នៅក្នុងលំហដែលប្រកបដោយជីវជាតិនៃតំបន់ Nam Bộ ជាកន្លែងសម្បូរដើមដូងដែលបានផ្តល់ម្លប់យ៉ាងត្រជាក់នៅតាមប្រឡាយ ប្រជាជន Khmer បានបង្កើតគំនិតច្នៃជារបាំត្រឡោកដូង។ របាំត្រឡោក មិនត្រឹមជាការសម្តែងសិល្បៈប្រជាប្រិយប៉ុណ្ណោះទេ ថែមទាំងជានិមិត្តរូបនៃការខិតខំប្រឹងប្រែងច្នៃប្រតិដ្ឋ និងស្មារតីសហគមន៍របស់បងប្អូនប្រជាកសិករ Khmer ដែលតែងខិតខំព្យាយាមពលកម្មផលិតទៀតផង។
របាំគោះត្រឡោក សព្វថ្ងៃកំពុងត្រូវបានប្អូនៗសិស្សសាលាអន្តេវាសិក Cà Mau បន្តអភិរក្សយ៉ាងសកម្ម។
ត្រឡោកដូង ដែលត្រូវបានគេគិតថាប្រើដើម្បីដងទឹក ឬសម្រាប់ប្រើប្រាស់ប្រចាំថ្ងៃ។ល។ តែផ្ទុយទៅវិញត្រូវបានប្រជាជន Khmer “ដាស់ប្រលឹង” ទៅជាឧបករណ៍ភ្លេង។ ជាមួយស្នាដៃដ៏ប៉ិនប្រសព្វ និងការច្នៃប្រតិដ្ឋ ត្រឡោកដូងបានប៉ះទង្កិចគ្នាទៅវិញទៅមកលាន់ឮសូរ “គ្រោកៗ” ដើម្បីបង្កើតបានជាសូរសព្ទបែបលក្ខណៈស្រុកស្រែ ប៉ុន្តែរីករាយមានការរីកសាយភាយលាយឡំជាមួយចង្វាក់ស្គរឆៃយុំា និងសម្លេងស្រឡៃដែលបង្កើតបានជាបរិយាកាសយ៉ាងអ៊ូអរទៀត ផង។
របាំគោះត្រឡោកច្រើនបានឃើញនៅក្នុងពិធីបុណ្យប្រពៃណី ដូចជា៖ បុណ្យចូលឆ្នាំថ្មី អកអំបុក ភ្ជុំបិណ្ឌ សែនដូនតា ឬក៏ក្នុងបណ្តាកម្មវិធីដោះដូរវប្បធម៌រវាងបណ្តាជនជាតិជាបងប្អូន។ល។ យុវជនយុវនារី Khmer ស្លៀកពាក់សំលៀកបំពាក់ប្រពៃណីដោយស្នាមញញឹមយ៉ាងស្រស់ស្អាត ហើយនាំគ្នារាំជាជួរៗ ឬក៏ជាក្រុម ធ្វើចលនាយ៉ាងស្រទន់ ប៉ុន្តែមានភាពម៉ឺងម៉ាត់ សម្លេងត្រឡោកប៉ះគ្នាដូចក្លាយជាចង្វាក់ហាក់បីដូចជារដូវស្រូវទុំ តំណក់ទឹកហូរ និងជីវិតពោរពេញដោយសុខសន្តិភាព។
របាំគោះត្រឡោកមិនត្រឹនមជាឈុតសម្តែងខាងវិស័យសិល្បៈប្រជាប្រិយប៉ុណ្ណោះទេ ថែមទាំងជានិមិត្តសញ្ញានៃការខិតខំព្យាយាម ច្នៃប្រតិដ្ឋ និងស្មារតីផ្សារភ្ជាប់រវាងសហគមន៍ Khmer Nam Bộ ទៀតផង។
