បោះបាយបិណ្ឌ ជាពិធីជំនឿមានតាំងពិបុរាណក្នុងសហគមជនរួមជាតិ Khmer Nam Bộ។ នេះជាគ្រឿងដង្វាយដ៏ពិសេសសម្រាប់ឧទ្ទិសដល់ពួកប្រេតទាំងឡាយតាមទំនៀមព្រះពុទ្ធសាសនា Khmer។ ពិធីនេះបានប្រព្រឹត្តឡើងតែម្តងគត់ក្នុងមួយឆ្នាំនារដូវបុណ្យភ្ជុំបិណ្ឌ សែនដូនតាប្រពៃណី Khmer ។
រដូវបុណ្យភ្ជុំបិណ្ឌ សែនដូនតាជារៀងរាល់ឆ្នាំ នូវពេលព្រឹកព្រលឹម បងប្អូនពុទ្ធបរិស័ទ Khmer តែងនាំគ្នាទៅវត្តបោះបាយបិណ្ឌ និងនិមន្តព្រះសង្ឃសូត្រធម៌ឧទ្ទិសភាគផលជូនដល់បុព្វការីជនរបស់ខ្លួន។
បាយបិណ្ឌត្រូវបានមាមីងពុទ្ធបរិស័ទ Khmer ដាំដោយអង្ករដំណើបសុទ្ធ រួចហើយពូតជាពំនូតលាយជាមួយស្ករ សណ្តែក ល្ងនិងខ្ទិះដូង។ល។ រួចយកទៅវត្តមុនពេលម៉ោង៤ព្រឹកមុនព្រះអាទិត្យរះ ដើម្បីព្រនិមន្តព្រះសង្ឃដារឧទ្ទិសជូនបុព្វការីជនរបស់ខ្លួន។
ពិធីបោះបាយបិណ្ឌក្នុងសហគមន៍ជនរួមជាតិ Khmer មានមកតាំងពីបុរាណកាលសម្រាប់សម្តែងនូវភាពកត្តញូចំពោះបុព្វការីជន។
កាលសម័យពុទ្ធកាល ពីធីបោះបាយបិណ្ឌបានប្រព្រឹត្តឡើងក្នុងរយ៖ ពេល ១៥ ថ្ងៃ ចាប់ពីថ្ងៃ ១រោច ខែភទ្របទរហូតដល់ ១៥ កើតខែភទ្របទដដែល។ តែអាស្រ័យលក្ខណៈគ្រួសារនីមួយៗ និងភូមិភាគមិនដូចគ្នា ដូច្នេះហើយទើបពិធីបោះបាយបិណ្ឌក៏មានការកាត់ប្ថយចោលខ្លះៗរាល់ករណីមិនសម្រេប ប៉ុន្តែនូវតែរក្សាខ្ជាប់ភាពដើមពីជំនាន់មួយដល់ជំនាន់មួយដូចសម័យបច្ចុប្បន្ននេះឯង។
ពិធីបោះបាយបិណ្ឌគឺសម្រាប់អប់រំទូន្មានកូនចៅខ្មែរគ្រប់ជំនាន់អំពីស្មារតី “ផឹកទឹកនឹកប្រភព” ក្នុងរដូវបុណ្យភ្ជុំបិណ្ឌ សែនដូនតា។
ជនរួមជាតិ Khmer តែងមានជំនឿថា មនុស្សជាទូទៅ កាលនៅរស់ប្រសិនបើប្រព្រឹត្តបានកម្មច្រើន ពេលស្លាប់ទៅនឹងធ្លាក់ចុះនរកអាវចី ហើយរហូតដល់រដូវបុណ្យភ្ជុំម្តងៗទើបយមបាលបើកលែងឱ្យវិលត្រឡប់មកឋានមនុស្សរយៈពេល ១៥ ថ្ងៃដើម្បីស្វែងរកកូនចៅ និងទទួលបានការឱ្យទានមានបាយទឹកនំចំណីជាដើម។ ពិសេសបាយបិណ្ឌ ដែលជាអាហារមិនអាចខ្វះបានសម្រាប់ពួកប្រេតទាំងឡាយ។ តែប្រសិនបើរកមិនឃើញនោះទេ ពួកញាតិជាប្រេតទាំងឡាយនឹងជេរដាក់បណ្តាសារ។ ដូច្នេះហើយទើបបងប្អូនខ្មែរតែងនាំគ្នាយកបាយសម្ល នំនេកទៅវត្ត មិនថាតិចឬច្រើននោះទេ សម្រាប់ឧទ្ទិសភាគផលជូនដល់ពួកប្រេតដែលត្រូវជាសាច់ញាត់របស់ខ្លួននាឱកាសបុណ្យភ្ជុំបិណ្ឌ សែនដូនតា។
ជនរួមជាតិ Khmer តែងបួងសួងឧទ្ទិស និងយកបាយម្ហូបចូលវត្ត មិនថាតិចឬច្រើននោះទេឱ្យតែមាន ជាពិសេសបាយបិណ្ឌសម្រាប់រដូវភ្ជុំបិណ្ឌ សែនដូនតា។
ពិធីបោះបាយបិណ្ឌ មិនត្រឹមជាជំនឿដ៏មានអត្ថន័យខ្លឹមសារក្នុងសហគមន៍ជនរួម Khmer ប៉ុណ្ណោះទេ ថែមទាំងបានក្លាយជាលក្ខណៈប្រពៃណីដ៏វិសេសវិសាលដែមានមកតាំងពីបុរាណរបស់ Khmer ទៀតផង សម្រាប់ឆ្ពោះទៅរកប្រភពដើម ព្រមទាំងអប់រំទូន្មានកូនចៅគ្រប់ជំនាន់ក្នុងរដូវភ្ជុំបិណ្ឌ សែនដូនតា៕
Danh Điệp
