ព្រះពុទ្ធអសាសនាថេរវាទ Khmer រួមចំណែកកសាងតម្លៃវប្បធម៌ដ៏ល្អផូរផង់ក្នុងជីវភាពរស់នៅរបស់បងប្អូនជនរួមជាតិ Khmer នៅ Cà Mau។
គណៈកម្មាធិការបក្ស និងរដ្ឋអំណាចភូមិភាគគ្រប់បណ្តាថ្នាក់តែងយកចិត្តទុកដាក់ បង្កលក្ខណៈងាយស្រួលសម្រាប់ព្រះសង្ឃ និងមាមីងពុទ្ធបរិស័ទចាត់តាំងសកម្មភាពជំនឿសាសនាបានល្អត្រឹមត្រូវតាមច្បាប់ ទន្ទឹមនិងនោះក៏តែងអញ្ជើញទៅសួរសុខទុក្ខ និងជូនអំណោយនាឱកាសបុណ្យទានប្រពៃណីរបស់បងប្អូនជនរួមជាតិ Khmer ផងដែរ។
សម្រាប់បងប្អូនជនរួមជាតិ Khmer វត្តអារាម និងព្រះសង្ឃទាំងឡាយមានតួនាទីសំខាន់ខ្លាំងណាស់ក្នុងជីវភាពរស់នៅផ្នែកខាងវប្បធម៌ ជំនឿ និងសាសនា។ បណ្តាវត្ត Khmer ទាំងឡាយគឺជាទីតាំងសម្រាប់សកម្មភាពសាសនា វប្បធម៌សហគមន៍របស់ភូមិស្រុក ក៏ជាទីកន្លែងសម្រាប់អភិរក្ស និងពង្រីកបណ្តាតម្លៃវប្បធម៌ប្រពៃណីរបស់ជនរួមជាតិ Khmer ផងដែរ។
រដូវវិស្សមកាលជារៀងរាល់ឆ្នាំ នៅតាមបណ្តាភូមិភាគដែលមានជនរួមជាតិ Khmer រស់នៅច្រើនតែងចាត់តាំងបើកថ្នាក់បង្រៀនអក្សរ Khmer ជូនកូនក្មួយ ជនរួមជាតិនៅតាមបណ្តាវត្ត សាលាទានឬក៏តាមសាលារៀន និងគេហដ្ឋានរបស់មាមីងបងប្អូនផ្ទាល់។ កូនក្មួយរបស់ពួកគាត់បានរៀនអក្សរ ក៏ដូចជាបានចូលរួមធ្វើវិបស្សនា ដើម្បីក្លាយជាមនុស្សមានផលប្រយោជន៍ក្នុងសង្គម។
សម្រាប់បងប្អូនជនរួមជាតិ Khmer វត្តអារាម និងព្រះសង្ឃគឺមានតួនាទិសំខាន់ខ្លាំងណាស់ក្នុងជីវភាពវប្បធម៌ ជំនឿ និងសាសនា។
ទន្ទឹមនិងនោះ បណ្តាវត្តទាំងឡាយថែមទាំងជាកន្លែងរក្សា និងបង្រៀនខាងភ្លេងប្រពៃណីរបស់ Khmer ទៀតផង។ ដែលលេចធ្លោជាងគេនោះគឺ វង់ភ្លេងស្គរធំ ដែលជាប្រភេទសិល្បៈដែលមានវត្តមានលើមាតុភូមិ Cà Mau រយៈកាលជាង១០០ឆ្នាំមកហើយ។ វង់ភ្លេងស្គរធំ បច្ចុប្បន្នតែងបានបងប្អូនជនរួមជាតិ Khmer បន្តអភិរក្ស។ នៅវត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ និងវង្សស្រង់ ក្របីឃ្លៀច (Cao Dân) ឃុំ Tân Lộc។ ក្រៅពីនោះ នៅវត្តជ្រុងខ្មែរ (Rạch Giồng) ថែមទាំងមានបើកថ្នាក់បង្រៀនភ្លេងពិណពាទ្យជូនប្អូនយុវវ័យ និងសិស្សសាលាទៀតផង។
