ក្នុងឱកាសវិស្សមកាលឆ្នាំនេះ ដើម្បីបង្កើតទីលានកម្សាន្តសប្បាយសម្រាប់ប្អូនៗសិស្សសាលានៅភូមិភាគ វត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ ក៏បានរៀបចំចាត់តាំងពិធីប្រណាំងទូក.ងខ្នាតតូច (ទូក.ងដើមស្នោ)។ ថ្វីត្បិតតែនេះជាល្បែងកម្សាន្តសម្រាប់ប្អូនៗសិស្សានុសិស្សក៏ពិតមែន តែតែងទទួលបានការគាំទ្រពីមនុស្សចាស់យ៉ាងច្រើនកុះករអញ្ជើញមកចូលរួមទស្សនា និងលើកទឹកចិត្ត និងជំនួយឧបត្ថម្ភឧបករសម្ភារៈសម្រាប់ប្អូនៗរួមកម្សាន្ត។
ពិធីប្រកួតទូក.ងខ្នាតតូចមានការទាក់ទាញប្អូនៗសិស្សសាលាប្រមាណ ៣២ រូប។
បណ្តាទូក.ងខ្នាតតូចធ្វើពីដើមស្នោជាប្រភេទរុក្ខជាតិដែលមានយ៉ាងសម្បូរហូរហែនៅតាមតំបន់វាលរាបទន្លេគីវឡុង។ ដោយស្នោជារុក្ខជាតិមានទម្ងន់ស្រាល ផងនោះ ងាយស្រួលរចនាជាទូក.ងសម្រាប់ប្អូនៗកុមារទៀតផង។ មិនតែប៉ុណ្ណោះ អាចបណ្តែតប្រណាំងនៅតាមគ្រប់ទីកន្លែង ដូចជាតាមដងទន្លេ ព្រែកប្រឡាយ ឬក៏រចនាជាស្រះជាដើម ដើម្បីងាយស្រួលសម្រាប់ប្អូនៗកុមារចូលរួមកម្សាន្តសប្បាយ។
មិនត្រឹមទាក់ទាញប្អូនៗកុមារនោះទេ សម្រាប់មនុស្សចាស់ក៏បានមករួមសប្បាយ និងលើកទឹកចិត្តយ៉ាងខ្លាំងផងដែរ។
ព្រះតេជគុណ Hữu Nhiều ចៅអធិការវត្តជ្រុងខ្មែរ (Rạch Giồng) មានសង្ឃដីការប្រាប់ថា៖ “ថ្វីត្បិតនេះជាលើកដំបូងវត្តបានរៀបចំឡើង តែដោយឃើញថា ប្អូនៗមានចំណាប់អារម្មណ៍ខ្លាំងចំពោះល្បែងប្រភេទនេះ វត្តនឹងបើកចាត់តាំំងក្នុងឱកាសវិស្សកាលបន្តទៀតដើម្បីប្អូនៗបានចូលរួមកម្សាន្តសប្បាយ”។
ការប្រកួតបានប្រព្រឹត្តិឡើងយ៉ាងស្វាហាប់។
វត្តនឹងបន្តរៀបចំការប្រកួតនេះជារឿយៗក្នុងឱកាសវិស្សមកាលឆ្នាំបន្តៗទៀត ដើម្បីចាត់តាំងល្បែងកម្សាន្តដ៏មានអត្ថន័យខ្លឹមសារសម្រាប់ប្អូនកុមារ។”
ប្អូនៗកុមារនាំគ្នាធ្វើទូក.ងដើមស្នោ សម្រាប់ចូលរួមប្រកួតកម្សាន្តសប្បាយ។
សប្បាយដោយបានយកទូក.ងខ្នាតតូចរបស់ខ្លួនដើម្បីចូលរួមប្រគួត ប្អូន Sơn Minh Khôi អាយុ១៥ឆ្នាំ បាននិយាយថា៖ “ទូក.ងប្រភេទនេះងាយធ្វើខ្លាំងណាស់ ប្អូនក៏មានចំណាប់អារម្មណ៍ខ្លាំងណាស់ដែរចំពោះកីឡាទូក.ង ហើយប្អូនសប្បាយរីករាយដែលបានចូលរួមការប្រគួតលើដំបូងនេះ”។
បណ្តាទូក.ងខ្នាតតូចកំពុងត្រៀមឱ្យការប្រគួត។
នេះជាល្បែងកម្សាន្តសម្រាប់ឱកាសវិស្សមកាលដ៏មានអត្ថន័យ រួមចំណែកពង្រឹងស្មារតីខាងវិស័យកីឡាតំបន់ជនរួមជាតិភាគតិច ព្រមទាំងលើកស្ទួយអត្តសញ្ញាណវប្បធម៌ប្រពៃណីរបស់ជនជាតិ Khmer។
Danh Điệp
