សម្រាប់ជនជាតិ Hoa សំលៀកបំពាក់អាពាហ៍ពិពាហ៍បែបប្រពៃណី តំណាងឱ្យបំណងប្រាថ្នាសម្រាប់សំណាងល្អ និងសុភមង្គលគ្រប់ប្រការ។
ជីវភាពរស់នៅប្រចាំថ្ងៃកាន់តែទំនើបស៊ីវិល័យ តែជនរួមជាតិចិននៅ Cà Mau តែងរក្សាខ្ជាប់នូវពិធីមង្គលការតាបបែបប្រពៃណី និងសំលផកបំពាក់ជនជាតិ។
សំលៀកបំពាក់អាពាហ៍ពិពាហ៍បែបប្រពៃណី Hoa ត្រូវបានកំណត់លក្ខណៈដោយពណ៌ក្រហមលេចធ្លោរបស់វា។ យោងតាមជំនឿវប្បធម៌បូព៌ា ពណ៌ក្រហមតំណាងឱ្យសេចក្តីរីករាយ សំណាងល្អ វិបុលភាព និងសុភមង្គល។ ដូច្នេះ សំលៀកបំពាក់អាពាហ៍ពិពាហ៍មិនត្រឹមតែបង្កើតភាពស្រស់ស្អាតដ៏ភ្លឺស្វាងសម្រាប់កូនក្រមុំ និងកូនកំលោះប៉ុណ្ណោះទេ ថែមទាំងនាំមកនូវពរជ័យសម្រាប់គូស្វាមីភរិយាវ័យក្មេងទៀតផង។
ដោយមានអាយុកាលយូរណាស់មកហើយ និងឆ្លងកាត់សម័យកាលជាច្រើន សំលៀកបំពាក់អាពាហ៍ពិពាហ៍បែបប្រពៃណី Hoa បានឆ្លងកាត់ការផ្លាស់ប្តូរ និងការច្នៃប្រតិដ្ឋថ្មីដើម្បីឱ្យសមស្របទៅនឹងជីវិត និងសោភ័ណភាពនៃសម័យកាល។ សព្វថ្ងៃនេះ អាវផាយ (ទម្រង់ដ៏ពេញនិយមនៃសំលៀកបំពាក់អាពាហ៍ពិពាហ៍បែបប្រពៃណី Hoa) នៅតែរក្សាបានលក្ខណៈពិសេសប្លែកៗនៃសំលៀកបំពាក់ប្រពៃណី ខណៈពេលដែលបញ្ចូលរចនាបថទំនើបផងដែរ។
គូរស្វាមីភរិយាដែលមានដើមកំណើតជាជនជាតិ Hoa នូវតែជ្រើសសំលៀកបំពាក់អាពាហ៍ពិពាហ៍ប្រពៃណីដែលប្រកបដោយអត្តសញ្ញាណជនជាតិ។
អ្នកស្រី Trang Nguyền Thiên Lan នៅសង្កាត់ An Xuyên បាននិយាយថា៖ "គ្រួសារខ្ញុំមានដើមកំណើតជាជនជាតិ Hoa ហើយខ្ញុំ និងស្វាមីបានព្យាយាមរក្សាលក្ខណៈពិសេសនៃវប្បធម៌ប្រពៃណីជាតិក្នុងពិធីមង្គលការ។ ជាពិសេស ខ្ញុំបានជ្រើសរើសសំលៀកបំពាក់អាពាហ៍ពិពាហ៍បែបប្រពៃណី ហើយតុបតែងទីកន្លែងរៀបការជាមួយនឹងគ្រោងពណ៌ក្រហមជាចម្បង ដើម្បីបង្ហាញពីបំណងប្រាថ្នារបស់ខ្លួន"។
លក្ខណៈពិសេសនៃសំលៀកបំពាក់អាពាហ៍ពិពាហ៍គឺស្ថិតលើសម្ភារៈ និងលំនាំតុបតែងដ៏ស្មុគស្មាញរបស់វា។ ក្រណាត់ជាធម្មតាធ្វើពីសូត្រ ត្រូវបានដេរយ៉ាងស្អាតបាតជាមួយនឹងស្នាមដេរខ្ពស់ៗ គែម និងតុបតែងដោយប៊ូតុងវិលជុំៗ ជាលក្ខណៈធម្មតានៃសំលៀកបំពាក់ចិន។ នៅលើកម្រាលផ្ទៃខាងក្រោយពណ៌ក្រហមដ៏គួរឱ្យចាប់អារម្មណ៍ គឺជាលំនាំប៉ាក់ពណ៌មាស បង្កើតរូបភាពយ៉ាងឆើតឆាយសម្រាប់សំលៀកបំពាក់ក្នុងពិធី។ ជាពិសេស លំនាំរូបនាគ និងហង្ស តំណាងឱ្យភាពសុខដុម នៃភាពក្តៅ និងត្រជាក់ ព្រមទាំងបំណងប្រាថ្នាសម្រាប់ជីវិតអាពាហ៍ពិពាហ៍រវាងគូរស្វាមីភរិយាប្រកបដោតភាពសុភមង្គលផងដែរ។
ភាពអស្ចារ្យនៃសំលៀកបំពាក់អាពាហ៍ពិពាហ៍ពណ៌ក្រហមឆ្អៅសម្រាប់កូនកម្លោះ និងកូនក្រមុំ Hoa។
ក្នុងជីវិតសម័យទំនើប សហគមន៍ Hoa នៅ Cà Mau នៅតែរក្សាទំនៀមទម្លាប់ប្រពៃណីដ៏ស្រស់ស្អាត រួមទាំងសំលៀកបំពាក់អាពាហ៍ពិពាហ៍ ដោយគោលបំណងចង់ថែរក្សា និងលើកកម្ពស់អត្តសញ្ញាណវប្បធម៌តែមួយគត់របស់ជនជាតិខ្លួន៕
Lam Khánh
រូបថត៖ Lee Studio
