ការរៀបចំឡើងវិញនូវអង្គភាពរដ្ឋបាលនៅកម្រិតមូលដ្ឋានមិនត្រឹមមានគោលបំណងឆ្ពោះទៅកសាងប្រព័ន្ធក្បាលម៉ាស៊ីនដំណើរការមានប្រសិទ្ធភាព និងគុណភាពប៉ុណ្ណោះទេ ថែមទាំងបានដាក់ចេញនូវតម្រូវការអភិវឌ្ឍសេដ្ឋកិច្ច-សង្គមដែលសម្រេចបានក្នុងរយៈពេលកន្លងទៀតផង។ ចំពោះភូមិ Thanh Hải ឃុំ Gành Hào គោលដៅសំខាន់បន្ទាប់ពីការរៀបចំឡើងវិញគឺរក្សាបាននូវកិត្តនាមជា «ភូមិគ្មានគ្រួសារក្រ»។
សក្តានុពលនៃឃុំមាត់សមុទ្រ Gành Hào គឺលក្ខណៈអំណោយផលសម្រាប់ភូមិ Thanh Hải អភិវឌ្ឍខាងរបរចិញ្ចឹមជលផល។
បន្ទាប់ពីការរៀបចំភូមិឡើងវិញ សាខាបក្ស គណៈប្រជាជនភូមិ និងអង្គការមហាជនភូមិបានធ្វើឱ្យរចនាសម្ព័ន្ធកាន់តែមានស្ថេរភាពយ៉ាងឆាប់រហ័ស និងបានចាត់តាំងភារកិច្ចជាក់ស្តែង ដល់កម្មាភិបាល បក្ខជនទាំងឡាយដែលទទួលបន្ទុកលើភូមិសាស្ត្រ។ ការពិនិត្យឡើងវិញជាប្រចាំអំពីស្ថានភាពរស់នៅរបស់ប្រជាជនត្រូវបានធ្វើឡើងដើម្បីកំណត់ករណីលំបាក ឬអ្នកដែលមានហានិភ័យធ្លាក់ចូលទៅក្នុងភាពក្រីក្រជាបន្ទាន់ ដើម្បីផ្តល់ការឧបត្ថម្ភសមស្រប។
លោក Nguyễn Ngọc Kiên ប្រធានភូមិ Thanh Hải បានឱ្យដឹង៖ ការរក្សាកិត្តិនាមភូមិគ្មានគ្រួសារ ក្រមិនមែនគ្រាន់តែជាការរក្សាកេរឈ្មោះនោះទេ ប៉ុន្តែជាការទទួលខុសត្រូវចំពោះជីវិតរបស់ប្រជាជនម្នាក់ៗទៀតផង។ ដូច្នេះ រួមជាមួយនឹងការអនុវត្តគោលនយោបាយសុខុមាលភាពសង្គម ភូមិភាគក៏បានយកចិត្តទុកដាក់ជាពិសេសចំពោះការបង្កើតជីវភាពរស់នៅប្រកបដោយចីរភាព ជំនួយឧបត្ថម្ភបងប្អូនប្រជាជនក្នុងការទទួលបានដើមទុនអនុគ្រោះ អនុវត្តវិទ្យាសាស្ត្រ និងបច្ចេកវិទ្យាចូលក្នុងការផលិត និងអភិវឌ្ឍទម្រង់សេដ្ឋកិច្ចដែលសមស្របទៅនឹងលក្ខណៈភូមិភាគ។
ដោយទទួលបានការយកចិត្តទុកដាក់ និងការឧបត្ថម្ភពីមូលដ្ឋាន បងប្អូនប្រជាជននៅភូមិ Thanh Hải បានសកម្មពង្រឹងស្មារតីពឹងលើខ្លួនឯង ព្រមទាំងម្ចាស់ការអភិវឌ្ឍសេដ្ឋកិច្ចគ្រួសារផងដែរ។ មានគ្រួសារជាច្រើនបានវិនិយោគយ៉ាងក្លាហានក្នុងការចិញ្ចឹមបង្គា ក្តាម រួមផ្សំជាមួយអាជីវកម្មសេវាកម្ម បង្កើនប្រាក់ចំណូលរបស់ខ្លួនបន្តិចម្តងៗ។ អង្គការនានាតែងប្រមូលផ្តុំសមាជិកឱ្យជួយគ្នាទៅវិញទៅមកក្នុងការអភិវឌ្ឍផលិត និងចែករំលែកបទពិសោធន៍ ផ្តល់ការឧបត្ថម្ភកម្លាំងពលកម្ម និងបង្កើតទម្រង់សន្សំសំចៃ បង្កើតប្រភពធនធានដើម្បីជួយគ្រួសារដែលប្រឈមមុខនឹងការលំបាកឱ្យជម្នះលើការខ្វះខាតខាងដើមទុន។
