ជាប្រពៃណីវប្បធម៌ដ៏ស្រស់ស្អាត ពិធីមង្គលការរបស់សហគមន៍ Hoa នៅ Cà Mau ថ្វីត្បិតតែមានភាពសាមញ្ញជាងសម្រាប់ជីវិតសម័យទំនើបសព្វថ្ងៃក៏ដោយ ក៏នៅតែរក្សាបានទំនៀមទម្លាប់ប្រពៃណីដ៏អស្ចារ្យជាច្រើនផងដែរ។
ពិធីកូនក្រមុំ និងកូនកម្លោះរួមគ្នាញាំនំគង្គុញអណ្តែតមុនពេលផ្សំដំណេក ដោយក្តីប្រាថ្នាអាពាហ៍ពិពាហ៍នឹងពេញដោយក្តីសុភមង្គល ព្រមទាំងឆាប់កើតបានកូនដំបូងជាទីស្រឡាញ់របស់ខ្លួន។
ប្រសិនបើកាលពីបុរាណ ពិធីមង្គលការរបស់ជនជាតិ Hoa មាន ៦ ពិធីសំខាន់ៗដូចជា៖ ពិធី ភ្ជាប់ពាក្យ ពិធីសាកសួរឈ្មោះកូនក្រមុំ ពិធីស្តីដណ្តឹង ពិធីបង្ហាញអំណោយ ពិធីស្នើសុំថ្ងៃរៀបមង្គលការ និងការស្វាគមន៍កូនក្រមុំ។ ទោះជាយ៉ាងណាក៏ដោយ ក្នុងរយៈពេល ៣០ ឆ្នាំកន្លងមកនេះ មាននូវសល់ត្រឹមតែ ៣ ពិធីប៉ុណ្ណោះដែលត្រូវបានរក្សារហូតដលើសព្វថ្ងៃ គឺពិធីជួបជាមួយក្រុមគ្រួសារកូនក្រមុំ ពិធីភ្ជាប់ពាក្យ និងពិធីរៀបមង្គលការ។ ទោះបីជាពិធីទាំងនោះត្រូវបានប្រារព្ធឡើងដោយសាមញ្ញក៏ដោយ ក៏របស់របរ និងទំនៀមទម្លាប់ប្រពៃណីនៅតែត្រូវបានរក្សាយ៉ាងល្អក្នុងសហគមន៍ Hoa ផងដែរ។
ក្រៅពីតែ ស្រា និងស្លាម្លូប ពិធីដ៏សំខាន់មួយទៀតគឺនំអាពាហ៍ពិពាហ៍ ដែលត្រូវបានគេស្គាល់ផងដែរថាជា "ពរជ័យទាំងប្រាំប្រការ" ដែលគ្រួសារខាងកូនកម្លោះនាំយកមកជូនគ្រួសារកូនក្រមុំក្នុងកន្ត្រកឫស្សីធំៗ។ ជាមួយ ៥ ប្រភេទនំ និងស្ករគ្រាប់ រួមមាន៖ ស្ករគ្រាប់សណ្តែកដី ស្ករគ្រាប់ល្ងខ្មៅ ម្សៅអង្ករស នំព្រះខែ និងនំគ្រាប់ល្ង។
ចំពោះជនជាតិ Hoa នំទាំង ៥ ប្រភេទនេះតំណាងឱ្យ "ពរជ័យទាំងប្រាំប្រការ" ហើយក៏បានក្លាយជាអំណោយអបអរសាទរក្នុងសង្គមគ្រួសារ។ បន្ទាប់ពីពិធីភ្ជាប់ពាក្យរួច ក្រុមគ្រួសារកូនក្រមុំនឹងផ្តល់នំដល់សាច់ញាតិទាំងសងខាងនៃគ្រួសារជាអំណោយ ដើម្បីឱ្យសាច់ញាតិវង្សត្រកូលដឹងពីពិធីដ៏សំខាសន់នេះ ព្រមទាំងលើកទឹកចិត្តពួកគេឱ្យចូលរួមពិធីមង្គលការ។
