បុណ្យអកអំបុក- ប្រណាំងទូក-ងតំបន់វាលរាបទន្លេគឺវឡុងលើកទី៦ ឆ្នាំ២០២៤ដែលបានប្រព្រឹត្តិឡើងនៅខេត្ត Sóc Trăng គឺជាសកម្មភាពដ៏មានអត្ថន័យខ្លឹមសារដើម្បីលើកងម្កើងនូវលក្ខណៈវប្បធម៌ប្រពៃណីរបស់ជនរួមជាតិ Khmer។ ពិធីបុណ្យបានឆ្លើយតបតម្រូវការរស់នៅ វប្បធម៌ ស្មារតីរបស់បងប្អូនបណ្តាជនជាតិទូទាំងតំបន់វាលរាបទន្លេគីវឡុងនិយាយរួម និងខេត្ត Sóc Trăng និយាយដោយឡែក។ ផ្តើមពីនោះ ក៏រួមចំណែកផ្សព្វផ្សាយ ឧទ្ទេសនាមនូវបណ្តារូបភាពដ៏វិសេសវិសាលរបស់ជនរួមេជាតិខ្មែរដល់ភ្ញៀវទេសចរណ៍ទាំងក្នុងប្រទេស និងអន្តរជាតិផងដែរ។
សិល្បៈអំណរពិធីបើកវគ្គប្រណាំងទូក-ង។
ពិធីបុណ្យអកអំបុក-ប្រណាំងទូក-ងឆ្នាំនេះ មានការចូលរួមរបស់ក្រុមទូ៦០ក្រុម (ក្នុងនោះមានក្រុមទុក-ងបុរស៥៣ក្រុម និងក្រុមទូកនារី៧ក្រុម) មកអំពីបណ្តាខេត្ត៖ Cần Thơ, Kiên Giang, Hậu Giang, Bạc Liệu, Cà Mau និងអង្គភាពម្ចាស់ផ្ទះ Sóc Trăng។ ពិធីប្រគួតបានប្រព្រឹត្តឡើងក្នុងអំឡុង២ថ្ងៃយ៉ាងចំណាប់អារម្មណ៍ ទាក់ទាញទស្សនិកជនយ៉ាងច្រើនកុះករចូលរួមទស្សនា លើកទឹកចិត្ត។ បន្ទាប់ ពី២ថ្ងៃប្រគួត ពានរង្វាន់ជើងឯកបានទៅលើក្រុមទូក-ងបុរសនិងក្រុមទូក-ងនារីវត្តទំនប់ ស្រុក Châu Thành ខេត្ត Sóc Trăng)។
ការប្រណាំងទូក-ងឆ្នាំនេះមានក្រុមទូកបុរស និងនារីចូលរួមចំនួន៦០ទូក ដែលមកពីបណ្តាខេត្តក្រុងទូទាំងតំបន់។
ក្រៅពីពិធីប្រណាំងទូក-ង ក៏មានសកម្មភាពជាច្រើនដែលគួរឱ្យចាប់អារម្មណ៍ផងដែរ ដូចជា៖ ពិធីបុណ្យថ្វាយព្រះខែ លយប្រទីប បង្ហាញសំលៀកបំពាក់ប្រពៃណីខ្មែរ។ល។ ជាពិសេស ក្នុងពិធីបុណ្យនេះ អង្គការកំណត់ត្រាវៀតណាមក៏បានបង្កើតកំណត់ត្រាឯតទគ្គកម្មសម្រាប់ "កម្មវិធីសម្តែងវង់ភ្លេងពិណពាទ្យ Khmer ខេត្ត Sóc Trăng ដែលមានទ្រង់ទ្រាយធំបំផុតទូទាំងប្រទេស Việt Nam”។ ឯតទគ្គកម្មនេះសរុបទាំងអស់មានចំនួន២០វង់ភ្លេង ដោយមានការចូលរួមប្រគំរបស់សិប្បករប្រមាណ២០០នាក់។
ភ្លេងពិណពាទ្យ Khmer នៅខេត្ត Sóc Trăng ត្រូវបានកំណត់ត្រា Việt Nam បង្កើតកំណត់ត្រាជាឯតទគ្គកម្មដែលមានទ្រង់ទ្រាយធំបំផុតទូទាំងប្រទេស Việt Nam រួមមានទាំងអស់២០វង់ និងមានសិប្បករចំនួន២០០នាក់ចូលរួមប្រគំ។
គ្រូអាចារ្យធ្វើពិធីថ្វាយព្រះចន្ទ អកអំបុក។
នេះក៏ជាមោទនភាពរួមរបស់ជនរួមជាតិ Khmer ផងដែរ។ យោងតាមនោះ ក៏បន្តអភិរក្ស និងលើកតម្កើងតម្លៃវប្បធម៌ប្រពៃណីដ៏ថ្លៃថ្លារបស់ខ្លួន រួមចំណែកកសាងខឿនវប្បធម៌ Việt Nam ជឿនលឿន សម្បូរដោយអត្តសញ្ញាណជាតិ៕
Danh Điệp
