នៅត្រឹមតែជាងមួយសប្តាហ៍ទៀតប៉ុណ្ណោះ ការប្រកួតប្រណាំងទូក.ងថ្នាក់តំបន់ឆ្នាំ ២០២៥ ទីក្រុង Cần Thơ នឹងប្រព្រឹត្តទៅជាផ្លូវការ។ ប៉ុន្មានថ្ងៃនេះ ប្រសិនបើយើងបានទៅតំបន់ជនរួមជាតិភាគតិច បរិយាកាសហ្វឹកហាត់របស់ក្រុមទូក.ងទាំងឡាយពិតជាមានភាពអ៊ូអរខ្លាំងណាស់ បង្កើតបាននូវសូរសម្លេងយ៉ាងខ្ញៀវខ្ញាពេញទាំងភូមិស្រុក។
នឹងមានការចូលរួមប្រគួតរវាងក្រុមទូក.ងបុរស និងនារីប្រមាណ ៦០ ក្រុមក្នុងឱកាសបុណ្យអកអំបុក សំពះព្រះខែប្រណាំងទូ.ងទីក្រុង Cần Thơ ឆ្នាំ២០២៥។ (ក្នុងរូបថត៖ ពិធីប្រណាំងទូក.ង ឆ្នាំ២០២៤នៅខេត្ត Sóc Trăng (ចាស់) បច្ចុប្បន្នជាទីក្រុង Cần Thơ។
ប្រណាំងទូក.ង ជាកីឡាប្រពៃណីដ៏ពិសេសមួយរបស់ជនរួមជាតិ Khmer នៅតំបន់ |Nam Bộ បានក្លាយជាសកម្មភាពវប្បធម៌រួមរបស់សហគមន៍ទូទាំងតំបន់។ ហេតុនេះហើយក៏បានរួមចំណែកក្នុងការអភិរក្ស និងលើកកម្ពស់អត្តសញ្ញាណវប្បធម៌ប្រពៃណីរបស់ជនជាតិទៀតផង។
ទន្ទឹមជាមួយការហ្វឹកហាត់ សកម្មភាពត្រៀមកែជួសជុល និងបោះថ្មីសម្រាប់ទូង.ងនីមួយៗក៏ត្រូវបានយកចិត្តទុកដាក់យ៉ាងពីសេសផងដែរ តាំងពីគូរក្បាច់ ពិនិត្យល្បឿនទូកជាដើម។ ដោយសង្ឃឹមថានិងទទួលបានស្នាដៃខ្ពស់ក្នុងការប្រគួតនាពេលឆាប់ៗខាងមុខ។
រហូតមកទល់ពេលនេះ បណ្តាទូក.ងទាំងឡាយក៏ត្រៀមរៀបចំជាស្រេចអស់ដែរសម្រាប់ខាងគូគំនូរ និងកែជូសជុល។
ពិធីប្រគួតឆ្នាំនេះ មានការចូលរួមពីក្រុមទូក.ងចំនួន ៦០ ក្រុមដែលមកពីខេត្តនានាក្នុងតំបន់ ក្នុងនោះ Cà Mau មាន ១៣ ក្រុម រួមមានក្រុមបុរសចំនួន ៨ ក្រុម និងក្រុមទូកនារី ៥ ក្រុម។ វត្តកោះធំ (Cỏ Thum) ឃុំ Ninh Thạnh Lợi មាន ២ ក្រុមទូកបុរស និង ២ ក្រុម ទូកនារី។ ចំណែកវត្តក្បាលក្រពើ (Đàu Sấu) មាន ២ ក្រុមទូកបុរស និងវត្តង៉ាងយឿ (Ngan Dừa) មាន ១ ក្រុមបុរស និង ១ ក្រុមនារី ស្ថិតនៅឃុំ Hồng Dân) វត្តខ្វែងដង្ហិត (Đài Muồng) ឃុំ Phước Long ១ ក្រុមទូបុរស និង ១ ក្រុមនារី ព្រមទាំងវត្ត អណ្តូងចេក (Đìa Chuối) ឃុំ Vĩnh Mỹ ១ ក្រុមទូកនារី និងវត្តជ្រុងខ្មែរ (Rạch Giồng) ឃុំ Hồ Thị Kỷ ១ ក្រុមទូកបុរស វត្តក្របីឃ្លៀច (cao Dân) ឃុំ Tân Lộc ១ ក្រុមទូក.ងបុរសផងដែរ។
ប៉ុន្មានថ្ងៃនេះ បរិយាកាសរៀបចំរបស់ក្រុមទូកទាំងឡាយកាន់តែមានភាពអ៊ូអរជាងពេលណាទាំងអស់ នៅតាមប្រឡាយទឹក សម្លេងស្រែកហូអឹងកងជាមួយការហ្វឹកហាត់ និងសម្លេងកញ្ចែលាយជាមួយស្នូរច្រវាប៉ះទង្កិចទឹក រួមជាមួយសូរសម្លេងគងរំពងជាសញ្ញាប្រាប់ថារដូវបុណ្យអុំទូកបានមកដល់ហើយ។
ក្រុមកីឡាទូក.ងវត្តជ្រុងខ្មែរ (Rạch Giồng) ឃុំ Hồ Thị Kỷ ហាត់អុំលើរន្ទា។
បង Hữu Đà Ra គ្រូបង្វឹកក្រុមនៃក្រុមទូក.ងវត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ បាននិយាយប្រាប់ថា៖ “ទោះបីជាមានការហត់នឿយខ្លាំងក៏ដោយ តែខ្ញុំពិតជារីករាយណាស់ដែលបានឃើញបងប្អូនកីឡាករទាំងឡាយរួមគ្នាហាត់យ៉ាងអស់ពីចិត្តរៀងរាល់ថ្ងៃបេះនេះ។ បើប្រៀបនឹងឆ្នាំមុនៗ ឆ្នាំនេះក្រុមយើងខ្ញុំហ្វឹកហាត់បានរយៈពេលយូរថ្ងៃជាង ហើយបច្ចេកអុំក៏កាន់តែមានភាពច្នៃប្រតិដ្ឋណាស់ដែរ។ យើងខ្ញុំប្តេជ្ញានឹងនាំមកនូវការប្រកួតប្រជែងដ៏ទាក់ ទាញអារម្មណ៍សម្រាប់ការប្រគួតលើកនេះ”។
ក្រុមទូក.ងបុរសវត្តង៉ាងយឿ (Ngan Dừa) ឃុំ Hồng Dân ហាត់អុំលើទូក ដើម្បីធានាខាងបច្ចេកទេសអុំុ។
ពិធីប្រណាំងទូក.ង ក្រៅពីបានបង្ហាញនូវការសាមគ្គីភាព និងការសម្របសម្រួលដ៏ស៊ីចង្វាក់គ្នារវាងកម្លាំង និងបច្ចេកទេស ក៏ជាឱកាសមួយដើម្បីផ្សារភ្ជាប់ សហគមន៍ និងអភិរក្សលក្ខណៈវប្បធម៌ និងសង្ឃឹមថាអាកាសធាតុអំណោយផល និងដំណាំសម្បូរបែប។ រាល់ចង្វាក់ច្រវាលាយជាមួយសូរសម្លេងស្រែកហូរប្រ កបដោយស្មារតីសាមគ្គី និងមោទនភាពជាតិ ព្រមទាំងជំនឿលើជ័យជម្នះទៀតផង៕
Danh Điệp