របាំគោះត្រឡោក មិនត្រឹមតែជារបាំសម្រាប់សម្តែងប៉ុណ្ណោះទេ ថែមទាំងជាការរួបរួមផ្សារភ្ជាប់រវាងមនុស្សទៀតផង។ គ្មានគម្លាតរវាងអ្នករាំ និងអ្នកទស្សនានោះទេ មនុស្សគ្រប់គ្នាអាចចូលរួមរាំបាន ដោយដៃនឹងដៃប៉ះគ្នា សើចសប្បាយរីករាយដោយស្មារតី “សហគមន៍គឺជាប្រភពកម្លាំង” នៃវប្បធម៌ Khmer Nam Bộ។
បច្ចុប្បន្ន របាំគោះត្រឡោកមិនត្រឹមតែមាននៅក្នុងពិធីបុណ្យភូមិប៉ុណ្ណោះទេ ថែមទាំងត្រូវបានលើកយកមកសម្តែងលើឆាកអាជីពទៀតផង។ ដោយបង្ហាញខ្លួននៅក្នុងពិធីបុណ្យសិល្បៈប្រជាប្រិយ កម្មវិធីទេសចរណ៍វប្បធម៌។ល។ ជាពិសេស នៅតាមបណ្តាសាលាជនជាតិអន្តេវាសិក ប្អូនៗទទួលបានការបង្ហាត់បង្រៀនជាមូលដ្ឋាន និងរៀនអំពីរបៀបស្រឡាញ់ប្រពៃណីដើម្បីរាល់ពេលដែលតន្ត្រីបានប្រគំឡើង ធ្លាសាលាទាំងមូលហាក់ដូចជាមានភាពអ៊ូអរ និងរស់រវើករបស់ស្រុកភូមិ។
របាំងគោះត្រឡោក ចាំបាច់ត្រូវមានកាយវិការទន់ភ្លន់ជាដាច់ខាត។
ប្អូន Phan Bảo Trâm ជាសិស្សថ្នាក់ទី១១ ៤ នៃវិទ្យាល័យជនជាតិអន្តេវាសិក Cà Mau បានចែករំលែកថា៖ “ការចូលរួមរាំរបាំគោះត្រឡោក ប្អូនមានអារម្មណ៍រំ ភើបណាស់ និងមានមោទនភាពយ៉ាងខ្លាំង។ ដំបូងឡើយ ប្អូនមានការព្រួយបារម្ភបន្តិចដែរ ពីព្រោះប្អូនខ្លាចរាំខុសចង្វាក់ ប៉ុន្តែពេលដែលប្អូនបានរាំលើឆាកជាមួយមិត្តភក្តិ ប្អូនមានអារម្មណ៍ថាភាពសប្បាយរីករាយកាន់តែកើនឡើងជាលំដាប់។ របាំគោះត្រឡោក មិនត្រឹមតែជារបាំធម្មតាប៉ុណ្ណោះទេ ថែមទាំងជាមធ្យោបាយមួយសម្រាប់ប្អូនបនយល់កាន់តែច្បាស់អំពីលក្ខណៈវប្បធម៌ Khmer ។ តាំងពីកាយវិការ សូរសព្ទលាន់ឮ “គ្រោកៗ” ស្តាប់ទៅដូចជាចង្វាក់បេះដូងរបស់មាតុភូមិ របស់ប្រជាជនដែលខិតខំពញយាយាមធ្វើការពលកម្ម សាមញ្ញ ប៉ុន្តែមានអារម្មណ៍រំជួលចិត្តជាខ្លាំង”។
របាំគោះត្រឡោក មិនពិបាករាំ និងប្រកបដោយភាពសាមញ្ញ តែបង្គាប់នូវស្មារតីសប្បាយរីករាយ រាក់ទាក់ និងពេញដោយក្តីស្រឡាញ់របស់បងប្អូន Khmer Nam Bộ ៕
Danh Điệp
