សព្វថ្ងៃនេះ ការអភិរក្ស និងពង្រីកអត្តសញ្ញាណវប្បធម៌របស់ជនជាតិភាគតិចនៅខេត្ត Cà Mau មិនបញ្ឈប់ត្រឹមការបង្ការការពារហានិភ័យនៃការសាបរលត់ប៉ុណ្ណោះទេ ថែមទាំងមានការឆ្ពោះទៅកាន់ទិសដៅធ្វើឱ្យវប្បធម៌កាន់តែមានភាពរីករាលដាល រួមចំណែកកែលម្អជីវភាពរស់នៅរបស់បងប្អូនប្រជាជន។ នេះត្រូវបានបញ្ជាក់ដោយលទ្ធផលជាក់ស្តែងនៃការអនុវត្តគម្រោងទី ៦ "អភិរក្ស និងពង្រីកតម្លៃវប្បធម៌ប្រពៃណីរបស់ជនជាតិភាគតិចដែលផ្សារភ្ជាប់ នឹងការអភិវឌ្ឍទេសចរណ៍" លើភូមិសាស្ត្រខេត្ត ក្រោមកម្មវិធីគោលដៅជាតិស្តីពីការអភិវឌ្ឍសេដ្ឋកិច្ច-សង្គមរបស់ជនជាតិភាគតិច និងតំបន់ភ្នំក្នុងដំណាក់កាល ២០២១-២០២៥។
ភ្ញៀវទេសចរណ៍ទស្សនា និងស្វែងយល់ពីស្ថានបត្យកម្មវត្តគម្ពីរសាគរ ព្រែកជ្រៅ (Xiêm Cán) ។
មិនត្រឹមធ្វើឱ្យសម្បូរបែបខាងអត្តសញ្ញាណវប្បធម៌នៃតំបន់ដែនដីចុងជ្រោយបំផុតរបស់ប្រទេសនោះទេ ឃ្លាំងទ្រព្យនៃតម្លៃវប្បធម៌របស់ជនជាតិភាគតិចក៏ជាប្រភពធនធានដ៏មានតម្លៃណាស់ដែរសម្រាប់ក្នុងការបង្កើតផលិតផលទេសចរណ៍ដ៏ទាក់ទាញទៀតផង។ កន្លងថ្មីៗនេះ មជ្ឈិម និងខេត្តបានចេញសារាចរណ៍និងច្រើនកម្មជាបន្ទាន់ ដើម្បីបបង្កើនន្ថែមនូវប្រភពធនធានសម្រាប់អនុវត្តគោលដៅពីររួមគ្នាតែមួយដើម្បីអភិរក្សវប្បធម៌ជនជាតិភាគតិច និងលើកកម្ពស់សក្តានុពលខាងវិស័យនៃការអភិវឌ្ឍទេសចរណ៍វប្បធម៌។
ក្នុងការអនុវត្តគម្រោងទី៦ Cà Mau បានដាក់ពង្រាយខ្លឹមសារវិនិយោគជាច្រើន ដោយជំនួយ ផលិតផលទេសចរណ៍វប្បធម៌ជនជាតិភាគតិចលើភូមិសាស្ត្រខេត្តឱ្យមានភាពប្រសើរឡើង និងបង្កើនគុណភាពបន្តិចម្តងៗ។ យោងតាមនោះ ផ្តើមពីប្រភពថវិការបស់គម្រោងការ វត្តគម្ពីរសាគរ ព្រែកជ្រៅ (Xiêm Cán) សង្កាត់ Hiệp Thành បានវិនិយោគលើការដំឡើងឆាក និងតុបតែងតំបន់សម្តែងកម្មវិធីសិល្បៈ ព្រមទាំងទិញឧបករណ៍សម្ភារៈសម្រាប់បម្រើក្នុងការសម្តែងឡើងវិញនូវបណ្តាពិធីបុណ្យទានប្បធម៌ប្រពៃណីរបស់ជនរួមជាតិ Khmer។ ក្រុមសិល្បៈរបស់វត្តត្រូវបានវិនិយោគលើវង់ភ្លេងពិណពាទ្យ និងសំលៀកបំពាក់ថ្មី ព្រមទាំងទទួលបានជំនួយការគាំទ្រថវិកាសម្រាប់ឱ្យការហ្វឹកហាត់ និងការចូលរួមសម្តែងដើម្បីកសាងបណ្តាកម្មបិធីសិល្បៈបម្រើដល់អ្នកទស្សនា។
ក្រុមវង់ភ្លេងពិណ្យពាទ្យរបស់វត្តគម្ពីរសាគរ ព្រែកជ្រៅ (Xiêm Cán) ទទួលបានការវិនិយោគសម្រាប់បម្រើឱ្យការសម្តែងក្នុងឱកាសបុណ្យទានវប្បធម៌ និងភ្ញៀវទេសចរណ៍ចូលរួមទស្សនា។
