ផ្តើមពីផ្ទៃដីដែលធ្លាប់បានបោះបង់ចោល រហូតដល់ចម្ការឈើហូផ្លែ និងបន្លែបង្ការដែលផ្តល់ប្រាក់ចំណូលស្ថិរភាព កសិករនៅក្នុងឃុំ Vĩnh Phước កំពុងផ្លាស់ប្តូរផ្នត់គំនិត និងវិធីសាស្រ្តរបស់ខ្លួនជាសន្សឹមៗ ដើម្បីបង្កើនប្រសិទ្ធភាពផលិតកម្ម។ ដោយធ្វើការជាមួយសមាជិករបស់ខ្លួន សមាគមកសិករឃុំ Vĩnh Phước បានផ្តល់ការឧបត្ថម្ភផ្នែកខាងដើមទុន វិទ្យាសាស្ត្រ បច្ចេកទេស កសាង ព្រមទាំងពង្រីកទម្រង់សេដ្ឋកិច្ចសមស្រប ដើម្បីង្កើតសន្ទុះសម្រាប់កសិករមានលក្ខណៈឈានឡើងធ្វើមានដោយស្របច្បាប់។
លោក Nguyễn Văn Thoại ថែទាំចម្ការក្រូចថ្លង់ដែលទើបបានដាំនៅលើផ្ទៃដីប្រមាណ ៣ កុងរបស់គ្រួសារ។
ក្នុងរយៈពេលប៉ុន្មានឆ្នាំមកនេះ សមាគមកសិករឃុំ Vĩnh Phước តែងតែផ្តោតសកម្មភាពរបស់ខ្លួននៅកម្រិតមូលដ្ឋាន ដោយផ្តល់អាទិភាពដល់តម្រូវការរបស់សមាជិករបស់ខ្លួន។ ចលនាធ្វើត្រាប់តាម ជាពិសេសយុទ្ធនាការ "កសិករពូកែខាងផលិតកម្ម និងអាជីវកម្ម រួបរួមគ្នាដើម្បីជួយគ្នាទៅវិញទៅមកឱ្យក្លាយជាអ្នកមាន និងកាត់បន្ថយភាពក្រីក្រប្រកបដោយចីរភាព" បានកើនឡើងជាលំដាប់ បង្កើតទំនុកចិត្តសម្រាប់កសិករឱ្យប្រើប្រាស់កម្លាំងដីធ្លីរបស់ខ្លួន និងផ្លាស់ប្តូរផលិតកម្មរបស់ពួកគេយ៉ាងក្លាហាទៀតផង។
យោងតាមលោក Trần Thanh Mãnh ប្រធានសមាគមកសិករឃុំ Vĩnh Phước សមាគមតែងតែរៀបចំកិច្ចប្រជុំសាខា និងក្លឹបជាប្រចាំ ព្រមទាំងលើកទឹកចិត្តសមាជិកគ្រប់រូបឱ្យចូលរួមក្នុងសហករណ៍ និងការតភ្ជាប់ខាងវិស័យផលិតកម្ម។ ដោយមានការសម្របសម្រួលជាមួយនាយកដ្ឋានជំនាញ វគ្គបណ្តុះបណ្តាល និងសិក្ខាសាលានៅនឹងកន្លែងត្រូវបានរៀបចំឡើង រួមជាមួយនឹងការផ្ទេរវឌ្ឍនភាពវិទ្យាសាស្ត្រ និងបច្ចេកទេសផងដែរ។ ជាលទ្ធផល ទម្រង់ជាច្រើនដែលមានប្រសិទ្ធភាពក៏ត្រូវបានបង្កើតឡើង មានដូចជា៖ ទម្រង់ចិញ្ចឹមសត្បប្រវឹក ចិញ្ចឹមពស់វែក រួមផ្សំជាមួយនឹងទា ចិញ្ចឹមបង្គារួមផ្សំជាមួយធ្វើស្រែ និងចិញ្ចឹមត្រីចម្រុះ ព្រមទាំងដាំចំណាំឈើហូបផ្លែ បន្លែបង្ការជាដើម។
នៅភូមិ Bình Bảo លោក Nguyễn Văn Thoại គឺជាគ្រួសារមួយដែលក្លាហានជាមួយទម្រង់ដាំក្រូចថ្លង់។ ដំបូងឡើយ ដោយឃើញគ្រួសារមួយចំនួនដាំសាកល្បងត្រឹមប៉ុន្មានដើមនៅជុំវិញផ្ទះប៉ុណ្ណោះ តែផ្តល់ផលប្រសើរគ្រាន់បើ។ ដូច្នេលោកក៏សម្រេចចិត្តវិនិយោគដាំដោយផ្ទះដី ៣ កុង និងដាំចំនួន ២០០ ដើម។ បន្ទាប់ពីថែទាំរយៈពេល ៦ ឆ្នាំ ចម្ការក្រូចថ្លុងបានចាប់ផ្តើមឱ្យផ្លែជាបន្តបន្ទាប់ក្នុងរយៈពេលពីរឆ្នាំចុងក្រោយនេះ។
