ជាមួយសូរសព្ទតូរ្យតន្ត្រីពិណពាទ្យយ៉ាងពិរោះរណ្តំ និងចង្វាក់រាំង់ដែលអំដោយកាយវិការយ៉ាងទន់ភ្លន់ក្នុងឱកាសបុណ្យចូលឆ្នាំថ្មីប្រពៃណីជាតិ ២០២៦ ខេត្ត Cà Mau មិនត្រឹមតែរៀបចំពិធីបុណ្យទទួលអំណរឆ្នាំថ្មីប៉ុណ្ណោះទេ ថែមទាំងបើកនូវទំព័រថ្មីសម្រាប់វិស័យទេសចរណ៍ផងដែរ រួមដំណើរការលើកកម្ពស់បេតិកភណ្ឌជាតិឱ្យក្លាយជាប្រភពកម្លាំងសម្រាប់អភិវឌ្ឍន៍សេដ្ឋកិច្ចប្រកបដោយចីរភាព។
បង្រៀនភាសា និងអក្សរសាស្ត្រ Khmer គឺជាវិធីសាស្ត្រមួយក្នុងការតភ្ជាប់វប្បធម៌សម្រាប់បញ្ញវន្តជំនាន់ក្រោយផងដែរ។
ធ្វើដំណើរតាមដងផ្លូវនានានៅតំបន់ជនជាតិភាគតិចក្នុងបណ្តាថ្ងៃនេះ យើងអាចមានអារម្មណ៍ស្រស់ថ្លា និងទទួលយកនូវភាពថ្មីប្លែកៗ។ សម្រាប់ដំបូលនៃវត្តអារាម និងសាលាទាន មិនត្រឹមតែជាទីកន្លែងសម្រាប់គោរពបូជាតាមជំនឿសាសនាប៉ុណ្ណោះទេ ប៉ុន្តែបច្ចុប្បន្នបានក្លាយជា "គោលដៅ" វប្បធម៌ដែលទទួលបានការអភិរក្ស និងជួសជុលយ៉ាងស្អាតបាតទៀតផង។
លោក Nguyễn Chí Công អនុប្រធានមន្ទីរវប្បធម៌ កីឡា និងទេសចរណ៍ខេត្ត Cà Mau បានបញ្ជាក់ថា៖ “ការអភិរក្សពិធីបុណ្យផ្សារភ្ជាប់នឹងការអភិវឌ្ឍទេសចរណ៍ លក្ខណៈពិសេស គឺជាដំណោះស្រាយគន្លឹះដើម្បីលើកកម្ពស់ជីវភាពរស់នៅសម្រាប់បងប្អូន Khmer ។ វិស័យវប្បធម៌កំពុងឈានទៅរកគោលដៅយូរអង្វែងសម្រាប់ដំណាក់កាល ២០២៦-២០៣០ គឺធ្វើឱ្យការងារស្រាវជ្រាវស្ថិតិកាន់តែមានវិជ្ជាជីវៈ និងលើកកម្ពស់ពិធីបុណ្យប្រពៃណីផ្សេងៗឱ្យក្លាយជាបេតិកភណ្ឌកម្រិតថ្នាក់ជាតិ”។
យោងតាមគម្រោងអនុវត្តផែនការរៀបចំប្រព័ន្ធទេសចរណ៍ខេត្ត Cà Mau ដំណាក់កាល ២០២១-២០៣០ និងចក្ខុវិស័យដល់ឆ្នាំ ២០៤៥ ខេត្តបានកំណត់ការអភិវឌ្ឍទេសចរណ៍តាមទិសដៅបៃតង ចីរភាព និងបង្កប់ដោយអត្តសញ្ញាណប្រចាំតំបន់។ គោលដៅដល់ឆ្នាំ ២០២៥ ទទួលភ្ញៀវឱ្យបាន ៨ លាននាក់ និងដល់ឆ្នាំ ២០៣០ សម្រេចឱ្យបាន ១១,៥ លាននាក់ ដោយនាំមកនូវប្រាក់ចំណូលប្រមាណ ១៤.២០០ ពាន់លានដុង។