កូនក្រមុំ និងកូនកម្លោះអាពាហ៍ពិពាហ៍
លើសពីនេះ ប្រសិនបើក្រុមពិធីស្តីដណ្តឹង គ្រួសារខាងកូនកម្លោះយកគ្រឿងរណ្តាប់មក គឺត្រូវជាភ្លូវជ្រូកឆៅ ចំណែកដល់ថ្ងៃមង្គលការនឹងត្រូវយកភ្លូវជ្រូក រួមទាំងកន្ទុយផងដែរទាំងនេះតំណាងឱ្យភាពពេញលេញ និងភាពសុខដុមរមនារវាងគូស្វាមីភរិយា និងសាច់ញាតិគ្រួសារ។
នៅក្នុងស្ពកផ្លែឈើដែលយកមកឱ្យក្រុមគ្រួសារកូនក្រមុំ ចាំបាច់ត្រូវតែមានស្ពកផ្លែក្រូច ឬក្រូចឃ្វិច នេះតំណាងឱ្យសំណាងល្អ និងវិបុលភាពផងដែរ។ ចំនួនផ្លែឈើត្រូវតែចំនួនលេខស្មើគ្នា ដែលមានន័យថាមួយគូ ឬពីរគូ។
ជាពិសេស បន្ទប់សម្រាប់ផ្សំដំណេក ធម្មតាត្រូវបានតុបតែងជាពណ៌ក្រហម ជាមួយនឹងគូដែលតំណាងឱ្យការរួបរួមគ្នាដ៏សុខដុមរមនាទៀតផង។ មុនពេលផ្សំដំណេក កូនក្រមុំ និងកូនកម្លោះត្រូវញាំបាយដំណើបរួមគ្នា នេះបង្ហាញពីបំណងប្រាថ្នារបស់ពួកគេសម្រាប់អាពាហ៍ពិពាហ៍ពេញដោយក្តីសុខសុភមង្គល និងការកើតកូនដំបូងដ៏មានតម្លៃ។
កូនកម្លោះ កូនក្រមុំជនជាតិ Hoa ជាមួយសំលៀកបំពាក់ប្រពៃណីដ៏ស្រស់ស្អាត។
ក្រៅពីពិធីទាំងនេះ កន្លែងខ្លះនៅតែរក្សាទំនៀមទម្លាប់យ៉ាងចំបាច់។ នោះគឺកូនក្រមុំអឆ្នាំខាលតែត្រូវបាននាំចូលផ្ទះតាមទ្វារក្រោយ ជួនកាលថែមទាំងត្រូវដើរលើអាងភ្លើងទៀតផង។ ទំនៀមនេះមិនមានន័យថារើសអើងទេ ប៉ុន្តែត្រូវបានចាត់ទុកថាជាពិធីការពារនៅក្នុងជំនឿប្រជាប្រិយរបស់ជនជាតិ Hoa ក្នុងគោលបំណងបណ្តេញសំណាងអាក្រក់ និងជូនពរកូនកម្លោះ កូនក្រមុំ ឱ្យមានសុភមង្គលរហូតតរៀងទៅ។
រួមជាមួយនឹងទំនៀមទម្លាប់ដ៏ស្រស់ស្អាតនៃពិធីមង្គលការ គ្រួសារជនជាតិ Hoa ក៏បានលើកកម្ពស់ប្រពៃណីរបស់កូនក្រមុំ និងកូនកំលោះស្លៀកសំលៀកបំពាក់អាពាហ៍ពិពាហ៍បែបប្រពៃណី ដែលជានិមិត្តរូបនៃវប្បធម៌ដ៏រុងរឿងរបស់បងប្អូនជនជាតិ Hoa ផងដែរ៕
Lâm Hỷ
