នៅក្នុងលំហូរនៃការអភិវឌ្ឍវប្បធម៌ សិល្បៈមិនត្រឹមតែជាកន្លែងសម្រាប់ចិញ្ចឹមបំប៉នខាងអារម្មណ៍ និងថែរក្សាអត្តសញ្ញាណជាតិប៉ុណ្ណោះទេ ថែមទាំងជាស្ពានតភ្ជាប់ដ៏សំខាន់មួយសម្រាប់នាំមកនូវគោលការណ៍ណែនាំ និងគោលនយោបាយរបស់បក្ស ព្រមទាំងក្រឹត្យច្បាប់របស់រដ្ឋឱ្យកាន់តែចូលជិតប្រជាជន។ បណ្តាសិល្បករ Khmer ដែលជាសមាជិកបក្សគ្រប់រូបសុទ្ធសឹងជាអ្នករក្សាព្រលឹងវប្បធម៌ជាតិ និងជាអ្នកឃោសនាផ្សព្វផ្សាយនៅលើរណសិរ្សមនោគមវិជ្ជា និងវប្បធម៌ផងដែរ។
បណ្តាថ្ងៃបុណ្យធំៗរបស់ជនរួមជាតិខ្មែរដែលត្រូវបានក្រុមសិល្បៈខ្មែរចាត់តាំងសម្តែងដើម្បីពង្រីកសាយភាយអំពីលក្ខណៈវប្បធម៌ប្រពៃណី។
រាល់ពេលហ្វឹកហាត់ និងចេញទៅសម្តែងបម្រើតាមមូលដ្ឋាន ឬកម្មវិធីសិល្បៈផ្សេងៗ បណ្តារូបភាពបក្ខជន និងសិល្បករ សិល្បការិនី Khmer តែងខិតខំប្រឹងប្រែងជាមួយកាតព្វកិច្ចជាអ្នកឃោសនាផ្សព្វផ្សាយរបស់ខ្លួនក្លាយជាទម្លាប់ធម្មតាផងដែរ។ ពួកគេមិនត្រឹមតែយកចិត្តទុកដាក់លើបទចម្រៀង របាំ និងតួសម្តែងរបស់ខ្លួនប៉ុណ្ណោះទេ ថែមទាំងបង្ហាញនូវសារជាវិជ្ជមានអំពីការកសាងជនបទថ្មី ការពារបរិស្ថាន ផ្លាស់ប្តូរឌីជីថល រក្សាសន្តិសុខ និងសណ្តាប់ធ្នាប់ សាមគ្គីទូទាំងជនជាតិ និងអភិវឌ្ឍសេដ្ឋកិច្ច-សង្គមផងដែរ។
សិល្បការិនី Kim Danh នៃក្រុមសិល្បៈ Khmer ខេត្ត Cà Mau បានឱ្យដឹង៖ “ក្នុងនាមអ្នកដែលមានទំនាក់ទំនងដោយផ្ទាល់ជាមួយបងប្អូនជនរួមជាតិ Khmer នៅតាមបណ្តាភូមិភាគជាច្រើន បក្ខជនយើងខ្ញុំគ្រប់រូបសុទ្ធជាអ្នកយល់ច្បាស់ខាងភាសា និងទំនៀមទម្លាប់ប្រពៃណី ព្រមទាំងគោលបំណងប្រាថ្នារបស់មាមីងបងប្អូនទៀតផង។ អាស្រ័យហេតុនេះហើយ ក៏បានជួយធ្វើឱ្យវណ្ណកម្មផ្នែកខាងសិល្បៈប្រកបដោយខ្លឹមសារសម្រាប់ការផ្សព្វផ្សាយឱ្យកាន់តែជិតស្និត ដើម្បីងាយស្រួលទទួលយក និងមានភាពរីករាលដាលកាន់តែស៊ីជម្រៅថែមទៀត”។
ប្រសិនបើកាលពីមុននេះ សកម្មភាពឃោសនាផ្សព្វផ្សាយភាគច្រើនប្រព្រឹត្តឡើងនៅលើឆាក ឬក្នុងរាល់ការសម្តែងតាមភូមិភាគ គឺឥឡូវនេះ បងប្អូនសិល្បករទាំងឡាយក៏ម្ចាស់ការចូលជិតរាល់វេទិកាឌីជីថលយ៉ាងសកម្មផងដែរ ដើម្បីផ្សព្វផ្សាយវប្បធម៌ជនជាតិ និងពង្រីកសាយភាយនូវខ្លឹមសារជាវិជ្ជមានដល់មហាជនឱ្យកាន់តែទូលំទូលាយថែមទៀត។ បណ្តាកម្មវិធីសិល្បៈត្រូវបានថត និងផ្សាយតាមប្រព័ន្ធអ៊ីនធឺណិតនៅលើបណ្តាញផ្សព្វផ្សាយសង្គម ដើម្បី ជួយនាំយកនូវភាសា រូបភាព និងអត្តសញ្ញាណវប្បធម៌ខ្មែរទៅកាន់ទស្សនិកជនកាន់តែច្រើនថែមទៀត។
ឈុតសម្តែងល្ខោនយូកេរឿង "ការពារទឹកដីមាតុភូមិ" សម្តែងដោយសិល្បករ សិល្បការិនីនៃក្រុមសិល្បៈ Khmer ខេត្តកាម៉ាវ។
សិល្បករ Lý Thương នៃក្រុមសិល្បៈ Khmer ខេត្ត Cà Mau បានចែករំលែកថា៖ «យើងខ្ញុំបានប្រើប្រាស់វេទិកាប្រព័ន្ធផ្សព្វផ្សាយសង្គមដូចជា៖ TikTok, Zalo និង Facebook ដើម្បីបង្ហោះព័ត៌មានសិល្បៈ ក្នុងគោលបំណងដើម្បីផ្សព្វផ្សាយគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់របស់រដ្ឋ។ យើងខ្ញុំថែមទាំងបានបង្កើតវីដេអូឃ្លីបណែនាំអំពីពិធីបុណ្យសំខាន់ៗរបស់ Khmer និងថតកម្មវិធីសិល្បៈប្លែកៗ មានទាំងរបាំ និងចម្រៀងដែលសម្បូរទៅដោយវប្បធម៌ជនជាតិទៀតផង»។
សម្រាប់ក្នុងយុគសម័យថ្មី នៅពេលដែលតម្រូវការខាងឃោសនាផ្សព្វផ្សាយកាន់តែខ្ពស់នោះ តួនាទីរបស់បក្ខជន Khmer នៃក្រុមសិល្បៈទាំងឡាយគួរតែត្រូវបានពង្រីកបន្ថែមទៀត។ ជាមួយនឹងទេពកោសល្យខាងវិស័យសិល្បៈ ការលះបង់ និងភាពវៃឆ្លាតខាងនយោបាយផងនោះ ពួកគេគ្រប់រូបកំពុងរួមចំណែកធ្វើឱ្យសិល្បៈក្លាយជាស្ពានតភ្ជាប់នូវឆន្ទៈបក្ស និងទឹកចិត្តប្រជាជន ពង្រីកសាយភាយ និងរក្សាអត្តសញ្ញាណវប្បធម៌ Khmer ក្នុងសហគមន៍ទៀតផង៕
Lam Khánh - Nhật Minh