ក្រូចថ្លង់ត្រូវបានលោកលក់ឱ្យបងប្អូនក្នុងភូមិ ដោយតម្លៃប្រហែល ២០ ពាន់ដុង/គីឡូក្រាម។ ឆ្នាំកន្លងហើយ ចម្ការក្រូចថ្លុងបានផ្តល់ប្រាក់ចំណូលប្រហែល ១៣០ លានដុង ជាមួយនឹងប្រាក់ចំណេញប្រហែល ៨០ លានដុងផងដែរបន្ទាប់ពីគិតចំណាយរួចស្រេច។
«មុខរបរនេះ ទាមទារការរៀនសូត្រយ៉ាងយកចិត្តទុកដាក់ និងមានបទពិសោធន៍ ព្រមទាំងពិនិត្យមើលថែឱ្យបានហ្មត់ចត់ជាប្រចាំ។ ប្រសិនបើដីទុកឱ្យនៅទំនេរ យើងមិនឆ្លៀតប្រើការនោះទេ វានឹងក្លាយទៅជាអាសាបង់” លោក Thoại ចែករំលែក។
លោក Trần Thanh Mãnh (ស្តាំ) ប្រធានសមាគមកសិករឃុំ Vĩnh Phước ដោះដូរអំពីវិធីសាស្ត្រ ដំណើរការ និងជំនួយឧបត្ថម្ភសមាជិកឱ្យអភិវឌ្ឍន៍សេដ្ឋកិចរៀងៗខ្លួន។
រួមជាមួយឈើហូបផ្លែ បន្លែក៏កំពុងក្លាយជាទិសដៅនៃការផលិតដែលជួយគ្រួសារជាច្រើននៅភូមិ Bình Bảo បង្កើតប្រាក់ចំណូលបន្ថែមផងដែរ។
លោក Dương Văn Đol ឱ្យដឹង៖ «សមាគមកសិករក្នុងភូមិតែងលើកទឹកចិត្តប្រជាជនឱ្យប្រើប្រាស់ដីទំនេរដើម្បីដាំបន្លែ និងឈើហូបផ្លែជាប្រចាំ។ ដូច្នេះហើយ តំបន់ជាច្រើនដែលពីមុនមិនសូវប្រើប្រាស់ ឥឡូវក៏កំពុងត្រូវបានដាក់ឱ្យដំណើរការផលិត»។
ដើម្បីបង្កើត «កម្លាំងជំរុញ» សម្រាប់សមាជិកគ្រប់រូបអភិវឌ្ឍសេដ្ឋកិច្ចរបស់រៀងខ្លួន សមាគមកសិករឃុំក៏បានយកចិត្តទុកដាក់ជាពិសេសលើការឧបត្ថម្ភដើមទុន។ បច្ចុប្បន្ន សមាគមកំពុងតែគ្រប់គ្រងក្លឹបប្រឹតសំចៃ និងប្រាក់កម្ចីចំនួន ១៧ ក្លឹប និងក្រុមដោយសរុបប្រាក់បំណុលទាំងអស់ជាង ៣៧ ពាើលានដុង ដើម្បីបង្កលក្ខណៈសម្រាប់គ្រួសាររាប់រយទទួលបានដើមទុនអនុគ្រោះក្នុងការផលិត និងចិញ្ចឹមសត្វ។ សមាគមក៏ជំរុញការបង្កើតមូលនិធិគាំទ្រកសិករ ដោយភ្ជាប់ជាមួយកម្មវិធីគាំទ្រពីរដ្ឋ និងអាជីវកម្មផងដែរ ព្រមទាំងបានសហការបណ្តុះបណ្តាលខាងបច្ចេកទេស ការបង្ការ និងគ្រប់គ្រងជំងឺ ព្រមទាំងដំណើរទស្សនកិច្ច និងឱកាសសិក្សាសម្រាប់សមាជិកដើម្បីសិក្សាពីទម្រង់ដែលមានប្រសិទ្ធភាព។
ក្នុងរយៈពេលខាងមុខ សមាគមកសិករឃុំ Vĩnh Phước នឹងបន្តច្នៃប្រតិដ្ឋខ្លឹមសារ និងវិធីសាស្រ្តប្រតិបត្តិការរបស់ខ្លួន ដោយផ្តោតលើការកសាង និងពង្រីកទម្រង់សេដ្ឋកិច្ចសមស្រប ឧបត្ថម្ភសមាជិកក្នុងការទទួលបានដើមទុន វិទ្យាសាស្ត្រ និងបច្ចេកវិទ្យា ព្រមទាំងពង្រីកទំនាក់ទំនងផលិតកម្ម។ ក្នុងពេលជាមួយគ្នានេះ សមាគមនឹងភ្ជាប់ផលិតកម្មជាសន្សឹមៗជាមួយនឹងការប្រើប្រាស់ផលិតផល លើកកម្ពស់ការផ្លាស់ប្តូរឌីជីថល និងសម្របខ្លួនទៅនឹងការប្រែប្រួលអាកាសធាតុផងដែរ៕
Hoàng Vũ
