ទូក.ងជាប្រភេទទូកប្រពៃណីរបស់ជនរួមជាតិ Khmer Nam Bộ ជាធម្មតាតែងមានវត្តមានតែម្តងគត់ក្នុងមួយឆ្នាំ គឺនៅក្នុងពិធីបុណ្យអុកបុក សំពះព្រះខែ ដែលប្រារព្ធឡើងនៅថ្ងៃពេញបូណ៌មី ខែកក្តិកជារៀងរាល់ឆ្នាំ។ នេះមិនត្រឹមតែជាឧបករកីឡាប៉ុណ្ណោះទេ ថែមទាំងជានិមិត្តរូបខាងវិញ្ញាណផងដែរ ដែលជាប់ទាក់ទងយ៉ាងជិតស្និទ្ធជាមួយនឹងជំនឿ សិល្បៈ និងអត្តសញ្ញាណ Khmer ។
.JPG)
សត្វពស់នាគរាជនិមិត្តសញ្ញាដែលតែងបានឃើញគូរនៅតាមទូក.ង Khmer។
.jpg)
រាល់ទូក.ង Khmer នីមួយៗសុទ្ធតែមានរូបសត្វកំណាន់ដែលប្រកបដោយអត្ថន័យដោយឡែករៀងខ្លួន។
ទូក.ងមានប្រវែងពី ២៥ ទៅជាង ៣០ ម៉ែត្រ។ ទូកនីមួយៗត្រូវបានចាត់ទុកជាអាទិទេពថែរក្សាភូមិស្រុក។ អាស្រ័យដូច្នេះហើយ ការតុបតែងទូក.ងគឺពោរពេញទៅដោយភាពពិសិដ្ឋ និងនិមិត្តរូប។ នៅខាងក្បាល និងដងខ្លួនរបស់ទូក.ង ធម្មតាត្រូវបានឆ្លាក់ និងគូររូបភាពសត្វកំណាន់តាមទេវកថាក្នុងវប្បធម៌ Khmer។ សត្វនីមួយៗមានអត្ថន័យខុសៗគ្នា ដែលតំណាងឱ្យកម្លាំង ភាពវៃឆ្លាត និងជំនឿខាងវិញ្ញាណ។ ថ្វីត្បិតតែរាងទូក.ងវែងហាក់បីដូចជាសត្វពស់កំពុងលូនក៏ដោយ តែរាល់ទូកនីមួយតែងមានចម្លាក់ឬគូរសត្វផ្សេងៗគ្នានៅលើក្បាលទូក។ ក្នុងចំណោមសត្វទាំងនោះ និមិត្តសញ្ញាពស់នាគរាជមានប្រជាប្រិយភាពខ្លាំងជាងគេ។ ប្រជាជនខ្មែរជឿថា សត្វនាគ នឹងជួយទូកឱ្យអណ្តែតហើយស្ទុះទៅមុខយ៉ាងលឿនតាមដងទន្លេ ជៀសវាងរាលើគ្រោះអាក្រក់ទាំងពួង និងនាំមកនូវសំណាងល្អដល់ក្រុមប្រណាំងផងដែរ។ ក្រៅពីនិមិត្តសញ្ញាណាសត្វនាគ ទូក.ងនីមួយៗក៏ប្រើនិមិត្តសញ្ញា ដូចជា៖ សេះស ខ្លា ដំរី គ្រុឌ... គ្រុឌ គឺជាសត្វពាក់កណ្តាលមនុស្ស ពាក់កណ្តាលសត្វស្លាប ដែលជាគូប្រជែងដ៏គ្រប់ជាតិរបស់សត្វពស់នាគរាជក្នុងទេវកថា Ấn Độ - Khmer។
.jpg)
រាល់និមិត្តសញ្ញាលើទូក.ងមួយៗត្រូវបានចាត់ទុកជាសត្វកំណាន់ដែលតមណាងឱ្យកម្លាំងដ៏ខ្លាំងខ្លាសម្រាប់ពេលប្រណាំង។ (ទូក.ងវត្តព្រះបួនព្រះភក្ត្រ (Bốn Mặt) ទីក្រុង Cần Thơ មានសត្វគ្រុឌជាតំណាង)។
និមិត្តសញ្ញាសត្វក្ងោកមាសរបស់ទូក.ងវត្តបឹងក្រចាប់ចាស់ (Cần Thơ)។
រូបសត្វកំណាន់គ្រុឌ តំណាងឱ្យកម្លាំងដ៏ខ្លាំងខ្លា និងឆន្ទៈក្នុងការយកឈ្នះលើរាល់ភាពលំបាកទាំងឡាយ។ និមិត្តសញ្ញាគ្រុឌ ដែលមានស្លាបលាតសន្ធឹង និងអាចហោះហើរបាន តំណាងឱ្យបំណងប្រាថ្នារបស់សហគមន៍សម្រាប់សិទ្ធិសេរីភាព និងស្មារតីនៃជ័យជំនះទាំងពួង។ ការឆ្លាក់ និងការតុបតែងរូបសញ្ញាគ្រុឌនៅលើទូក.ង Khmer មិនត្រឹមតែជាសិល្បៈប្រជាប្រិយប៉ុណ្ណោះទេ ថែមជាពិធីសម្រាប់អធិស្ឋានសុំសន្តិភាពផងដែរ។ ទូក.ងនីមួយៗត្រូវបានចាត់ទុកថាជា "ព្រះអាទិទេព្យរស់" ហើយពិធីមួយត្រូវបានរៀបចំឡើងដើម្បី "ហៅព្រលឹងទូក" និង "បើកភ្នែកទូក" មុនពេលចេញទៅប្រណាំង៕
Danh Điệp
