នៅពេលដែលដំណើរការអភិវឌ្ឍន៍ ជីវភាពរស់នៅខាងសម្ភារៈ និងស្មារតីរបស់បងប្អូនប្រជាជននៅតាមតំបន់ជនបទកាន់តែមានភាពប្រសើរឡើងពីមួយថ្ងៃទៅមួយថ្ងៃ។ នៅតាមភូមិស្រុកទូទាំងខេត្ត ថ្វីត្បិតតែទម្រង់នៃការកម្សាន្តបែបទំនើបងាយស្រួលស៊ីជម្រៅក្នុងរាល់បណ្តាកម្មវិធីសិល្បៈប្រពៃណី។ ភស្តុតាងគឺរាល់ពេលដែលក្រុមសិល្បៈបានមកសម្តែងនៅឃុំម្តងៗតែងតែទទួលបានការគាំទ្រយ៉ាងកក់ក្ដៅពីសំណាក់មហាជនយ៉ាងច្រើនកុះករ ។
បងប្អូនប្រជាជនឃុំ Hưng Hội នាំគ្នាទៅវត្តខ្វែងបបែលខាងជើង (Cái Giá Chót) ដើម្បីទស្សនាកម្មវិធីសិល្បៈ ដែលសម្តែងដោយមានក្រុមសិល្បៈ Khmer Bạc Liêu។
ក្រុមសិល្បៈ Khmer Bạc Liêu រោងមហោស្រព Cao Văn Lầu ទើបតែមានការសម្តែងចល័តនៅវត្តខ្វែងបបែលខាងជើង Cái Giá Chót) ឃុំ Hưng Hội។ កម្មវិធីបានប្រព្រឹត្តឡើងនៅវេលាម៉ោង ១៩ ប៉ុន្តែចាប់ពីរសៀលទៅបរិយាកាសនៅវត្តចាប់ផ្តើមមានភាពអ៊ូអរជាមួយនឹងឈុតរៀបចំឆាកសម្តែង បងប្អូនប្រជាជននាំគ្នាទន្ទឹងរង់ចាំទស្សនាកម្មវិធីសិល្បៈ។
បណ្តាឈុតសម្តែងនីមួយៗពេញដោយភាពសប្បាយរីករាយ តាំងពីក្បាច់រាំរហូតដល់កាយវិការតែងទទួលបានកាតគាំទ្រយ៉ាងខ្លាំងពីទស្សនិកជន។ ជាពិសេស ក្រុមសិល្បៈ Khmer Bạc Liêu ថែមទាំងបានលើកយកនូវរឿងយូកេមួយឈុតសម្រាប់សម្តែងចែកជូនអ្នកទស្សនា ក្រមោចំណងជើង “បណ្តាសាររបស់យក្សកីណី”។ នាំមកនូវពណ៌នៃវប្បធម៌ប្រពៃណី Khmer ដោយសំដៅលើការថ្កោលទោសអំពើអាក្រក់ និងបញ្ជាក់ពីការពិតថាអំពើល្អតែងតែយកឈ្នះលើអំពើអាក្រក់ទាំងពួង។
បណ្តាកម្មវិធីសិល្បៈដែលត្រូវបានរៀបរៀងនិពន្ធយ៉ាងល្អ។
បង Hồng Chanh Ty ភូមិ Đay Tà Ni ឃុំ Hưng Hội បានចែករំលែកថា៖ “ក្នុងយុគសម័យបច្ចេកវិទ្យា ជាមួយនឹងទម្រង់កម្សាន្តប្លែកៗ ប្រជាជនជាទូទៅតែងមានតម្រូវការខាងទទួលយកមរតកវប្បធម៌ ប៉ុន្តែសម្រាប់បងប្អូនប្រជាជន Khmer កម្មវិធីសិល្បៈបុរាណតែងតែជាចំណីខាងចក្ខុដ៏ចំណាប់អារម្មណ៍ដែលមិនអាចខ្វះបាន។ អាស្រ័យដូច្នេះហើយ រាល់លើកដែលមានក្រុមសិល្បៈ Khmer មកសម្តែងម្តងៗ បងប្អូនជនរួមជាតិ Khmer ក្នុងឃុំមានចិត្តសប្បាយរីករាយខ្លាំងណាស់ ព្រមទាំងមកចូលរួមទស្សនាយ៉ាងច្រើនកុះករ”។
ឈុតសម្តែងដែលប្រកបដោយខ្លឹមសារនៃការស្ងើចសរសើរបក្ស និងប្រទេសជាតិ រួមចំណែកបង្កើនទឹកចិត្តស្នេហាជាតិក្នុងជនរួមជាតិ Khmer។
ឆ្នាំនេះ ក្រុមសិល្បៈ Khmer Bạc Liêu បានចូលរួមសម្តែងបម្រើបងប្អូនទស្សនិកជនចំនួន ៣០ លើកដែលមាននៅតាមបណ្តាឃុំ និងសង្កាត់ដែលមានបងប្អូនជនរួមជាតិ Khmer រស់នៅច្រើនកុះករ។ ថ្វីត្បិតតែបានរួមបញ្ចូល និងច្នៃប្រតិដ្ឋការសម្តែងតាមបែបទំនើបមួយចំនួនក៏ដោយ ក៏កម្មវិធីទាំងមូលនៅតែមានលក្ខណៈប្រពៃណីផ្នែកខាងសិល្បៈផងដែរ។ លោក Thạch Thiệu អនុប្រធានក្រុមសិល្បៈ Khmer Bạc Liêu មានប្រសាសន៍ថា៖ “ក្នុងការកសាងកម្មសិល្បៈដើម្បីបម្រើប្រជាជន Khmer យើងខ្ញុំតែងព្យាយាមលើកតម្កើងខាងទម្រង់សិល្បៈបុរាណ លើសពីនោះ រួមបញ្ចូលលក្ខណៈបែបទំនើបខាងតន្ត្រី និកាយវិការសម្តែងក៏ផ្តោតលើការនាំយកនូវភាពថ្មីប្លែកសម្រាប់ចែកជូនដល់ទស្សនិកជន ជាពិសេសទាក់ទាញទស្សនិកជនវ័យក្មេង”។
មិនត្រឹមតែមានទស្សនិកជនវ័យជម្នះ និងចាស់ព្រឹទ្ធាចារ្យប៉ុណ្ណោះទេ កម្មវិធីសិល្បៈថែមទាំងមានការទាក់ទាញយុវវ័យ Khmer ទៀតផង។
ដំណើរការក្នុងស្ថានភាពលំបាកទាំងផ្នែកធនធានមនុស្ស និងឧបករសម្ភារៈ ក្រុមសិល្បៈ Khmer Bạc Liêu តែងអនុវត្តដំណើរការបានយ៉ាងល្អ នាំយកសិល្បៈប្រពៃណីទៅកាន់តំបន់ជនបទ។ មិនត្រឹមតែអភិរក្ស និងលើកតម្កើងអត្តសញ្ញាណវប្បធម៌ជាតិប៉ុណ្ណោះទេ កម្មវិធីសិល្បៈផ្សារភ្ជាប់ជាមួយនឹងការផ្សព្វផ្សាយភារកិច្ចនយោបាយ ក៏បានរួមចំណែកលើកទឹកចិត្ត និងដាស់ស្មារតីសាមគ្គីភាព និងសេចក្តីប្រាថ្នាកសាងមាតុភូមិតំបន់ជនរួមជាតិ Khmer ផងដែរ៕
Hữu Thọ
