ឃុំ Hồ Thị Kỷ បច្ចុប្បន្នមានគ្រួសារជនជាតិភាគតិចជាង ៦០០ គ្រួសារ រស់នៅប្រមូលផ្តុំនៅភូមិ Cây Khô និងភូមិ Đường Đào។ ក្នុងរយៈពេលប៉ុន្មានឆ្នាំកន្លងមកនេះ អាស្រ័យការយកចិត្តទុកដាក់របស់បក្ស និងរដ្ឋ ព្រមទាំងរដ្ឋអំណាចភូមិភាគ ជីវភាពបងប្អូនជនរួមជាតិមានភាពប្រសើរឡើង។ ទន្ទឹមនិងនោះ ភូមិភាគថែមទាំងយកចិត្តទុកដាក់យ៉ាងពិសេសចំពោះការថែរក្សា និងលើកតម្កើងតម្លៃវប្បធម៌ប្រពៃណីដ៏ល្អផូរផង់របស់ជនរួមជាតិ។ សកម្មភាពវប្បធម៌ និងសិល្បៈក៏ត្រូវបានថែរក្សាជាប្រចាំ ទាក់ទាញមនុស្សមួយចំនួនធំ ជាពិសេសយុវជនជំនាន់ក្រោយចូលរួមផងដែរ។
ប្អូនៗក្នុងក្លឹបវប្បធម៌ប្រជាប្រិយភូមិ Cây Khô រីករាយ និងមាមោទនភាពជាខ្លាំងពេលដែលបានស្លៀកសម្លៀកបំពាក់ប្រពៃណី និងចូលរួមសម្តែងសិល្បៈច្រៀងរាំប្រពៃណីដើម្បីបម្រើមាមីងបងប្អូនក្នុងឱការបុណ្យទាននៅភូមិភាគ។
ដែលឆ្នើមដូចជាក្លឹបវប្បធម៌ប្រជាប្រិយ និងក្រុមវង់ភ្លេងស្គរធំនៅភូមិ Cây Khô។ នេះគឺជាកន្លែងថែរក្សា និងលើកកម្ពស់ស្មារតីនៃការស្រឡាញ់ខាងវិស័យវប្បធម៌ជនជាតិសម្រាប់យុវជនជំនាន់ក្រោយសព្វថ្ងៃនេះ។
លោក Hữu Văn Kel ប្រធានក្រុមវង់សភ្លេងស្គរធំភូមិ Cây Khô និងជាសិប្បករឆ្នើមម្នាក់ក្នុងវិស័យបេតិកភណ្ឌវប្បធម៌អរូបី ជាពិសេសសិល្បៈសម្តែងប្រជាប្រិយ Khmer នៃវង់ភ្លេងស្គរធំរបស់ Khmer ដោយប្តេជ្ញាចិត្ត៖ “អស់រយៈពេលជាង ៤០ ឆ្នាំមកហើយ គ្រួសារខ្ញុំបានរួមចំណែកយ៉ាងសកម្មដល់សហគមន៍ក្នុងភូមិភាគចំពោះការអនុវត្ត និងបង្រៀនសិល្បៈវង់ភ្លេងស្គរធំ ដើម្បីថែរក្សា និងលើកតម្កើងតម្លៃនៃបេតិកភណ្ឌនេះ។ ផ្តើមពីនោះ សមាជិកក្នុងគ្រួសារតែងតែហ្វឹកហាត់ចូលរួមក្នុងពិធីបុណ្យទាន និងដើម្បីចូលរួមសម្តែងក្នុងពីធីជប់លៀងផ្សេងៗ ឬក៏ដោះដូរវប្បធម៌រវាងទាំងក្នុង និងក្រៅខេត្ត មិនតែប៉ុណ្ណោះថែមទាំងជួយណែនាំប្អូនៗកុមារក្នុងភូមិបានរៀនរាំ ច្រៀងដើម្បីបន្តរក្សវប្បធម៌ប្រពៃណី”។
