ការគិតគូរចំពោះអ្នកក្រីក្រ និងមុខសញ្ញាងាយរងគ្រោះ ជាគោលនយោបាយសង្គមដ៏សំខាន់មួយ ដែលឆ្លុះបញ្ចាំងពីស្មារតី "ជួយគ្នាទៅវិញទៅមក" និងជាប្រពៃណីវប្បធម៌ដ៏ស្រស់ស្អាតរបស់ជនជាតិផងដែរ។
កម្មវិធីផ្តល់អំណោយសប្បុរសធម៌នេះត្រូវបានរៀបចំឡើងដោយគ្លីនិកពហុជំនាញ មិញឌឹក សហការជាមួយវត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ។
រយៈពេលកន្លងមក មានអង្គមហាជន និងបុគ្គលជាច្រើនបានរួមដំណើរជាមួយអ្នកក្រីក្រតាមរយៈសកម្មភាពជាក់ស្តែងក្នុងការងារសប្បុរសធម៌ ដោយផ្តល់ការឧបត្ថម្ភទាន់ពេលវេលាដល់គ្រួសារជួបលំបាកក្នុងសង្គម។ ជាពិសេសក្នុងរដូវបុណ្យ Vu Lan (ថ្ងៃ ១៥ កើត ពេញបូរមី ខែស្រាឍ) ការងារសប្បុរសធម៌ក៏បានសាភាយនូវសេចក្តីស្រឡាញ់ទូទាំងសហគមន៍។
តួយ៉ាងដូចកាលថ្មីៗនេះ គ្លីនិកពហុជំនាញ Minh Đức នៅសង្កាត់ Hoà Thành បានសហការជាមួយវត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ បានរៀបចំកម្មវិធីជូនអំណោយចំនួន ៧០ ចំណែកដល់អ្នកក្រីក្រ និងមាមីងបងប្អូនជួបលំបាក សម្រាប់អំណោយមួយចំណែកសរុបតម្លៃជាទឹកប្រាក់ប្រមាណជិត ៣០០ ពាន់ដុង។
ក្តីសប្បាយរីករាយសម្រាប់កុមារដែលគ្រួសារមានជីវភាពជួបលំបាក។
លោកស្រី Nguyễn Thị Ba តំណាងឱ្យគ្លីនិកពហុជំនាញ Minh Đức បានចែករំលែកថា៖ «ទោះបីជាអំណោយមិនមានតម្លៃសម្ភារៈច្រើនក៏ដោយ ក៏វាមានភាពពេញលេញដោយក្តីស្រលាញ់ ចែករំលែក និងការលើកទឹកចិត្តដ៏ស្មោះស្ម័គ្របំផុតដែលបានផ្ញើទៅកាន់បងប្អូនប្រជាជន។ យើងខ្ញុំសង្ឃឹមថា នេះនឹងក្លាយជាប្រភពនៃកម្លាំងចិត្ត ជួយអ្នករាល់គ្នាកាត់បន្ថយការលំបាក និងផ្តល់ឱ្យពួកគេនូវការលើកទឹកចិត្តបន្ថែមទៀតដើម្បីខិតខំក្នុងដំណើរជីវិតរបស់ខ្លួន»។
រាល់អំណោយមួយចំណែកៗនាំមកនូវទំនុកចិត្ត និងក្តីសង្ឃឹមដល់អ្នកដែលជួបលំបាក បង្កើនភាពស្រស់ស្អាតនៃទឹកចិត្តមនុស្សធម៌សម្រាប់សហគមន៍ផងដែរ។
ព្រះតេជគុណ Hữu Nhiều ព្រះចៅអធិការវត្តសិរីមង្គល ជ្រុងខ្មែរ (Rạch Giồng) មានសង្ឃដីការថា៖ “សកម្មភាពដ៏ថ្លៃថ្នូ និងប្រកបដោយអត្ថន័យនៃអ្នកមានគុណធម៌ និងសប្បុរសជន ជួយមាមីងក្រីក្រឱ្យកាន់តែមានទំនុកចិត្តក្នុងការខិតខំឈានឡើង បង្កើនភាពស្រស់ស្អាតនៃទឹកចិត្តមនុស្សធម៌សម្រាប់សហគមន៍ រួមចំណែកជាវិជ្ជមានដល់គោលដៅសុខុមាលភាពសង្គមនៅក្នុងតំបន់”។
នេះមិនត្រឹមតែជាសកម្មភាពជាក់ស្តែងនៃការឧបត្ថម្ភខាងសម្ភារៈប៉ុណ្ណោះទេ ប៉ុន្តែវាក៏ជាការបញ្ជាក់ពីសាមគ្គីភាពរបស់សហគមន៍ជាមួយអ្នកដែលស្ថិតក្នុងកាលៈទេសៈងាយរងគ្រោះផងដែរ៕
Danh Điệp
