ស្នងបន្តឆន្ទៈមុះមុតនៃកងវរសេនាតូចលេខ៣០៧

ក្នុងការវាយឆ្មក់ខ្មាំងនៅ Bàu Thúi ដែលបច្ចុប្បន្នជាអនុសង្កាត់លេខ ៣០ សង្កាត់ An Xuyên ខេត្ត Cà Mau កាលថ្ងៃទី១៣ ខែមិនា ឆ្នាំ១៩៥៣ កងទ័ពយើងបានសម្លាប់ខ្មាំងប្រមាណ ៣០០ នាក់ ព្រមទាំងរឹបយកបានអាវុធជាច្រើន និងចាប់បានជាងខ្មាំងចំនួន ៤០ នាក់ទៀតផង។ មកទល់សព្វថ្ងៃ ឆាកប្រយុទ្ធដែលទទួលបានជ័យជម្នះទាំងស្រុងនៅ Bàu Thúi របស់កងវរសេនាតូចលេខ ៣០៧ បានក្រើនរំឭកទុកជាសក្ខីភាពមួយដ៏អស្ចារ្យ បង្ហាញពីលក្ខណៈសម្បត្តិនៃភាពអង់អាចក្លាហាន និងល្បិចកលឈ្លាសវៃនៃកម្មាភិបាលយុទ្ធជនកងវរសេនាតូចលេខ ៣០៧។ ជ័យជម្នះនេះ បានក្លាយជានិមិត្តរូបនៃកម្លាំងសាមគ្គី និងស្មារតីតស៊ូប្រយុទ្ធរបស់វីរជន Cà Mau និង “តំបន់ភាគខាងត្បូងទទួលបានជ័យជម្នះ”។

អាសយដ្ឋានជ័យជម្នះ Bàu Thúi ត្រូវបានទទួលស្គាល់ជាកេរដំណែលប្រវត្តិសាស្ត្រថ្នាក់ខេត្តកាលពីឆ្នាំ២០១៧។

លោក Nguyễn Hữu Định ប្រធានសាខាសមាគមអតីតយុទ្ធជនអនុសង្កាត់លេខ ៣០ សង្កាត់ An Xuyên មានមោទនភាព៖ “តំបន់ភូមិសាស្ត្របាវធូយ ត្រូវបានផ្សារភ្ជាប់ជាមួយនិងយុទ្ធជ័យដ៏ល្បីរន្ទឺរបស់កងវរសេនាតូចលេខ ៣០៧ ក្នុងសម័យតស៊ូប្រឆាំងអាណានិគមបារាំង (Pháp)។ ទីកន្លែងនេះ ក៏បានក្លាយអាសយដ្ឋានក្រហមសម្រាប់អប់រំប្រពៃណីបដិវត្តន៍ដ៏ខ្លាំងក្លារបស់ប្រទេសជាតិ មាតុភូមិគ្រប់ជំនាន់ដែលយោងតាម រយៈសកម្មភាពផ្សេងៗទាំងឡាយក្នុងរាល់ការចាត់តាំងនាឱកាសបុណ្យទានផហដែរ”។

មោទនភាពប្រពៃណី បក្ខភាគ ប្រជាជន និងកងទ័ពសង្កាត់អាងស្វៀងបានរួមកម្លាំងការពារ រក្សានិងកសាងស្រុកភូមិឱ្យកាន់តែសម្បូរសប្បាយ ស៊ីវិល័យ និងសុភមង្គល។ ជាពិសេសគឺភារកិច្ចរក្សា និងពង្រីកនូវតម្លៃនៃកេរដំណែលប្រវត្តិសាស្រ្ត - វប្បធម៌នៅភូមិភាគ ក្នុងនោះមាន កេរដំណែលទីកន្លែងជ័យជម្នះ Bàu Thúi ដើម្បីទុកជាទំព័រនៃប្រវត្តិសាស្រ្តដ៏រុងរឿងរបស់ដូនតាយើងបានបន្ត និងរីកសាយភាយស្មារតីមុះមុតក្នុងដំណើរនៃការអភិវឌ្ឍន៍នាសម័យបច្ចុប្បន្ននេះ។

លោក Nguyễn Hoàng Vũ លេខាសាខាអនុសង្កាត់លេខ ៣០ សង្កាត់ An Xuyên បានឱ្យដឹង៖ “សាខាបក្ខនៃពេលបច្ចុប្បន្នមានបក្ខជនចំនួន ២៧រូប ជានិច្ចកាលគឺជាស្នូលដើម្បីរក្សា បន្តនិងពង្រីកឆន្ទៈយ៉ាងមុះមុត ព្រមទាំងប្រពៃណីបដិវត្តន៍របស់បុព្វបុរស។ មូលដ្ឋានផ្តោតលើការថែទាំ និងជួសជុលកេរដំណែលប្រវត្តិសាស្ត្រ Bàu Thúi ឱ្យមានភាពល្អប្រសើរ និងមានរបៀបរៀបរយ។ ក៏ប៉ុន្តែរយៈពេលកន្លងយូរហើយការវិនិយោគកសាងនៅបណ្តាសំណង់មួយចំនួនដែលមានមុខសញ្ញាទ្រុឌទ្រោម។ ភ្ជាប់ជាមួយបណ្ដាទំព័រប្រវត្តិសាស្រ្តដ៏ល្បីរន្ទឺរបស់កេរដំណែល សាខាបក្សសង្ឃឹមថានឹងទទួលបានការយកចិត្តទុកដាក់ វិនិយោគសម្រាប់កសាងកេរដំណែលពីមួយថ្ងៃទៅមួយថ្ងៃកាន់តែធំទូលាយថែមទៀត។

កេរដំណែលប្រវត្តិសាស្ត្រ Bàu Thúi គឺជាអាសយដ្ឋានសម្រាប់អប់រំប្រពៃណីបដិវត្តិន៍ដ៏អង់អាចក្លាហានរបស់ភូមិស្រុកសម្រាប់បញ្ញវន្តគ្រប់ជំនាន់។

ស្នងបន្តស្មារតីដ៏មុះមុតនៃបុព្វបុរស បង Huỳnh Vĩnh Khương សមាជិកគណៈអចិន្រ្តៃយ៍សម្ព័ន្ធយុវជននៃកុម្មុយនិស្ត Hồ Chí Minh សង្កាត់ An Xuyên បានអះអាងថា៖ “យុវវ័យសង្កាត់ An Xuyên កត់ត្រាទុកជានិច្ចសម្រាបគុណបំណាច់របស់បុព្វបុរសយើងគ្រប់ជំនាន់ដែលបានពលីសាច់ឈាមស្រស់ដើម្បីដណ្ដើមមកវិញនូវឯករាជ្យ សេរីភាព និងសន្ដិភាពជូនជាតិ។ ផ្តើមពីមោទនភាពដ៏ធំធេងនោះ យុវវ័យថ្ងៃនេះសច្ចាបញ្ចេញកម្លាំងរៀនសូត្រ លត់ដំ និងពុះពារក្លាយជាពលរដ្ឋដែលមានប្រយោជន៍សម្រាប់សង្គម”៕

Quốc Rin - Nhật Minh