ផ្តើមពីការវិនិយោគលើកដំបូងនៃគម្រោងនេះបាននាំមកនូវសញ្ញាជាវិជ្ជមាន វត្តគម្ពីរសាគរ ព្រែកជ្រៅ (Xiêm Cán) មានការទាក់ទាញភ្ញៀវទេសចរកាន់តែច្រើនមកចូលរួមទស្សនា។ ប្រសិនបើកាលពីមុន ភ្ញៀវទេសចរណ៍អញ្ជើញមកវត្តគ្រាន់តែដើម្បីកោតសរសើរសម្រស់ស្ថាបត្យកម្មដ៏ពិសេស និងសិក្សាស្វែងយល់អំពីតម្លៃនៃស្នាដៃវប្បធម៌ Khmer ប៉ុណ្ណោះ តែឥឡូវនេះដែមទាំងបានចូលរួមកម្មវិធីសិល្បៈដ៏ពិសេសៗ និងបណ្តែតអារម្មណ៍ជាមួយចង្វាក់របាំ ច្រៀងរាំ និងបរិយាកាសរីករាយនៃពិធីបុណ្យផងដែរ។
អ្នកមីង Nguyễn Thị Mỹ Hạnh ជាអ្នកទេសចរម្នាក់មកពីទីក្រុង Hồ Chí Minh បានចែករំលែកថា៖ “ខ្ញុំពិតជាចាប់អារម្មណ៍យ៉ាងខ្លាំងជាមួយនឹងគោលដៅទេសចរណ៍របស់ខេត្ត Cà Mau បន្ទាប់ពីការរួមបញ្ចូលគ្នា ជាពិសេសវត្តគម្ពីរសាគរ ព្រែកជ្រៅ ដែលប្រកបដោយស្ថាបត្យកម្មដ៏អស្ចារ្យ និងអាថ៌កំបាំងបំផុត ដែលធ្វើឱ្យអ្នកទេសចរគ្រប់រូបចង់មកសិក្សាស្វែងយល់។ លើសពីនេះ កម្មវិធីសិល្បៈ Khmer នៅវត្តត្រូវបានរៀបចំយ៉ាងប្រណិត ទាក់ទាញ និងសម្តែងសម្រាប់អ្នកទេសចរ ដែលជួយខ្ញុំឱ្យមានដំណើរកម្សាន្តដ៏ចំណាប់អារម្មណ៍ទៀតផង”។
ក្រៅពីនោះ មន្ទីរវប្បធម៌ កីឡា និងទេសចរណ៍ បានសហការផលិតខ្សែភាពយន្តឯកសារចំនួន ២ រឿងស្តីពីពិធីបុណ្យប្រពៃណីរបស់ជនរួមជាតិភាគតិច ក្នុងគោលបំណងដើម្បីលើកកម្ពស់ និងអប់រំទឹកចិត្តមោទនភាព និងស្មារតីទទួលខុសត្រូវរបស់បងប្អូនប្រជាជនក្នុងការអភិរក្ស និងលើកកម្ពស់អត្តសញ្ញាណវប្បធម៌ជាតិ។
ភ្ញៀវទេសចរណ៍បណ្តែតអារម្មណ៍ជាមួយចង្វាក់រាំប្រពៃណី Khmer។
លោក Lý Vĩ Triều Dương នាយករងនៃមន្ទីរវប្បធម៌ កីឡា និងទេសចរណ៍ បានមានប្រសាសន៍ថា៖ “គម្រោងទី ៦ បានបង្ហាញពីការយកចិត្តទុកដាក់យ៉ាងជ្រាលជ្រៅរបស់បក្ស និងរដ្ឋ ក្នុងការអភិរក្សអត្តសញ្ញាណវប្បធម៌របស់ជនជាតិភាគតិច លើកកម្ពស់តម្លៃនៃបេតិកភណ្ឌវប្បធម៌អរូបី ដែលផ្សារភ្ជាប់នឹងការអភិវឌ្ឍទេសចរណ៍ប្រកបដោយចីរភាព។ សម្រាប់ខេត្ត Cà Mau បន្ទាប់ពីបានរួមបញ្ចូលគ្នា ការអនុវត្តគម្រោងទី ៦ មានសារៈសំខាន់ខាងនយោបាយ វប្បធម៌ និងសង្គមយ៉ាងជ្រាលជ្រៅ ដែលមានគោលបំណងជំរុញមោទនភាពជាតិ លើកកម្ពស់ការយល់ដឹងអំពីការអភិរក្សបេតិកភណ្ឌនៅក្នុងសហគមន៍ បង្កើតឱកាសចិញ្ចឹមជីវភាពតាមរយៈផ្សារភ្ជាប់វប្បធម៌ប្រពៃណីជាមួយសកម្មភាពទេសចរណ៍សហគមន៍។ ក្នុងពេលជាមួយគ្នានេះដែរ។ ផ្តើមពីនោះពង្រឹងមហាសាមគ្គីភាពរវាងបណ្តាជនជាតិជាបងប្អូន កសាងជីវភាពវប្បធម៌ដ៏សម្បូរបែប ឆ្ពោះទៅរកការអភិវឌ្ឍប្រកបដោយចីរភាពទាំងផ្នែកសេដ្ឋកិច្ច និងប្រជាជនគ្រប់រូបផងដែរ”។
យោងតាមបណ្តាខ្លឹមសារដែលបានផ្សព្វផ្សាយ គម្រោងទី ៦ បានបញ្ជាក់ប្រសិទ្ធភាព មិនត្រឹមអនុវត្តល្អការអភិរក្សលក្ខណៈវប្បធម៌រាល់បណ្តាជនជាតិភាគតិចលើភូមិសាស្ត្រខេត្តប៉ុណ្ណទេ ថែមទាំងញាុំងឱ្យផលិតផលទេចរណ៍កាន់តែមានការចំណាប់អារម្មណ៍ថែមទៀត។
Hữu Thọ