ព្រះតេជគុណ Hữu Nhiều ចៅអធិការវត្តជ្រុងខ្មែរ (Rạch Giồng) ឱ្យដឹង៖ ព្រះសង្ឃទាំងឡាយតែងសង្ឃឹមថា ប្អូនៗកូនក្មួយទាំងឡាយមិនត្រឹមបានរៀនអក្សរប៉ុណ្ណោះទេ ថែមទាំងបានរៀនពីវប្បធម៌របស់ដូនតាបន្សល់ទុកទៀតផង។ ប្រភេទសិល្បៈវង់ភ្លេងស្គរធំនេះ គួរត្រូវបានអភិរក្ស ដើម្បីមិនទុកឱ្យមានការសាបរលាបទៅតាមសម័យកាល។ ពីព្រោះថា យើងខ្ញុំតែងខិតខំខ្នះខ្នែងបើកថ្នាក់ដើម្បីបង្ហាត់បង្រៀនជូនជំនាន់ក្រោយៗឱ្យចូលរួមអភិរក្ស និងពង្រីកបន្តទៀត។
សម្រាប់ព្រះសង្ឃគ្រប់អង្គ មិនត្រឹមជាអ្នកបួសរៀនប៉ុណ្ណោះទេ ថែមទាំងមានតួនាទីជាស្ពានតភ្ជាប់រវាងបក្ស និងរដ្ឋជាមួយបងប្អូនជនរួមជាតិទៀតផងចំពោះការផ្សព្វផ្សាយអំពីគោលនយោបាយបក្ស និងក្រឹត្យច្បាប់របស់រដ្ឋ ដើម្បីបងប្អូនជនរួមជាតិបានយល់ និងអនុវត្តតាម។ ផ្តើមពីនោះ ជំរុញទឹកចិត្តបងប្អូន Khmer ឱ្យខិតខំឈានឡើងក្នុងការអភិវឌ្ឍន៍សេដ្ឋកិច្ច កសាងលក្ខណៈរស់នៅប្រកបដោយភាពសុខសាន្ត និងសុភមង្គល។
តួយ៉ាងដូចជាគ្រួសារបង Huỳnh Thạch នៅភូមិលេខ៧ ឃុំ Nguyễn Phích ពីមុនជាគ្រួសារក្រ តែសព្វថ្ងៃមានលក្ខណៈឈានឡើងជីវភាពធូរធាផងដែរ។ បងឱ្យដឹង៖ បងស្តាប់បង្គាប់ដំបូន្មានដ៏ល្អៗ រួមជាមួយការដាស់តឿនស្មារតីរបស់ព្រះសង្ឃទាំងក្នុងពេលទេសនា ក៏ដូចជាពេលដែលបាននិមន្តមកដល់ផ្ទះ តែងទទួលបានការយកចិត្តទុកដាក់ ព្រមទាំងការជំនួយឧបត្ថម្ភរបស់បក្ស និងរដ្ឋអំណាចភូមិភាគ ផ្តើមពីនោះក៏មានប្រភពកម្លាំងក្នុងការឈានឡើងផងដែរ។
.JPG)
ព្រះសង្ឃទាំងឡាយតែងយកព្រះទ័យទុកដាក់ និងរួមបញ្ចូលការផ្សព្វផ្សាយគោលនយោបាយរបស់បក្ស និងក្រឹត្យច្បាប់របស់រដ្ឋជូនបងប្អូនជនរួមជាតិ Khmer ក្នុងឱកាសបុណ្យទានឬក៏ក្នុងការរស់នៅប្រចាំថ្ងៃផងដែរ។
បង Thạch មានប្រសាសន៍៖ គ្រួសារខ្ញុំគ្មានដីផលិត ដូច្នេះហើយទើបដើរស៊ីឈ្នួលដើម្បីរកប្រាក់ផ្គត់ផ្គង់ជីវភាពប្រចាំថ្ងៃ។ ស្តាប់តាមដំបូន្មានរបស់ព្រះសង្ឃ និងការចលនារបស់រដ្ឋអំណាចភូមិភាគជំនួយឧបត្ថម្ភដើមទុន និងបច្ចេកទេសក្នុងការផលិត គ្រួសារខ្ញុំជួលដីបាន២ហិកតាសម្រាប់ចិញ្ចឹមបង្គា និងចិញ្ចឹមមាន់ ទា ជ្រូក។ សព្វថ្ងៃគ្រួសារខ្ញុំក៏បានរួចចាកក្រ ព្រមទាំងសង់បានផ្ទះមួយខ្នងដោយសរុបតម្លៃទឹកប្រាក់ជាង១០០លានដុង ជីវភាពក៏បានលំនឹងល្អផងដែរ៕
Lam Khánh
