ដើម្បីបង្កើនល្បឿននៃដំណើរការផ្លាស់ប្តូរឌីជីថល ទម្រង់ "ទីផ្សារឌីជីថល" កំពុងបង្កើតរលកថ្មីមួយនៅតំបន់ជនបទនៃខេត្ត Cà Mau។ ការប្រើលេខកូដ QR សម្រាប់ទូទាត់ជំនួសឱ្យសាច់ប្រាក់មិនត្រឹមតែរួមចំណែកដល់ការផ្លាស់ប្តូរមុខមាត់ខាងវិស័យសេដ្ឋកិច្ចជនបទប៉ុណ្ណោះទេ ថែមទាំងនាំមកនូវបច្ចេកវិទ្យាទំនើបឱ្យកាន់តែខិតជិតដល់ប្រជាពលរដ្ឋគ្រប់រូបផងដែរ។
លោក Huỳnh Văn Tròn (អាវព័ណ៌លឿង) ជាអាជីវកម្មខ្នាតតូចនៅផ្សារ Tân Bửu ឃុំ Tân Hưng ចែករំលែកអំពីលក្ខណៈងាយស្រួលក្នុងការទូទាត់ដែលមិនចាំបាច់ប្រើសាច់ប្រាក់។
លែងមានករណីស្វែងរកការផ្លាស់ប្តូរខ្នាតតួច ឬរង់ចាំទទួលប្រាក់ដែលនូវសេសសល់ ឥឡូវនេះ ដោយគ្រាន់តែមានស្មាតហ្វូនមួយ ការទិញទំនិញសម្រាប់ប្រជាជនជនបទគឺឆាប់រហ័សជាងមុនច្រើនណាស់ និងងាយស្រួលជាងពេលណាៗទាំងអស់។ ទម្រង់ "ទីផ្សារឌីជីថល" ដែលត្រូវបានអនុវត្តនៅផ្សារ Tân Bửu ភូមិ Tân Bửa ឃុំ Tân Hưng កំពុងផ្លាស់ប្តូរទម្លាប់ប្រើប្រាស់យូរអង្វែងរបស់ប្រជាជនជាសន្សឹមៗ និងសម្រួលដល់អាជីវកម្មសម្រាប់អាជីវករខ្នាតតូចទៀតផង។
នៅតាមតូបលក់ដូរនៃទីផ្សារ Tân Bửu រូបភាពនៃក្តារកូដ QR ជាមួយនឹងឧបករណ៍បំពងសម្លេងប្រកាសការទូទាត់ឆ្លាតវៃកំពុងមានវត្តមានយ៉ាងទូលំទូលាយគ្រប់ទិសទីផងដែរ។
លោក Trần Văn Tính ម្ចាស់អាជីវកម្មខ្នាតតូចនៅផ្សារ Tân Bửu បានចែករំលែកដោយក្តីរំភើបថា៖ «វិធីសាស្ត្រទូទាត់ប្រាក់នេះមានសភាពងាយស្រួលខ្លាំងណាស់។ បន្ទាប់ពីអតិថិជនទិញទំនិញរួច ពួកគេគ្រាន់តែស្កេនលេខកូដ QR ហើយយើងមិនចាំបាច់រកមើលប្រាក់អាប់នោះទេ។ ជាពិសេសអាស្រ័យមានឧបករណ៍បំពងសម្លេងឆ្លាតវៃ ដរាបណាការស្កេនត្រូវបានបញ្ចប់ ឧបករណ៍បំពងសម្លេងនឹងប្រកាសចំនួនទឹកប្រាក់ដែលបានទទួលយ៉ាងច្បាស់លាស់ ដូច្នេះយើងមិនចាំបាច់ចំណាយពេលវេលាពិនិត្យទូរស័ព្ទរបស់យើងនោះទេ»។
