នេះជាពិធីកិច្ចតាមជំនឿសាសនា ក៏ប៉ុន្តែធាតុពិតជាពិធីកិច្ចដែលបងប្អូនជនរួមជាតិ Khmer ប្រារព្ធឡើងដើម្បីតបស្នងគុណធម្មជាតិជាពិសេសមានព្រះគង្គា និងព្រះធរណីជាដើម។ ក្នុងគោលបំណងដើម្បីសូមឱ្យម្ចាស់ទឹក ម្ចាស់ដីលើកលែងទោសដល់ខ្លួនខ្លាចក្រែងបានប្រព្រឹត្តិខុសឆ្គងនូវហេតុណាមួយមិនសមគួរទៅលើលោក។
ទិដ្ឋភាពនៃពិធីលយប្រទីបនៅលើដងព្រែក Maspéro ក្រុង Sóc Trăng។
យោងតាមទំនៀមទម្លាប់ ប្រពៃណី Khmer បន្ទាប់ពីឆ្លងកាត់រដូវផលិតមួយឆ្នាំៗ មាមីងបងប្អូនតែងមានប្រព្រឹត្តិខុសនូវចំណុចណា មួយទៅលើធម្មជាតិដោយមិនដឹងខ្លួន ដូច្នេះហើយ ត្រូវប្រារព្ធពិធីថ្វាយដើម្បីតបស្នងគុណដល់លោក។ បងប្អូនជនរួមជាតិ Khmer ភាគច្រើនរស់នៅតាមតំបន់វាលស្រែចម្ការ ម្ល៉ោះហើយ ការចាត់តាំងពិធីបុណ្យលយប្រទីបក៏បានក្លាយជាទំនៀមដែលមិនអាចខ្វះបានក្នុងឱកាសនេះដែរ។
ពន្លឺប្រទីបចម្រុះដោយព័ណ៌ដែលត្រូវបានសិប្បករ Khmer រចនាជាប្រាសាទ ប្រះវិហារ មានទាំងរូបនាគរាជផងដែរ។
កាលពីអតីតកាល ប្រទីបតែងត្រូវបានគ្រួសារនីមួយៗតុបតែងដោយដើមចេក អមជាមួយទង់ព្រលឹង មានទៀនធុប និងគ្រឿងដង្វាយផស្សេងៗជាដើម ដូចជា៖ ផ្លែឈើ គ្រាប់ស្ករ អង្ករ អំបិល។ល។ រួចហើយយកទៅបណ្តែតតាមទឹក។ តែសម័យបច្ចុប្បន្ន ពិធីបណ្តែតប្រទីបក៏មិនសូវមានគេចាត់តាំងដូចនេះទៀតដែរ គឺចាត់តាំងតាមរបៀបប្រមូលផ្តុំនៅតាមបណ្តាវត្ត និងតុបតែងលម្អហាក់បីដូចជាប្រាសាទមានពន្លឺភ្លឺត្រចះត្រចង់ រួចហើយមានរៀបចំដង្វាយខាងក្នុងប្រទីបទុកជាការតបស្នងគុណនិងលាងទោសចំពោះព្រះធរណី និងព្រះគង្គាដែលបានជួយការពារមនុស្សលោកឱ្យមានសុវត្ថិភាព ព្រមទាំងសូមលោកលើកលែងទោសសារាល់គ្រប់ទង្វើទាំងឡាយដែលខ្លួនបានប្រព្រឹត្តិលើ ក្រែងលោមិនសមគួរក្នុងការពលកម្មផលិត។ បន្ទាប់មក អ្នករាល់គ្នាក៏រៀបចំក្បួនដង្ហែប្រទីបយកទៅបណ្តែតតាមខ្សែទឹក។ ដោយអ្នករាល់គ្នាជឿថា ទង្វើនេះ រាល់ទោសសាទាំងពួងដែលខ្លួនបានប្រព្រឹត្តិលើនឹងត្រូវបានលើកលែង។
ប្រទីបត្រូវបានរចនាតាមស្ថាបត្យកម្មនៃព្រះវិហារ និងប្រាង្គប្រាសាទផងដែរ។
បច្ចុប្បន្ន ការលយប្រទីបក៏ក្លាយជាពិធីបុណ្យមួយដ៏ធំដែលមានក្នុងព្រឹត្តិការណ៍នៃបុណ្យអកអំបុក សំពះព្រះខែ ហើយប្រទីបក៏ត្រូវបានសិប្បករ Khmer រចនាយ៉ាងល្អប្រណិតហាក់បីដូចជាប្រាសាទ ព្រះវិហារដ៏តូចមានទាំងរូបនាគរាជ និងរំលេចដោយព័ណ៌យ៉ាងភ្លឺចញ្ចាច ប្រកបដោយក្បូរក្បាច់រចនាយ៉ាងស្រស់ស្អាត និងរស់រវើកទៀតផង៕
Lâm Đươl
