ជាមួយប្រធានបទ “រាត្រីដូនតា - ភូមិស្រុកផ្លាស់ថ្មី” កម្មវិធីសិល្បៈបម្រើពិធីបុណ្យភ្ជុំបិណ្ឌ សែនដូនតាឆ្នាំ ២០២៥ ត្រូវបានក្រុមសិល្បៈ Khmer ខេត្តនិព័ន្ធ និងរៀបរៀងយ៉ាងច្រើនកម្មវិធីចំរៀងរបាំប្រពៃណីដ៏ប្លែកៗ ដើម្បីបម្រើមាមីងបងប្អូននៅតាមតំបន់ដាច់ស្រយាល និងវត្តអារាម សាលាទាន ព្រមទាំងតំបន់ដែលមានជនរួមជាតិរស់នៅច្រើនកុះករលើភូមិសាស្ត្រខេត្ត។
របាំ “ក្រអូបផ្កាស្មាច់” ជារបាំដ៏វិពិសេសដែលត្រូវបានក្រុមនិព័ន្ធ និងរៀបរៀងយ៉ាងលម្អិតុ។
លោក Hữu Trung ប្រធានក្រុមសិល្បៈ Khmer បានឱ្យដឹង៖ “ឆ្នាំនេះ ក្រុមក៏បានរៀបចំគម្រោងការឱ្យបបងប្អូនសិល្បករ សិល្បការិនី និងតន្ត្រីករទាំងឡាយហាត់តាំងពីដំបូង ព្រមទាំងរៀបរៀង និងនិពន្ធជាច្រើនឈុតសម្តែងដែលប្រកបដោយលក្ខណៈវប្បធម៌ប្រពៃណី Khmer។ ទន្ទឹមនិងនោះផងដែរ យើងខ្ញុំក៏ឡើងផែនការចេញទៅសម្តែងបម្រើក្នុងឱកាសបុណ្យសែនដូនតាឆ្នាំនេះដោយមានទាំងអស់ចំនួន ១៥ ឈុតចំរៀង របាំ រួមមានទាំងរបាំបុរាណ និងចង្វាក់រាំ ច្រផងប្រជាប្រិយផងដែរ) ដោយមានខ្លឹមសារ និងអត្ថន័យទាក់ទងដល់បុណ្យភ្ជុំបិណ្ឌ សែនដូនតា។ ឱកាសបុណ្យភ្ជុំបិណ្ឌ សែនដូនតាឆ្នាំនេះ ក្រុមនឹងចេញទៅសម្តែងចំនួន ៥ កន្លែងក្នុងខេត្ត ដូចជា៖ វត្តហោផុងចាស់ (Hộ Phòng Cũ) សង្កាត់ Giá Rai វត្តខ្វែងបបែលកណ្តាល (Cái Giá Giữa) ឃុំ Hưng Hội និងវត្តជ្រុងខ្មែរ (Rạch Giồng) ឃុំ Hồ Thị Kỷ វត្តក្របីឃ្លៀច (Cao Dân) ឃុំ Tân Lộc ព្រមទាំងវត្តមុនីវង្សា បុប្ផារាម សង្កាត់ An Xuyên ចាប់ពីថ្ងៃទី ១៧ រហូតដល់ថ្ងៃ ២១ ខែកញ្ញា”។
ក្នុងការពិនិត្យសាឡើងវិញកម្មវិធីសិល្បៈសម្រាប់បម្រើក្នុងឱកាសបុណ្យភ្ជុំបិណ្ឌ សែនដូនតារបស់ក្រុមសិល្បៈ Khmer ខេត្ត។
បុណ្យភ្ជុំបិណ្ឌ សែនដូនតា គឺជាពិធីបុណ្យប្រពៃណីរបស់ជនជាតិ Khmer Nam Bộ និយាយរួម ខេត្ត Cà Mau និយាយដោយឡែក ត្រូវបានប្រព្រឹត្តឡើងជារៀងរាល់ឆ្នាំ ដើម្បីសម្តែងនូវការដឹងគុណរបស់កូនចៅគ្រប់ជំនាន់មានចំពោះបុព្វការីជនដែលបានផ្តល់កំណើត និងចិញ្ចឹមថែរក្សាតាំងពីតូចរហូតធំដឹងក្តី។
បងប្អូនតន្រ្តីករតែងសកម្មក្នុងការហាត់សមជាប្រចាំដើម្បីបម្រើមាមីងបងប្អូនក្នុងឱកាសបុណ្យភ្ជុំបិណ្ឌ សែនដូនតា។
ចំរៀងឆ្លងឆ្លើយសម្រាប់បម្រើក្នុងថ្ងៃបុណ្យភ្ជុំបិណ្ឌ សែនដូនតា ឆ្នាំ២០២៥។
ឱកាសនេះដែរ ក្រៅពីទៅវត្តធ្វើបុណ្យ នៅតាមបណ្តាទីតាំងដែលក្រុមបានចេញទៅសម្តែង មាមីងបងប្អូននិងបានទស្សនាកម្សាន្តជាមួយកម្មវិធីសិល្បៈដ៏វិសេសវិសាលពេញដោយលក្ខណៈវប្បធម៌ជនជាតិដែលក្រុមសិល្បៈ Khmer ខេត្តបានលើកយកមកសម្តែង៕
Danh Điệp
