អនុវត្តគម្រោងទី ៦ "អភិរក្ស និងពង្រីកតម្លៃវប្បធម៌ប្រពៃណីដ៏ល្អប្រសើររបស់បងប្អូនជនជាតិភាគតិច ផ្សារភ្ជាប់នឹងការអភិវឌ្ឍទេសចរណ៍" ស្ថិតក្នុងកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ ឆ្នាំ ២០២៥ មន្ទីរវប្បធម៌ កីឡា និងទេសចរណ៍ បានសហការជាមួយសាលាមហាវិទ្យាល័យបាកលីវ បើកវគ្គបណ្តុះបណ្តាល ជំនាញ វិជ្ជាជីវៈ ផ្សព្វផ្សាយវប្បធម៌អរូបីជូនបងប្អូនជនរួមជាតិ Khmer និងជនជាតិ Hoa ទូទាំងខេត្តផងដែរ។
របាំប្រពៃណីរបស់បងប្អូនជនជាតិ Khmer ។
វគ្គបណ្តុះបណ្តាលនេះបានប្រព្រឹត្តឡើងរយៈពេលពីរខែ ដោយមានការចូលរួមបង្រៀនពីសិល្បករ សាស្ត្រាចារ្យដែលមានបទពិសោធន៍ក្នុងវិស័យវប្បធម៌ជនជាតិ និងទេសចរណ៍។
កម្មវិធីបណ្តុះបណ្តាលផ្តោតលើជំនាញសំខាន់ៗជាច្រើនដូចជា៖ សក្តានុពល និងទិសដៅអភិវឌ្ឍន៍ទេសចរណ៍ខេត្ត Cà Mau ។ ស្វែងយល់អំពីប្រភពដើម ប្រវត្តិសាស្ត្រនៃការកកើត និងតម្លៃនៃទម្រង់សិល្បៈបុរាណ Khmer និង Hoa ។ វិធីសាស្ត្រអភិរក្ស និងពង្រីកអត្តសញ្ញាណវប្បធម៌ ផ្សារភ្ជាប់នឹងការអភិវឌ្ឍទេសចរណ៍ប្រកបដោយចីរភាព។ល។
ឈុតសម្តែងរបាំ Khmer នៅវត្តព្រែកជ្រៅ (Xiêm Cán) សង្កាត់ Hiệp Thành។
មិនបង្អង់ត្រឹមទ្រឹស្តី សិក្ខាកាមថែមទាំងបានចូលរួមសកម្មភាពអនុវត្តជាក់ស្តែងយ៉ាងរស់រវើកដូចជា៖ រៀបចំអត្ថបទណែនាំទេសចរណ៍ ទស្សនកិច្ចជាក់ស្តែងនៅតាមវត្តអារាម Khmer និង Hoa ព្រមទាំងអនុវត្តសម្តែងឧបករណ៍តន្ត្រី របាំប្រពៃណីជនជាតិទៀតផង។
សិល្បករដែលចូលរួមបង្រៀនបានសម្តែងនូវមោទនភាពខណៈពេលបានរួមចំណែកផ្សព្វផ្សាយសេចក្តីស្រឡាញ់វប្បធម៌ប្រពៃណី និងបង្រៀនបន្តនូវតម្លៃដ៏ល្អឯករបស់ជនជាតិខ្លួនដល់យុវជនជំនាន់ក្រោយ។ តាមរយៈនោះ បានរួមចំណែកបណ្តុះក្តីស្រឡាញ់ ស្មារតីថែរក្សាកេរដំណែលនៅក្នុងសហគមន៍មូលដ្ឋាន។
របាំសឹង-តោ-នាគ ជាលក្ខណៈដ៏ស្រស់ស្អាតមួយនៃវប្បធម៌របស់ជនជាតិ Hoa ។
យោងតាមលោក Lý Vĩ Triều Dương នាយយករងនៃមន្ទីរវប្បធម៌ កីឡា និងទេសចរណ៍ សិល្បៈប្រពៃណីរបស់បងប្អូន Khmer និង Hoa ជាគ្រាប់ពេចន៍ដ៏មានតម្លៃនៃឃ្លាំងវប្បធម៌របស់ខេត្ត Cà Mau ផងដែរ។ ចំពោះបងប្អូនជនជាតិ Khmer ទម្រង់សិល្បៈដូចជា៖ របាំ ល្ខោនយូកេ វង់ភ្លេងពិណពាទ្យ របាំប្រជាប្រិយ បុណ្យទានប្រណៃណីផ្សេងៗដូចជា៖ អកអំបុកប្រណាំងទូក.ង និងស្ថាបត្យកម្មវត្ត Khmer… ។ មិនត្រឹមតែឆ្លុះបញ្ចាំងពីជីវភាពស្មារតីដ៏សម្បូណ៌បែប ថែមទាំងជាផលិតផលទេសចរណ៍ដ៏វិសេស ផ្ទុកនូវស្មារតីឆ្ពោះទៅរកភាពល្អ ចិត្តមេត្តាករុណា និងភាពស្អិតរមួតក្នុងសហគមន៍ របស់ជនជាតិ Khmer Nam Bộ ។ ចំពោះបងប្អូនជនជាតិ Hoa តម្លៃវប្បធម៌ដូចជា៖ របាំសឹង-តោ-នាគ ចម្រៀងបុរាណ សិល្បៈក្បាច់ របាំប្រជាប្រិយ ម្ហូបអាហារ បុណ្យទានផ្សេងៗ បង្ហាញពីភាពស្រស់ស្អាតនៃវប្បធម៌បូព៌ា រួមចំណែកយ៉ាងសំខាន់ក្នុងការបង្កើតរូបភាពវប្បធម៌ចម្រុះពណ៌ នៃដែនដីកាម៉ាវ។ នេះគឺជាមូលដ្ឋានគ្រឹះដ៏មានតម្លៃ ដើម្បីអភិវឌ្ឍទេសចរណ៍វប្បធម៌ - ស្មារតី - ពិធីបុណ្យ រួមចំណែកផ្សព្វផ្សាយរូបភាពរបស់ភូមិភាគ។
ប្រគុំភ្លេងពិណពាទ្យក្នុងវត្តនាឱកាសបុណ្យទានប្រពៃណី។
ឈុតសម្តែងសិល្បៈដ៏ពិសេសរបស់ជនជាតិ Hoa នៅក្នុងវគ្គបណ្តុះបណ្តាល។
ហេតុដូច្នេះហើយ វគ្គបណ្តុះបណ្តាលនេះមិនត្រឹមតែបណ្តុះបណ្តាលចំណេះដឹងផ្នែកវប្បធម៌ - ទេសចរណ៍ ថែមទាំងបង្រៀន បង្កើននូវសេចក្តីស្រឡាញ់ និងភារកិច្ចក្នុងការអភិរក្សតម្លៃសិល្បៈជនជាតិ ដើម្បីឱ្យតម្លៃដ៏ល្អឯកទាំងនោះ បន្តរស់រានមានជីវិតក្នុងជីវភាពទំនើប និងរួមចំណែកជំរុញទេសចរណ៍ខេត្ត Cà Mau ឱ្យអភិវឌ្ឍចីរភាព៕
Hoàng Lam - Hữu Thọ