ដើម្បីសម្រេចបានគោលដៅនេះ ខេត្ត Cà Mau កំពុងប្រមូលផ្តុំ "ដាស់" សក្តានុពលនៃមណ្ឌលទេសចរណ៍មូយ Cà Mau ឱ្យក្លាយជាមណ្ឌលទេសចរណ៍ថ្នាក់ជាតិនៅឆ្នាំ ២០៣០។ ការរួមបញ្ចូលគ្នារវាងប្រព័ន្ធអេកូឡូស៊ីដ៏វិសេសវិសាលនៃតំបន់បម្រុងជីវមណ្ឌលពិភពលោក និងសម្បត្តិបេតិកភណ្ឌវប្បធម៌ដ៏សម្បូរបែប ជាមួយនឹងកទីតាំងបេតិកភណ្ឌចំនួន ១១២ កន្លែងដែលត្រូវបានចុះចំណាត់ថ្នាក់ រួមទាំងរចនាបថស្ថាបត្យកម្ម ពិធីបុណ្យដែលបង្កប់ដោយពណ៌សម្បុរលក្ខណៈពិសេសរបស់បងប្អូនបណ្តាជនជាតិនានា នឹងក្លាយជា "មេដែក" ទាក់ទាញភ្ញៀវទេសចរអន្តរជាតិ។
លោក Nguyễn Chí Công បានសង្កត់ធ្ងន់ថា៖ “ការរក្សាឫសគល់នៃតម្លៃបេតិកភណ្ឌគឺការអាទិភាពដ៏ចម្បង។ ហេតុនេះ គ្រប់សកម្មភាពតាំងពីកិច្ចពិធីបុណ្យទានរហូតដល់ផ្នែងខាងសិល្បៈ ត្រូវតែធានានូវលក្ខណៈដើម។ វិស័យវប្បធម៌នឹងសហការយ៉ាងជិតស្និទ្ធជាមួយភូមិភាគ ដើម្បីធ្វើស្តង់ដារសេវាកម្មទេសចរណ៍ និងកែលម្អហេដ្ឋារចនាសម្ព័ន្ធទេសភាពជុំវិញវត្តអារាមនានា។ ជាពិសេស តាមរយៈវគ្គបណ្តុះបណ្តាលជំនាញ ប្រជាពលរដ្ឋម្នាក់ៗដែលចូលរួមទេសចរណ៍នឹងក្លាយជា "ទូតវប្បធម៌" ជួយឱ្យភ្ញៀវទេសចរណ៍ទាំងឡាយទទួលបានការបម្រើយ៉ាងដិតដល់ និងយល់ដឹងកាន់តែច្បាស់ពីតម្លៃជំនឿសាសនាដ៏វិសេសវិសាលរបស់បងប្អូន Khmer ”។
វង់ភ្លេងពិណពាទ្យបានបញ្ចញនូវសូរសព្ទយ៉ាងពិរោះរណ្តំតាំងពីបទបុរាណរហូតដល់សម័យ។
ដើម្បីទាញយកអត្ថប្រយោជន៍ជាអតិបរមានូវតម្លៃវប្បធម៌ Khmer មន្ទីរវប្បធម៌ កីឡា និងទេសចរណ៍ បានលើកជំរុញទឹកចិត្តដល់បណ្តាអង្គភាព ក្រុមហ៊ុនទេសចរណ៍ បង្កើនការចុះអង្កេត កសាងខ្សែចរន្តទេសចរណ៍បទពិសោធន៍ប្លែកៗ ជាពិសេសក្នុងឱកាសពិធីបុណ្យផ្សេងៗជាដើម។
បុណ្យចូលឆ្នាំថ្មីប្រពៃណី Khmer ២០២៦ មិនត្រឹមតែរំពងទៅដោយសូរសព្ទតូរ្យតន្ត្រីពិណពាទ្យប៉ុណ្ណោះទេ ថែមទាំងពោរពេញដោយទំនុកចិត្តនៃឱកាសថ្មី ក្នុងការ "ដាស់" នូវបេតិកភណ្ឌរបស់បងប្អូន Khmer តាមរយៈផ្នត់គំនិតធ្វើទេសចរណ៍ប្រកបដោយចីរភាព។ ដំណើរការនាំយកបេតិកភណ្ឌឆ្ពោះទៅមុខ និងរួមដំណើរការជាមួយខ្សែចរន្តនៃការអភិវឌ្ឍរួមរបស់ខេត្ត កំពុងក្លាយជាការពិតពីមួយថ្ងៃទៅមួយថ្ងៃផងដែរ។ ដើម្បីឱ្យរាល់ពិធីបុណ្យទានប្រពៃណី និងរាល់ដំបូលវត្តអារាម មិនត្រឹមតែជាមោទនភាពរបស់បងប្អូន Khmer ប៉ុណ្ណោះទេ ថែមទាំងជាស្ពានតភ្ជាប់រវាងខេត្ត Cà Mau ជាមួយមិត្តភក្តិមកពីគ្រប់ទិសទីលើពិភពលោកទៀតផង៕
Trịnh Hải
