ក្នុងឱកាសខួបលើកទី ៧៦ ទិវាប្រពៃណីនៃកងកម្លាំងយុវជនស្ម័គ្រចិត្ត Việt Nam (១៥ កក្កដា ១៩៥០ - ១៥ កក្កដា ២០២៦) សមាគមអតីតយុវជនស្ម័គ្រចិត្តសង្កាត់ Giá Rai បានរៀបចំពិធីរំលឹកអនុស្សាវរីយ៍យ៉ាងឱឡារិក។ នេះគឺជាឱកាសសម្រាប់ជំនាន់អតីតយុវជនស្ម័គ្រចិត្តដើម្បីរំលឹកឡើងវិញនូវប្រពៃណី និងបង្ហាញពីការដឹងគុណចំពោះការលះបង់ដ៏ធំធេងរបស់កងកម្លាំងដើម្បីបុព្វហេតុនៃការកសាង និងការពារមាតុភូមិ។
សមាគមអតីតយុវជនស្ម័គ្រចិត្តសង្កាត់ Giá Rai ធ្វើអនាម័យតាមដងផ្លូវដែលយុវជនស្ម័គ្រចិត្តបានដាំផ្កាលម្អ និងដើមឈើ។
ក្នុងដំណើរទស្សនកិច្ចទៅកាន់អង្គភាពយុវជនស្ម័គ្រចិត្តដែលកំពុងសាងសង់ផ្លូវក្នុងសម័យសង្គ្រាមតស៊ូប្រឆាំងនឹងអាណានិគមនិយម Pháp លោកប្រធាន Hồ Chí Minh បានណែនាំដល់យុវជនថា៖ “គ្មានការអ្វីលំបាក ខ្លាចតែចិត្តមិនថេរ គាស់ភ្នំលុបទន្លេ ប្តេជ្ញាចិត្តធ្វើបាន”។ ផ្តោតលើស្មារតីនោះ កម្លាំងយុវជនស្ម័គ្រចិត្តមិនខ្លាចការលះបង់សាច់ឈាមស្រស់ និងឆ្លងកាត់ជួរភ្នំ Trường Sơn ដោះគ្រាប់បែក បំពេញរណ្ដៅគ្រាប់បែក និងធានាផ្លូវដឹកជញ្ជូនសំខាន់ៗក្នុងអំឡុងពេលដ៏សាហាវព្រៃផ្សៃបំផុតនៃសង្គ្រាមតស៊ូ។
វិលត្រឡប់ទៅកាន់ជីវិតធម្មតាវិញ អតីតយុវជនស្ម័គ្រចិត្តសង្កាត់ Giá Rai បានបន្តរក្សាគុណសម្បត្តិជាវីរភាពរបស់ខ្លួន ដោយក្លាយជាឥស្សរជន “ដើមខ្ពស់ ផ្តល់ម្លប់ត្រជាក់” ជាគំរូដ៏ភ្លឺស្វាងក្នុងរាល់កិច្ចការងារ និងកសាងមាតុភូមិទៀតផង។ ជាមួយស្មារតី “យុវជន ប្រយុទ្ធតតាំង មនុស្សចាស់គំរូ” អតីតយុវជនស្ម័គ្រចិត្តបានចូលរួមយ៉ាងសកម្មក្នុងចលនាសង្គមដូចជា៖ ការកសាងជនបទថ្មី ការពារបរិស្ថាន រក្សាសន្តិសុខ និងសណ្តាប់ធ្នាប់ និងការអនុវត្តបណ្តាប្រពៃពី “ស្រឡាញ់គ្នារវាងមិត្តរួមកងទ័ព”។ ចំណុចលេចធ្លោគួរឱ្យកត់សម្គាល់មួយគឺការថែទាំជីវិតរបស់សមាជិកខ្លួន។ សមាគមបានកៀរគរការគាំទ្រសម្រាប់សកម្មភាពសេដ្ឋកិច្ច ទៅសួរសុខទុក្ខអ្នកជំងឺ ផ្តល់អំណោយក្នុងអំឡុងពេលថ្ងៃឈប់សម្រាក និងបុណ្យទានប្រពៃណីជាដើម ព្រមទាំងចូលរួមប្រពៃណី “ជ្រូកដីសន្សំប្រាក់” ដែលផ្តួចផ្តើមឡើងដោយសមាគមនារី បាននាំមកនូវប្រសិទ្ធភាពជាក់ស្តែងផងដែរ។
