បន្ទាប់ជាង១០ឆ្នាំបាត់មុខក្នុងការប្រគួតនៃពិធីបុណ្យអកអំបុក ប្រណាំងទូក ង នៅទូទាំងតំបន់ វាលរាបទន្លេគឺវឡុង។ ឆ្នាំនេះ វត្តសិរីមានជ័យវង្សស្រង់ ក្របីឃ្លៀច ឃុំ Tân Lộc ស្រុក Thới Bình ត្រូវបានរដ្ឋជំនួយឧបត្ថម្ភថវិកាដើម្បីបោះទូក ង ថ្មីមួយគ្រឿង។ សម្រាប់ថវិកានេះ គឺស្ថិតក្នុងកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គម តំបន់ជនជាតិភាគតិច។
បរិយាកាសនៃការឡើងបន្ទះក្តារត្រៀមសម្រាប់បោះទូក ង ថ្មីនៅវត្តសង្សស្រង់ ក្របីឃ្លៀច។
ទន្ទឹមនិងនេះ វត្តសរិរីមង្គល ជ្រុងខ្មែរ ឃុំ Hồ Thị Kỷ ក៏ទទួលការឧបត្ថម្ភបោះទូក ង ថ្មីមួយគ្រឿងដែរសម្រាប់ចូលរួមការប្រគួរប្រជែងក្នុងពិធីបុណ្យអកអំបុក សំពះព្រះខែ ប្រណាំងទូក ង ខេត្ត Sóc Trăng ឆ្នាំ២០២៤ខាងមុខនេះ។ បណ្តាទូក ង ទាំង ២គ្រឿងនេះ ត្រូវបានបោះថ្មីដោយមានប្រវែង៣១ម៉ែត្រ ទទឹង១,៤០ម៉ែត្រ ដោយក្តារគរគីដែលនាំចូលពីប្រទេសឡាវ។សរុបថវិកាសម្រាប់ការបោះទូក ង ទាំង២គ្រឿងនេះរួមមានទាំងអស់ចំនួន១,១ពាន់លានដុង។
ពិធីសែនព្រេនមុនចាប់ផ្តើមបោះទូក ង ថ្មី។
ការប្រណាំងទូក ង គឺជាកីឡាប្រពៃណីដ៏ពិសេសវិសាលមួយរបស់បងប្អូនជនរួមជាតិ Khmer ណាមបូ។
លោក Lâm Thu អ្នកមានប្រជាប្រិយក្នុងជនរួមជាតិ Khmer ឃុំ Tân Lộc បានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់របស់បក្ស និងរដ្ឋមកលើបងប្អូនជនរួមជាតិខ្មែរ (Khmer) សម្រាប់ការអភិរក្ស និងពង្រីកនូវតម្លៃវប្បធម៌ប្រពៃណី ជាពិសេស វិញ្ញាសារខាងកីឡាទូក ង តែម្តង។ ភូមិភាគនឹងបន្តការអភិរក្ស លើកស្ទួយប្រភេទកីឡាប្រពៃណីដ៏វិសេសវិសាលរបស់ជនរួមជាតិ Khmer នាឆ្នាំបន្តបន្ទាប់ខាងមុខទៀត៕
ឡឹមឌឿន