បងស្រី Trần Thị Loán ជាគ្រួសារប្រកៀកបន្ទាត់ក្រ បានឱ្យដឹង៖ “គ្រួសារខ្ញុំមានសមាជិក ៣ នាក់ ប៉ុន្តែមានតែកូនប្រុសរបស់ខ្ញុំទេដែលមានអាយុធ្វើការ។ ខ្ញុំនឹងប្តីរបស់ខ្ញុំទាំងពីរនាក់សុទ្ធតែមានជំងឺ ហើយជារឿយៗត្រូវការព្យាបាលនៅមន្ទីរពេទ្យ។ កាលពីឆ្នាំកន្លងហើយ គ្រួសារខ្ញុំក៏មានសេចក្តីសោមនស្សរីករាយយ៉ាងខ្លាំងដែលទទួលបានការឧបត្ថម្ភពីរដ្ឋ ដើម្បីសាងសង់ផ្ទះថ្មីមួយខ្នង។ ដូច្នេះហើយ សង្ឃឹមថាសុខភាពនឹងបានល្អប្រសើរជាងមុនដើម្បីបន្តធ្វើសេដ្ឋកិច្ច និងឈានឡើងរួចចាកក្រ”។
លោក Nguyễn Ngọc Kiên ប្រធានភូមិ Thanh Hải (ស្តាំ) រួមជាមួយតំណាងបណ្តាអង្គការមហាជនបានអញ្ជើញទៅសូរសុខទុក្ខ និងចលនាគ្រួសារបងស្រី Trần Thị Loán (ទីបីគិតពីឆ្វេង)។
ភូមិ Thanh Hải មានទាំងអស់ ៥៦២ គ្រួសារ ហើយសព្វថ្ងៃនូវមានត្រឹម ៤០ គ្រួសារប្រកៀកបន្ទាត់ក្រប៉ុណ្ណោះ។ ភូមិនេះបានប្តេជ្ញាកាត់បន្ថយ ២០ គ្រួសារប្រកៀកបន្ទាត់ក្រទៀតនៅចុងឆ្នាំនេះ។ ការបន្តរក្សាកិត្តិនាមភូមិគ្មានគ្រួសារក្រ និងផ្តល់ឧបត្ថម្ភគ្រួសារប្រកៀកបន្ទាត់ក្របន្ទាប់ពីការរៀបចំឡើងវិញនូវរដ្ឋបាលមិនត្រឹមតែបង្ហាញពីប្រសិទ្ធភាពនៃភាពជាអ្នកដឹកនាំ និងគ្រប់គ្រងលើភូមិភាគទាំងមូលនោះទេ គឺថែមទាំងបញ្ជាក់ពីការឯកភាពគ្នារបស់ប្រជាជនលើការរៀបចំរចនាសម្ព័ន្ធឡើងវិញ និងគោលនយោបាយធ្វើឱ្យមានភាពសាមញ្ញផងដែរ។ ទោះបីជាមានការផ្លាស់ប្តូរនៅក្នុងតំបន់ភូមិសាស្ត្រក៏ដោយ ក៏បណ្តាគោលនយោបាយដែលមានគោលបំណងលើកកម្ពស់ជីវភាពរស់នៅរបស់ប្រជាជននៅតែត្រូវបានអនុវត្តយ៉ាងឆាប់រហ័ស ដើម្បីធានាថាគ្មាននរណាម្នាក់ត្រូវបានទុកចោលឡើយ។
សមិទ្ធផលនាបច្ចុប្បន្នគឺជាមូលដ្ឋានគ្រឹះសម្រាប់ភូមិ Thanh Hải បន្តបង្កើនគុណភាពនូវរាល់បទដ្ឋាននៃការអភិវឌ្ឍ ឆ្ពោះទៅកសាងតំបន់ប្រជុំជនស៊ីវិល័យ និងសម្បូររុងរឿងស្ថិតភាពតរៀងទៅ៕
Loan Phương