លោក Trần Thanh Quang សមាជិកអចិន្ត្រៃយ៍នៃសមាគមអតីតយុវជនស្ម័គ្រចិត្តខេត្ត Cà Mau ឱ្យដឹង៖ “ខ្ញុំសូមកោតសរសើរយ៉ាងខ្លាំងចំពោះសកម្មភាពរបស់សមាគមអតីតយុវជនស្ម័គ្រចិត្តសង្កាត់ Giá Rai។ សកម្មភាពជាច្រើនរបស់សមាគមមានអត្ថន័យ និងជាក់ស្តែងខ្លាំងណាស់សម្រាប់ជីវិតរស់នៅរបស់សមាជិកគ្រប់រូប និងសង្គមផងដែរ នេះគួរតែត្រូវបានពង្រីកយ៉ាងទូលំទូលាយក្នុងសាខាផ្សេងៗដទៃទៀត”។
សមាជិកនៃសមាគមអតីតយុវជនស្ម័គ្រចិត្តសង្កាត់ Giá Rai រួមគ្នារំលឹកខួបលើកទី ៧៦ ទិវាប្រពៃណីនៃកងកម្លាំងយុវជនស្ម័គ្រចិត្ត Việt Nam (១៥ កក្កដា ១៩៥០ - ១៥ កក្កដា ២០២៦)។
ការកត់សម្គាល់នេះ គឺជាការលើកទឹកចិត្តសម្រាប់សមាគមអតីតយុវជនស្ម័គ្រចិត្តសង្កាត់ Giá Rai ដើម្បីបន្តរក្សាស្មារតី និងការលះបង់ដ៏ល្អឥតខ្ចោះរបស់ខ្លួន។ ក្រៅពីសកម្មភាពសប្បុរសធម៌ សមាគមក៏ដើរតួជាស្ពានតភ្ជាប់ស្រាប់ការអប់រំយុវជនជំនាន់ក្រោយអំពីប្រពៃណីបដិវត្តន៍ដ៏អង់អាចក្លាហាននេះផងដែរ។ បណ្តាទម្រង់ល្អៗ ដូចជា៖ "ដាំផ្កាលម្អដោយយុវជនស្ម័គ្រចិត្ត" ឬក៏ទម្រង់ផលិតប្រកបដោយជោគជ័យមិនត្រឹមតែធ្វើឱ្យដងផ្លូវស្រស់ស្អាតប៉ុណ្ណោះទេ ថែមទាំងបញ្ជាក់ពីចរិតលក្ខណៈរបស់អតីតយុវជនស្ម័គ្រចិត្តជំនាន់មុនៗទៀតផង។
អតីតយុវជនស្ម័គ្រចិត្តសង្កាត់ Giá Rai នឹងបន្តខិតខំប្រឹងប្រែង ដោយធ្វើជាគំរូឈានមុខក្នុងការអនុវត្តគោលការណ៍ណែនាំរបស់បក្ស គោលនយោបាយ និងក្រឹត្យច្បាប់របស់រដ្ឋ ដើម្បីសក្តិសមជាប្រភពកម្លាំងដ៏រឹងមាំនៃការជំនួយខាងស្មារតីវិញ្ញាណ និងការលើកទឹកចិត្តសម្រាប់យុវជនជំនាន់ក្រោយនៅលើមាគ៌ាឆ្ពោះទៅរកការកសាងមាតុភូមិដ៏សម្បូររុងរឿង ស្រស់ស្អាត និងស៊ីវិល័យ៕
Danh Điệp
