ដោយមាន ៦៤ ដំណាក់សុខាភិបាល។ ទោះបីជាការផ្ទេរទៅការគ្រប់គ្រងដោយផ្ទាល់របស់គណៈកម្មាធិការប្រជាជនថ្នាក់ឃុំត្រូវបានអនុវត្តតាមកាលវិភាគក៏ដោយ ហេដ្ឋារចនាសម្ព័ន្ធនៅតាមទីតាំងជាច្រើននៅតែមិនទាន់ឆ្លើយតបបានល្អតាមតម្រូវការថែទាំសុខភាពក្នុងដំណាក់កាលថ្មីផងដែរ។ ប្រឈមមុខជាមួយបញ្ហានេះ គណៈកម្មាធិការបក្សខេត្ត គណៈកម្មាធិការប្រជាជនខេត្តបានវង្អុលការណែនាំបង្កើនការវិនិយោគលើហេដ្ឋារចនាសម្ព័ន្ធ ឧបករណ៍សម្ភារៈ និងប្រភពធនធានមនុស្ស ដើម្បីកែលម្អគុណភាពនៃការពិនិត្យព្យាបាលជំងឺតាំងពីមូលដ្ឋាន។
ប្រជាជននាំគ្នាទៅពិនិត្យជំងឺនៅដំណាក់សុខាភិបាលឃុំ Ninh Thạnh Lợi។
នៅឃុំ Ninh Thạnh Lợi ដំណាក់សុខាភិបាលត្រូវបានផ្តើមកសាងសង់ថ្មី គឺដើម្បីឆ្លើយតបតម្រូវការរបស់បងប្អូនប្រជាជននៅភូមិភាគ។ ពីមុន ដំណាក់សុខាភិបាលនេះខ្វះឧបករណ៍សម្រាប់ព្យាបាលដូចជា ម៉ាស៊ីនឆ្លុះអេកូ និងឧបករណ៍មន្ទីរពិសោធន៍ ទើបបណ្តោយឱ្យមានការប៉ះពាល់ដល់គុណភាពខាងការពិនិត្យ និងព្យាបាលជំងឺតាំងពីដំបូង។
អ្នកមីង Trần Thị La នៅភូមិកោះធំ បានចែករំលែកថា៖ «បងប្អូនប្រជាជនមានការសប្បាយចិត្តយ៉ាងខ្លាំង។ ពីមុន កើតមានត្រឹមតែជំងឺស្រាល់ៗប៉ុណ្ណោះដែលត្រូវបានពិនិត្យនៅដំណាក់សុខាភិបាលឃុំ ចំណែកកើតមានជំងឺធ្ងន់ត្រូវការការពិនិត្យយ៉ាងហ្មត់ចត់ជាងនេះ គឺត្រូវនាំទៅកាន់មណ្ឌលសុខភាពកម្រិតខ្ពស់ ដោយសារតែខ្វះឧបករណ៍»។
ក្រៅពីការវិនិយោគលើហេដ្ឋារចនាសម្ព័ន្ធ ការត្រួតពិនិត្យសុខភាព និងពិនិត្យសុខភាពជាប្រចាំជូនបងប្អូនប្រជាជនក៏ត្រូវបានពង្រឹងយ៉ាងសកម្មផងដែរ។ ដំណាក់សុខាភិបាលឃុំ Sông Đốc ក៏បានអនុវត្តការត្រួតពិនិត្យសុខភាពតាមកំណត់ និងពិនិត្យសុខភាពជាប្រចាំជូនបងប្អូនប្រជាជន ស្របឱកាសនោះ ក៏រៀបចំឧបករណ៍បន្ថែម រួមទាំងកម្លាំងធនធានដើម្បីបង្កើនគុណភាពនៃការពិនិត្យសុខភាពទាំងស្រុងនៅមូលដ្ឋា។
វេជ្ជបណ្ឌិត Nguyên Minh Thuận នាយករងនៃដំណាក់សុខាភិបាល Sông Đốc បានឱ្យដឹង៖ “ដំណាក់សុខាភិបាលនេះបានរៀបចំដោយគ្រប់គ្រាន់នូវម៉ាស៊ីនអេកូ និងឧបករណ៍ពិសោធន៍យ៉ាងពេញលេញសម្រាប់ការពិនិត្យសុខភាព និងពិនិត្យសុខភាពជម្រើស។ យោងតាមការពិនិត្យ ប្រជាជនត្រូវបានវេជ្ជបណ្ឌិតណែនាំឱ្យធ្វើតេស្ត នៅនឹងកន្លែង។ ក្នុងករណីមានហានិភ័យខ្ពស់ ឬជំងឺធ្ងន់ធ្ងរ ពួកគេនឹងត្រូវបានបញ្ជូនទៅកាន់មណ្ឌលព្យាបាលកម្រិតខ្ពស់”។
សកម្មភាពនេះកំពុងត្រូវបានអនុវត្តក្នុងពេលដំណាលគ្នាទាំង ៦៤ ឃុំ សង្កាត់ទូទាំងខេត្ត ដើម្បីឆ្ពោះទៅទិសដៅប្រជាជនគ្រប់រូបទទួលបានការពិនិត្យជំងឺជម្រើសយ៉ាងហោចណាស់មួយដងក្នុងមួយឆ្នាំ ផ្តើមពីនោះ បង្កើនចំណេះដឹងខាងថែទាំសុខភាពប្រកបដោយប្រសិទ្ធភាព។
លោក Nguyễn Minh Luân (ឈរខាងស្តាំបង្អស់) អនុប្រធានគណៈកម្មាធិការប្រជាជនខេត្ត Cà Mau ធ្វើការត្រួតពិនិត្យសកម្មភាពនៃការពិនិត្យសុខភាព និងពិនិត្យព្យាបាលជំងឺជម្រើសនៅដំណាក់សុខាភិបាលសង្កាត់ Tân Thành។
លោក Nguyễn Minh Luân អនុប្រធានគណៈកម្មាធិការប្រជាជនខេត្ត Cà Mau បានមានប្រសាសន៍ថា៖ “ខេត្តមានគោលបំណងផ្លាស់ប្តូរចំណេះដឹងរបស់បងប្អូនប្រជាជនអំពីការពិនិត្យ និងព្យាបាលជំងឺទៅជាការពិនិត្យ និងថែទាំសុខភាពប្រកបដោយភាពសកម្ម។ ខិតខំធ្វើឱ្យយ៉ាងហោចណាស់ ៥០% នៃប្រជាជនទទួលបានការពិនិត្យសុខភាពដោយឥតគិតថ្លៃនៅក្នុងត្រីមាសទី II ខណៈពេលដែលបន្តវិនិយោគលើការថែទាំសុខភាពកម្រិតឃុំ ដើម្បីកែលម្អសមត្ថភាពពិនិត្យ និងព្យាបាលជំងឺ”។
ទន្ទឹមនឹងនោះ ខេត្ត Cà Mau ក៏មានគោលបំណងបញ្ចប់ការបង្កើតកំណត់ត្រាសុខភាពអេឡិចត្រូនិក និងបញ្ចូលវាទៅក្នុងកម្មវិធី VNeID ដើម្បី ១០០% ប្រជាជនក្នុងឆ្នាំ២០២៦ ព្រមទាំងលើកកម្ពស់គុណភាពនៃការថែទាំសុខភាព និងបង្កើនការយល់ដឹងពីព្យាបាលទៅជាបង្ការជំងឺវិញ៕
Thuỳ Liên
