បុណ្យកំសាន្តគឺជាលក្ខណៈវប្បធម៌ផ្នែងខាងងវិញ្ញាណម្យ៉ាងដែលមិនអាចខ្វះបានក្នុងជីវភាពស្មារតីរបស់បងប្អូនជនរួមជាតិ Khmer Nam Bộ និយាយរួម និងខេត្ត Cà Mau និយាយដោយឡែក។ វាមិនត្រឹមតែជាពិធីបុណ្យសាសនាប៉ុណ្ណោះទេ ថែមទាំងជាឱកាសមួយដើម្បីផ្សារភ្ជាប់ការទំនាក់ទំនងរវាងសហគមន៍ និងផ្ញើនូវក្តីសង្ឃឹមដើម្បីភាពសន្តិភាព និងសុខុមាលភាពទៀតផង។
បុណ្យកំសាន្តតែងបានប្រារព្ធឡើងនៅតាមភូមិស្រុកដែលមានបងប្អូន Khmer រស់នៅច្រើនកុះករ។
បុណ្យកំសាន្ត ជាធម្មតាត្រូវបានធ្វើឡើងក្រោយពីបុណ្យចូលឆ្នាំថ្មីប្រពៃណី Khmer ជារៀងរាល់ឆ្នាំ ដែលតែងបានចាត់ទុកជាសារសម្រាប់កសិករ Khmer ត្រៀមខ្លួនដើម្បីឈានចូលរដូវផលិតថ្មី។ ពិធីនេះគឺដើម្បីជាការតបស្នងសងគុណដល់អារក្ស អ្នកតាដែលបានជួយថែរក្សាភូមិស្រុកបានសុខសន្តិភាព និងរដូវផលិតមានកំណើនផល។
នៅភូមិ Cây Khô និងភូមិ Đường Đào ឃុំ Hồ Thị Kỷ មាមីងបងប្អូន Khmer ទើបបាននាំគ្នាប្រារព្ធចាត់តាំងពីធីបុណ្យកំសាន្ត ឬហៅថាបុណ្យភូមិ ក្រៅពីពិធីកិច្ចសាសនាមួយចំនួន ថែមទាំងមានយ៉ាងច្រើនសកម្មភាពកំសាន្តសប្បាយប្រកបដោយអត្តសញ្ញាណជាតិទៀតផង។
ពុទ្ធបរិស័ទក៏បានព្រះសង្ឃសូត្រមន្តរំដោះបាបគ្រោះទាំងឡាយក្នុងថ្ងៃបុណ្យកំសាន្តផងដែរ។
មិនដូចជាពិធីធំៗជាច្រើនដែលប្រារព្ធឡើងនៅតាមវត្តអារាមនោះទេ ពិធីបុណ្យកំសាន្ត ជាធម្មតាតែងបានប្រារព្ធឡើងនៅក្នុងទីធ្លាទូលាយនៃភូមិស្រុក Khmer ឬក៏តាមសង្គមគ្រួសារនីមួយៗ។ ប្រជាជនសាងសង់រោងបុណ្យ និងតុបតែងយ៉ាងស្រស់ស្អាតជាមួយនឹងទង់ជាតិ បដា ផ្លែឈើ និងគ្រឿងសក្ការៈបូជាតាមលក្ខណៈប្រពៃណី។ បន្ទាប់ពីពិធីកិច្ចសាសនារួច សូរសម្លេងតន្ត្រីពិណពាទ្យក៏បានប្រគំឡើងអមជាមួយចង្វាក់ភ្លេងចម្រៀងរាំវង់បានក្លាយជាបរិយាកាសយ៉ាងឱឡារឹកផងដែរ។ ចំណុចដែលលេចធ្លោនៃពិធីបុណ្យកំសាន្តពេញដោយគឺលក្ខណៈសហគមន៍៖ ដោយមិនគិតពីទ្រព្យសម្បត្តិ ឬប្រកាន់ថាអ្នកក្រ អ្នកមានអ្វីនោះទេ រាល់គ្រួសារនីមួយៗបានចូលរួមវិភាគទានជាអង្ករ ប្រាក់ឬរៀបចំអាហារដើម្បីកំដរភ្ញៀវទៀតផង។
នេះក៏ជាឱកាសមួយដើម្បីដោះស្រាយជម្លោះតូចតាចដែលកើតមាននៅក្នុងភូមិស្រុកផងដែរ អ្នករាល់គ្នាអង្គុយជួបជុំដើម្បីចែករំលែកបទពិសោធន៍ការងារ និងរួមគ្នាថែរក្សាការពារភូមិស្រុក។ ពីមុន ពិធីបុណ្យនេះតែងបានចាត់តាំងរយៈពេល ២-៣ ថ្ងៃ។ តែបច្ចុប្បន្ននេះវាមានភាពសាមញ្ញជាង ប៉ុន្តែនៅតែរក្សាទិដ្ឋភាពដើមនៃលក្ខណៈប្រពៃណីរបស់វា។
កម្មវិធីតន្ត្រីកំដក្នុងរាត្រីបុណ្យកំសាន្ត។
ទោះបីជាមានការផ្លាស់ប្តូរទៅតាមសម័យកាលក៏ដោយ ពិធីបុណ្យកំសាន្តតែងត្រូវបានបងប្អូនជនរួមជាតិ Khmer ថែរក្សា និងចាត់ទុកដូចជា “ទីបង្អែកខាងស្មារតី” ណែនាំមនុស្សគ្រប់រូបឆ្ពោះទៅរកសេចក្តីល្អ និងការដឹងគុណចំពោះប្រភពដើម ព្រមទាំងផ្សារភ្ជាប់រវាងសហគមន៍ផងដែរ។ មិនត្រឹមជាទំនុកចិត្តសម្រាប់ផ្នែកខាងវិញ្ញាណបុណ្យទេ ពិធីបុណ្យនេះថែមទាំងបានបង្ហាញពីកម្លាំងនៃសាមគ្គីភាព និងការអាណិតអាសូរស្រឡាញ់គ្នាទៅវិញទៅមកដើម្បីអ្នករាល់គ្នាខណៈពេលដែលបានចូលរួមសុទ្ធតែមានអារម្មណ៍កក់ក្តៅ និងភក្តីភាពរវាងបងប្អូនក្នុងភូមិស្រុកជាមួយគ្នាផងដែរ៕
Danh Điệp
