សម្រាប់ជនរួមជាតិ Khmer នៅសង្កាត់ Hiệp Thành សិប្បការិនី Thạch Thea Ry មិនត្រឹមតែមានជំនាញផ្នែងខាងសិល្បៈរបាំប៉ុណ្ណោះទេ ថែមទាំងជាគ្រូបង្រៀនដោយស្ងៀមស្ងាត់អំពីរបាំប្លែកៗចែកជូនដល់ប្អូនៗកុមារនៅក្នុងភូមិស្រុកទៀតផង។ អាស្រ័យការខិតខំប្រឹងប្រែងរបស់ខ្លួន ទើបទេពកោសល្យ និងស្មារតីទទួលខុសត្រូវក្នុងការអភិរក្សាវប្បធម៌ប្រពៃណីត្រូវបានបណ្តុះក្នុងយុវវ័យជាច្រើនផងដែរ។
សិប្បការិនី Thea Ry ខិតខំប្រឹងប្រែងយ៉ាងអស់ពីចិត្តក្នុងការបង្រៀនសិល្បៈរបាំ។
មកទស្សនាវត្តគម្ពីរសាគរ ព្រែកជ្រៅ (Xiêm Cán) ស្ថិតនៅសង្កាត់ Hiệp Thành ក្នុងពេលប៉ុន្មានថ្ងៃដែលត្រៀមរៀបចាំពិធីបុណ្យទានផ្សេងៗ គឺមិនពិបាកក្នុនឹងបានជួបប្រទះនូវក្រុមរាំរបាំងដែលកំពុងនាំគ្នាហាត់សមដោយក្តីសប្បាយរីករាយនោះទេ។ ក្រុមរបាំដែលបបង្ហាត់ដោយសិប្បការនី Thea Ry ក៏បានចូលរួមបម្រើក្នុងកម្មវិធីសិល្បៈនៃពិធីបុណ្យទាន រួមចំណែកដល់ការកសាងកម្លាំងអ្នកស្នងបន្តសម្រាប់វប្បធម៌ប្រពៃណី។
តាំងពីក្មេង Thea Ry ត្រូវបានទាក់ទាញដោយរបាំដ៏ស្រស់ស្អាត និងច្នៃប្រឌិត។ ក្តីស្រឡាញ់នេះបានជំរុញឱ្យបងស្រីស្វែងរកក្រុមសិល្បៈ Khmer ទាំងក្នុង និងក្រៅខេត្តដើម្បីបង្ហាត់របាំដល់ខ្លួន។ ជាមួយទឹកចិត្តស្រឡាញ់ខាងវិស័យសិល្បៈរបាំ បងស្រីក៏បានស្នើឱ្យបង្កើតក្រុមរបាំនៅវត្តគម្ពីរសាគរ ព្រែកជ្រៅ (Xiêm Cán) ដោយមានគោលបំណងបណ្តុះបណ្តាល និងសម្រាប់សម្តែងក្នុងពិធីបុណ្យទានប្រពៃណី។ អស់រយៈពេលជាង ១០ ឆ្នាំមកហើយដែល ធារី បានខិតខំអស់ពីចិត្តក្នុងការបង្រៀនរបាំ ចង្វាក់រាំប្រពៃណីជាច្រើន ដូចជា៖ រាំវង់ ឡាំលាវ និងសារ៉ាវ៉ាន់ ជូនដល់ប្អូនៗកុមារ។
ថ្នាក់រៀនរបាំរបស់បងស្រីមិនធ្វើតាមផែនការមេរៀននោះទេ គ្រាន់តែមានទីធ្លាដ៏តូចមួយ និងឧបករណ៍បំពងសម្លេងសម្រាប់ភ្លេងតែប៉ុណ្ណោះ គឺវាគ្រប់គ្រាន់សម្រាប់ពង្រីកសាយភាយណាស់ទៅហើយ។ ក្នុងពេលហាត់រាំម្តងៗ បងស្រីតែងបង្ហាញណែនាំដោយអត់ធ្មត់តាមរយៈចលនានៃកាយវិការនីមួយៗ ចាប់ពីកាយវិការដៃ ជើង រហូតដល់ការបញ្ចេញទឹកមុខ។ សម្រាប់បងស្រី របាំមិនមែនគ្រាន់តែជាទម្រង់សិល្បៈប៉ុណ្ណោះទេ ប៉ុន្តែវាក៏ជាមធ្យោបាយមួយដើម្បីបង្ហាញពីអារម្មណ៍ និងតម្លៃវប្បធម៌ដ៏ថ្លៃថ្នូររបស់ជនជាតិផងដែរ។
ក្រុមរបាំវត្តគម្ពីរសាគរ ព្រែកជ្រៅ (Xiêm Cán) ចូលរួមសម្តែងក្នុងពិធីបុណ្យផ្កា។
សិប្បការិនី Thea Ry បានចែករំលែកថា៖ «ខ្ញុំមិនចាំច្បាស់ថាខ្ញុំបានបង្រៀនរបាំជូនប្អូនៗក្នុងភូមិស្រុកបានប៉ុន្មាននាក់នោះទេ។ ទោះជាយ៉ាងណាក៏ដោយ អ្វីដែលពិសេសនោះគឺថា ប្អូនៗជាច្រើន បន្ទាប់ពីខ្លួនបានរៀនរាំ បានធំដឹងក្តីឡើង ហើយបន្តបង្រៀនរបាំដោយឥតគិតថ្លៃដល់ប្អូនៗកុមារ ដើម្បីជួយថែរក្សាវប្បធម៌ប្រពៃណី»។
ថ្នាក់រៀនរបាំរបស់បងស្រី Thea Ry បច្ចុប្បន្នមានប្អូនៗចូលរួមប្រមាណជាង ២០ នាក់។ ប្រការដែលធ្វើឱ្យក្រុមរបាំនេះបានដំណើរការបន្ត និងអភិវឌ្ឍអស់រយៈពេលជាច្រើនឆ្នាំកន្លងមក មិនត្រឹមតែជាចំណង់ចំណូលចិត្តរបស់យុវវ័យប៉ុណ្ណោះទេ ប៉ុន្តែក៏ជាការលះបង់ និងសេចក្តីស្រឡាញ់របស់សិប្បការិនីរូបនេះផងដែរចំពោះសិល្បៈប្រពៃណីជាតិ៕
Hữu Thọ