ជាពិសេស ភូមិ Cây Khô មានក្លឹបវប្បធម៌ប្រជាប្រិយមួយ ដែលត្រូវបានបង្កើតឡើងក្នុងឆ្នាំ ២០២៤ ដោយមានការចូលរួមពីសិស្សបឋមសិក្សា និងមធ្យមសិក្សាប្រហែល ១០-២០ នាក់ផងដែរ។
អ្នកស្រី Danh Huỳnh Ni សមាជិកក្លឹបវប្បធម៌ប្រជាប្រិយ និងជាអ្នករៀងនិពន្ធរបាំរបស់ក្លឹប បាននិយាយប្រាបថា៖ “ដោយសារតែកុមារចូលរៀននៅពេលថ្ងៃ ក្លឹបនេះឆ្លៀតយកពេលល្ងាចដើម្បីហ្វឹកហាត់។ ប្អូនៗមានភាពរីករាយ និងចូលរួមយ៉ាងសកម្មផងដែរសម្រាប់ការហ្វឹកហាត់ និងបំណិន សម្រាប់ចូលរួមសម្តែងក្នុងឱកាសបុណ្យទានប្រពៃណី ផ្តើមពីនោះ ក៏រួមចំណែកដល់ការអភិរក្ស និងពង្រីកសាយភាយនូវលក្ខណៈវប្បធម៌ប្រពៃណីជាតិ”។
អ្នកស្រី Hữu Thị Bảo Ngọc សិស្សថ្នាក់ទី ៣C សាលាបឋមសិក្សា Hồ Thị Kỷ បាននិយាយថា៖ “បន្ទាប់ពីម៉ោងរៀន គឺប្អូនប្រញាប់ទៅជួបក្រុមដោយអន្ទះសារដើម្បីហ្វឹកហាត់ ច្រៀង រាំ។ ប្រការនេះថែមទាំងបានចូលរួមកម្សាន្តផង និងដើម្បីរួមចំណែកដល់ការអភិរក្សវប្បធម៌ប្រពៃណី ដូច្នេះហើយប្អូនពិតជារីករាយ និងមានមោទនភាពណាស់ខ្លាំងដែរ”។
ក្លឹបវប្បធម៌ប្រជាប្រិយភូមិ Cây Khô សកម្មហ្វឹកហាត់ដើម្បីចូលរួមសម្តែងទទួលអំណរបុណ្យចូលឆ្នាំថ្មី ២០២៦។
លោក Nguyễn Trọng yêm ប្រធានភូមិ Đường Đào ឃុំ Hồ thị Kỷ បានមានប្រសាសន៍ថា៖ “ភូមិភាគតែងបង្កលក្ខណៈដើម្បីសកម្មភាពវប្បធម៌ប្រពៃណីទទួលបានការរក្សា និងអភិរក្ស។ តួយ៉ាងដូចជាក្នុងថ្ងៃបុណ្យទានប្រពៃណីធំៗ ភូមិភាគតែងសហការជាមួយគណៈកម្មការវត្តជ្រុងខ្មែរ (Rạch Giồng) ចាត់តាំងសកម្មភាពបុណ្យទានដែលប្រកបដោយអត្តសញ្ញាណវប្បធម៌ប្រពៃណីជាតិ។ ផ្តើមពីនោះ រួមចំណែករឹតបន្តឹងសាមគ្គី បង្កើតប្រភពកម្លាំងដើម្បីជនរួមជាតិ ឈានឡើងក្នុងការរស់នៅ”។
ជាមួយការខិតខំប្រឹងប្រែងរួមគ្នារបស់រដ្ឋអំណាចភូមិភាគ និងសហគមន៍ ព្រមទាំងស្មារតីរៀនសូត្ររបស់យុវជនជំនាន់ក្រោយ បណ្តាតម្លៃវប្បធម៌ប្រពៃណីនៅ ឃុំ Hồ Thị Kỷ មួយថ្ងៃកាន់តែទទួលបានការអភិរក្ស និងពង្រីកប្រកបដោយចីរភាព៕
Loan Phương