លោក Huỳnh VăN Tròn ម្ចាស់អាជីវកម្មខ្នាតតូចម្នាក់ទៀតនៅផ្សារ Tân Bửu ចែករំលែក៖ «អតិថិជនផ្ទេរគ្រប់ចំនួនទឹកប្រាក់ដែលពួកគេត្រូវបង់ ក៏ងាយស្រួលសម្រាប់អ្នកលក់ណាស់ដែរ។ នៅពេលមានភ្ញៀវអតិថិជនច្រើន ការទូទាត់ក៏មិនរញ៉េរញ៉ៃនោះដែរ បច្ចុប្បន្ន យុវជនភាគច្រើនកំពុងទទួលយកការទូទាត់ប្រាក់ដោយមិនប្រើសាច់ប្រាក់យ៉ាងឆាប់រហ័សខ្លាំងណាស់»។
ប្រជាជនទិញទំនិញដោយរបៀបស្កេនលេខកូដនៅផ្សារ Tân Hửu ឃុំ Tân Hưng។
ដោយឃើញច្បាស់ពីភាពងាយស្រួលសម្រាប់ទាំងអ្នកលក់ និងអ្នកទិញផងនោះ ម្ចាស់អាជីវកម្មខ្នាតតូចភាគច្រើននៅផ្សារ Tân Bửu បានបើកគណនីធនាគារយ៉ាងសកម្ម និងដាក់លេខកូដ QR នៅតាមតូបរបស់ខ្លួនផងដែរ។ មិនត្រឹមតែចំពោះទីផ្សារប៉ុណ្ណោះទេ យុទ្ធនាការ "៩០ ថ្ងៃនៃប្រតិបត្តិការមិនប្រើសាច់ប្រាក់" ដែលបង្កើតឡើងដោយគណៈកម្មាធិការប្រជាជនឃុំ Tân Bửu បានរីករាលដាលពាសពេញទូទាំងឃុំ ទាក់ទាញមនុស្សប្រមាណជាង ១២.៣០០នាក់ឱ្យបើកគណនីទូទាត់តាមអេឡិចត្រូនិក។
លោក Nguyễn Văn Hắng អនុប្រធានគណៈកម្មាធិការប្រជាជនឃុំ Tân Hưng បានមានប្រសាសន៍ថា៖ "ទម្រង់ “ទីផ្សារឌីជីថល” នៅតំបន់នេះនាពេលសព្វថ្ងៃ សម្រេចបានជាង ៥២% នៃផែនការ។ ហើយការបើកគណនី និងអនុវត្តសេវាកម្មមិនប្រើសាច់ប្រាក់ធានាសុវត្ថិភាព និងភាពងាយស្រួលក្នុងការទិញ និងលក់ប្រចាំថ្ងៃទៀតផង។ អនាគត ឃុំនឹងបន្តលើកកម្ពស់ និងពង្រីកទម្រង់នេះទៅកាន់គ្រប់បណ្តាភូមិទូទាំងឃុំ"។
ការរីករាលដាលនៃទម្រង់ "ទីផ្សារឌីជីថល" នៅតំបន់ជនបទខេត្ត Cà Mau គឺជាភស្តុតាងយ៉ាងច្បាស់លាស់ដែលបង្ហាញថា ការផ្លាស់ប្តូរឌីជីថលកំពុងក្លាយជាផ្នែកមួយដ៏រស់រវើកនៃជីវិតរស់នៅ និងអនុវត្តសេវាកម្មប្រចាំថ្ងៃផងដែរ។ ការនាំយកបច្ចេកវិទ្យាដោយផ្ទាល់ទៅកាន់ភូមិជនបទ គឺជាគន្លឹះដ៏សំខាន់មួយក្នុងការកាត់បន្ថយគម្លាតរវាងតំបន់ជនបទ និងទីក្រុង ដោយឆ្ពោះទៅរកកសិកម្មទំនើប តំបន់ជនបទស៊ីវិល័យ និងកសិករឌីជីថល៕
Thuỳ Liên - Duy Phong
