ក្នុងដំណើរការរស់នៅដ៏យូរលង់រវាងបណ្តាជនជាតិជាបងប្អូននៅតំបន់ Nam Bộ បងប្អូនជនរួមជាតិ Khmer តែងរក្សាខ្ជាប់នូវលក្ខណៈពិសេសដោយឡែករបស់ខ្លួនជាមួយលក្ខណៈប្រពៃណីវប្បធម៌ ជំនឿ ជាពិសេសខាងវប្បធម៌មុខម្ហូប។ បណ្តាមុខម្ហូបដ៏សាមញ្ញៗ និងបែបជនបទ មិនត្រឹមតែឆ្លុះបញ្ចាំងពីជីវិតប្រចាំថ្ងៃរបស់ពួកគេប៉ុណ្ណោះទេ ថែមទាំងមានទំនាក់ទំនងយ៉ាងជិតស្និទ្ធទៅនឹងការចងចាំពីកុមារភាពរបស់មនុស្សជំនាន់ជាច្រើនផងដែរ។ ក្នុងចំណោមនោះ នំបង្គា គឺជាប្រភេទនំធម្មតាមួយខាងស្មារតីជនបទ និងត្រូវបានមនុស្សជាច្រើនចូលចិត្ត។
នំបង្គា ជាមុខម្ហូបដ៏ប្រចាំសម្រាប់តំបន់ជនបទ។
នំបង្គា ជាម្ហូបដ៏ល្បីល្បាញមួយរបស់ប្រជាជន Khmer Nam Bộ។ ដែលនិយមហៅថានំបង្គា ពីព្រោះនំចាក់ដោយម្សៅ និងមានឈ្នូលជាបង្គា រាងមូល ប្រហែលពី ៤-៥ សង់ទីម៉ែត្រ ជាមួយនឹងចំណុចទាញវែងសម្រាប់ចៀនក្នុងប្រេងងាយស្រួលផងដែរ។
ឈ្នូលនំត្រូវបានរួមផ្សំជាមួយនឹងបង្គា សាច់ជ្រូកច្រាំ និងសណ្តែកខៀវ។
គ្រឿងផ្សំសម្រាប់នំបង្គា គឺជាផលិតផលធម្មតាបែបជនបទតំបន់ណាមបូ រួមមាន៖ ម្សៅអង្ករ សណ្តែកបាយ មើមត្រៅ បង្គា សាច់ជ្រូក និងគ្រឿងទេសផ្សេងៗ។ ដើម្បីទទួលបាននំមានរសជាតិស្រួយឆ្ងាញ់ ដំបូងអ្នកធ្វើត្រូវជម្រើសអង្ករស្អាត ហើយយកទៅត្រាំទឹកនិងកិនឱ្យហ្មដ រួចបង្ហាប់ ដំណើរការដ៏ហ្មត់ចត់នេះបង្កើតបានជាសំបកអង្ករដែលមានពណ៌មាសដ៏ស្រួយ និងរស់ជាតិឆ្ងាញ់ប្រចាំតំបន់ទៀតផង។
សម្រាប់ឈ្នូលនំ គឺត្រូវបានរួមផ្សំជាមួយបង្គា សាច់ជ្រូកច្រាំ និងសណ្តែកខផវដែលស្ងោរឆ្អិននិងពងមាន់។ គេចាក់ម្សៅចូលទៅក្នុងបំពង់ លាយជាមួយឈ្នូលរួច ដាក់បង្គាពីលើនំមុនពេលចៀម។
នំបង្គាតែងត្រូវបានពិសារជាមួយបន្លែស្រស់ ច្រលក់នឹងទឹកត្រីជូផ្អែម។
ជាធម្មតា នំបង្គា ត្រូវបានញាំជាមួយបន្លែស្រស់ដូចជា សាឡាដ ជីអង្កាម និងជីចង្អាបត្រី រួចជ្រលក់ជាមួយទឹកត្រីជូផ្អែម។ វិធីទទួលទានវាគឺស្រដៀងគ្នាទៅនឹងនំចាក់អំបែងដែរ (បាញ់ឆែវ Việt Nam)៖ អាចវេចភ្ជាប់នំជាមួយបន្លែ ឬកាត់វាជាដុំតូចៗ។ ពេលទទួលទាន អ្នកនឹងមានអារម្មណ៍ស្រស់ស្រាយ និងរសជាតិឆ្ងុយឆ្ងាញ់របស់ឈ្នូលនំផងដែរ សម្រាប់រសជាតិ នៃសណ្តែកខៀវ និងរសជាតិផ្អែមឆ្ងាញ់របស់បង្គា ទាំងអស់នេះបង្កើតបានជារសជាតិដែលមិនអាចបំភ្លេចបានចំពោះមុខម្ហូប Khmer Nam Bộ រួមចំណែកធ្វើឱ្យកាន់តែសម្បូរបែបថែមទៀតនៃវប្បធម៌ម្ហូបអាហារ Việt Nam៕
Danh Nguyên
