Cà Mau ត្រៀមឱ្យការប្រគួតធំ

រយៈកាលជិត១ខែកន្លង សម្លេងកញ្ចែហ្វឹកហាត់នៃក្រុមទូក-ងទាំងពីររបស់វត្តវង្សស្រង់ក្របីឃ្លៀច (Cao Dân) ឃុំ Tân Lộc និង វត្តជ្រុងខ្មែរ (Rạch Giồng ឃុំ Hồ Thị Kỷ ស្រុក Thới Bình តែងពន្លឺឡើងគ្រប់ទូទាំងភូមិស្រុក។ ចូលរួមពិធីប្រណាំងទូក-ងតំបន់វាលរាបទន្លេគឺវឡុងលើកទី៦ ឆ្នាំ២០២៤ ប្រព្រឹត្តិឡើងនៅខេត្ត Sóc Trăng ក្នុងអំឡុង២ថ្ងៃចាប់ពីថ្ងៃទី១៤-១៥ ខែវិច្ឆិកាខាងមុខនេះ។ Cà Mau ចូលរួម២ទូកដែលតំណាងឱ្យវត្តទាំង២ រួមមាន៖ វត្តជ្រុងខ្មែរ (Rạch Giồng) ឃុំ Hồ Thị Kỷ និង វត្តក្របីឃ្លៀច (Cao Dân) ឃុំ Tân Lộc ស្រុក Thới Bình។

ទូក-ងទាំងពីររបស់ខេត្ត សុទ្ធសឹងតែត្រូវបានបោះថ្មីដូចគ្នាដែលយោងតាមគម្រោងទី៦នៃកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និង តំបន់ភ្នំរហូតដល់ឆ្នាំ២០២៥។ បង្ហាញពីការយកចិត្តទុកដាក់ វិនិយោគរបស់បក្ស និងរដ្ឋ ចំ ពោះកីឡាប្រពៃណីរបស់ជនរួមជាតិ Khmer ទូទាំខេត្ត។

លោក Nguyễn Minh Luân (ទី៣គីតពីស្តាំ) អនុប្រធានគណៈកម្មាធិការប្រជាជនខេត្ត អញ្ជើញទស្សនា និង ពិនិត្យល្បឿននៃដំណើរការបោះទូក-ងថ្មី នៅវត្តសិរីមង្គល ជ្រុងខ្មែរ (Rạch Giồng)។

ដើម្បីត្រៀមរៀបចំល្អសម្រាប់ឱ្យការប្រណាំងលើកនេះ សព្វថ្ងៃក្រុមទូក-ងទាំងពីរវត្តនេះកំពុងហ្វឹកហាត់យ៉ាងសកម្មរៀងៗខ្លួន។ព្រះតេជគុណ Hữu Nhiều ចៅអធិការវត្តសិរីមង្គល ជ្រុងខ្មែរ (Rạch Giồng) មានសង្ឃដីការថា៖ ឆ្នាំនេះ ដោយបានរដ្ឋវិនិយោគបោះទូក-ងថ្មី ព្រមទាំងជំនួយឧបត្ថម្ភថវិការទឹកប្រាក់ចំនួន៨០លានដុងទៀតផង។

កីឡាករទាំងឡាយហាត់កម្លាំងមុនពេលចុះបន្ទាកាន់ច្រវ៉ាអុំ។

បង Huỳnh Kía Tững ជាកីឡាករទូក-ងវត្តជ្រុងខ្មែរ (Rạch Giồng) ឃុំ Hồ Thị Kỷ បានឱ្យដឹង៖ ទោះបីជាមានការរង្វាល់យ៉ាងណាក្តី ឱ្យតែដល់ម៉ោង៤សៀល ខ្ញុំក៏ដូចជាបងប្អូនដទៃទៀតតែងឆ្លៀតចូលវត្តដើម្បីហាត់ ដោយប្តេជ្ញាចិត្តនឹងទទួលបានលទ្ធផលខ្ពស់សម្រាប់ឱ្យការប្រគួតដ៏ធំលើកនេះ។

រីករាយដែលមានទូកថ្មី បងប្អូនកីឡាករទាំងឡាយនៃក្រុមទូក-ងវត្តវង្សស្រង់ ក្របីឃ្លៀច (Cao Dân) ពិតជាមានមោទនភាពយ៉ាងក្រៃលែងណាស់សម្រាប់ឱ្យការប្រគួតនេះ។

បន្ទាប់ពីអបត្តមានជាង១០ឆ្នាំ វត្តវង្សស្រង់ ក្របីឃ្លៀច (Cao Dân) ក៏បានសម្រេចចិត្តដាក់ទូក-ងសម្រាប់កីឡាករទាំងឡាយហាត់ទាំងលើទូកតែម្តង។

លោក Hữu Qual គ្រូបង្វឹកនៃក្រុមកីឡាទូក-ងវត្តវង្សស្រង់ ក្របីឃ្លៀច (Cao Dân) រីករាយឱ្យដឹង៖ បន្ទាប់ពីអវត្តមានជាង១០ឆ្នាំក្នុងការប្រគួតទូក-ងវត្តវង្សស្រង់ ក្របីឃ្លៀច (Cao Dân) ទទួលបានការឧបត្ថម្ភបោះថ្មី១០០។ លើសពីនោះ ខេត្តថែមទាំងបានជំនួយទឹកប្រាក់សម្រាប់ចូលរួមប្រគួតចំនួន៨០លាន។

ដើម្បីត្រៀមរៀបចំល្អសម្រាប់ការប្រគួតឆ្នាំនេះ ក្រុមទូក-ងវត្តក្របីឃ្លៀចក៏បានហ្វឹកហាត់យ៉ាងសកម្មណាស់ដែរ ដោយមានកីឡាករប្រ មាណជាង៨០រូប។ សម្លេងច្រវ៉ាប៉ះនឹងទឹកលាយជាមួយសម្លេងលើកទឹកចិត្តយ៉ាងគគ្រឹកគគ្រេងរបស់មាមីងបងប្អូន ញុំាងឱ្យការហ្វឹកហាត់កាន់តែពុះកញ្ច្រោលថែមទៀត។

ភាពអឹកធឹកនៃការហ្វឹកហាត់សម្រាប់ឱ្យការប្រណាំងទូក-ងបុណ្យអកអំបុកខេត្ត Sóc Trăng។

លោក Trần Hoàng Lê ប្រធានការិយាល័យជនជាតិស្រុក Thới Bình ឱ្យដឹង៖ ជាមួយការរៀបចំយ៉ាងយកចិត្តទុកដាក់របស់ក្រុមទូក-ងទាំងពីររបស់ស្រុក Thới Bình សង្ឃឹមថា នឹងទទួលបានលទ្ធផលខ្ពស់ក្នុងការប្រគួត។ រួមចំណែកបង្កើតភាពអ៊ូរអរសម្រាប់ពិធីបុណ្យអកអំបុក សំពះព្រះខែ ប្រណាំងទូក-ងយ៉ាងឱឡារឹកដែលមិនអាចមើលរំលួងសម្រាប់ទស្សនិកជនទាំងឡាយទូទាំងតំបន់ Nam Bộ៕

Lâm Đươl - Danh Điệp