បងប្អូនជនរួមជាតិ Khmer មានអត្តសញ្ញាណវប្បធម៌យ៉ាងសម្បូរបែបដែលបានរក្សាទុកជាកេរដំណែលពីជំនាន់មួយទៅជំនាន់មួយតាមរយៈទម្រង់នៃសិល្បៈប្រពៃណី ក្នុងនោះមានទាំងរបាំប្រជាប្រិយផងដែរ។ នេះគឺជាកត្តាមួយដ៏សំខាន់សម្រាប់ក្នុងការអភិរក្ស និងពង្រីកអត្តសញ្ញាណវប្បធម៌ជនជាតិ។
ប៉ុន្មានថ្ងៃនេះ មានឱកាសបានមកកាន់តំបន់ជនជាតិ Khmer ភូមិភ្នៀត (Cây Khô ឃុំ Hồ Thị Kỷ ស្រុក Thới Bình) យើងនឹងបានឃើញនូវបរិយាកាសនៃថ្ងៃបុណ្យចូលឆ្នាំថ្មីប្រពៃណី Khmer កំពុងឈានចូលមកដល់ដែលអមដោយសូរសព្ទតូរ្យតន្រ្តី ចំរៀងរបាំរបស់ក្លឹបសកម្មភាពវប្បធម៌ប្រជាប្រិយភូមិភ្នៀត។
បច្ចុប្បន្នក្លឹបសកម្មភាពវប្បធម៌ប្រជាប្រិយភូមិភ្នៀត (Cây Khô) មានសមាជិកប្រមាណ៤០រូប។
ក្លឹបសកម្មភាពវប្បធម៌ប្រជាប្រិយភូមិភ្នៀត (Cây Khô) ត្រូវបានគណៈកម្មាធិការប្រជាជនឃុំ Hồ Thị Kỷ សម្រេចចិត្តបង្កើតក្នុងឆ្នាំ២០២៤យោងតាមគម្រោងការលេខ៦៦/KH-SVHTTDL ចុះថ្ងៃទី៤ ខែមិថុនា ឆ្នាំ២០២៤របស់នាយកមន្ទីរវប្បធម៌ កីឡានិងទេសចរណ៍ខេត្ត Cà Mau ស្តីពីការបង្កើតក្លឹបសកម្មភាពវប្បធម៌ប្រជាប្រិយនៅតាមបណ្តាភូមិដែលមានបងប្អូនជនរួមជាតិភាគតិចនិងតំបន់ភ្នំ តំបន់ជនផ្ទេរលំនៅ និងតំបន់តាំងទីលំនៅថ្មី។ នេះជាសកម្មភាពដែលស្ថិតក្នុងគម្រោងទី៦៖ “អភិរក្សនិងពង្រីកតម្លៃវប្បធម៌ប្រពៃណីដ៏ល្អផូរផង់របស់បណ្តាជនជាតិភាគតិចផ្សារភ្ជាប់ជាមួយអភិវឌ្ឍន៍ទេសចរណ៍” លើភូមិសាស្ត្រខេត្ត Cà Mau។
ប្អូន Hữu Thị Bảo Ngọc (អាយុ៨ឆ្នាំ) មោទនភាពដែលបានចូលរួមក្លឹប មកទល់ពេលនេះប្អូនក៏ចេះរាំនិងច្រៀងចម្រៀងភាសា Khmer បានយ៉ាងស្ទាត់ជំនាញ។
ក្លឹបសកម្មភាពវប្បធម៌យើងខ្ញុំជាពិសេសបង្កើតក្រុមរាំច្រៀងសប្បាយ យើងខ្ញុំមានបង្ហាត់នូវបណ្តាចង្វាក់រាំប្រជាប្រិយ Khmer សម្រាប់បងប្អូនៗកុមារ មានដូចជាចង្វាក់រាំវង់ សារ៉ាវ៉ាន់ ឡាំលាវជាដើម។ ដំបូងមានសមាជិកត្រឹម២២រូបប៉ុណ្ណោះ ដែលភាគច្រើនសុទ្ធតែបងប្អូនអ្នកមានវ័យជម្នះ។ ដើម្បីធានាឱ្យក្លឹបដំណើរការទៅបានយូរអង្វែង យើងខ្ញុំក៏បានទៅដល់គ្រួសារនីមួយៗដើម្បីចលនាប្អូន២ឱ្យចូលរួម។ បច្ចុប្បន្ន ក្លឹបមានសមាជិកទាំងអស់ប្រមាណ៤០រូបផងដែរដែលបានចូលរួមជាប្រចាំ រួមមានទាំងបុរសនិងនារី។ សង្ឃឹមថាបណ្តាប់ពីការបង្ហាត់នេះ ប្អូនៗនឹងអាចចូលរួមច្រៀងរាំកម្សាន្តក្នុងឱកាសបុណ្យទាននៅភូមិស្រុក” បងស្រី Thạch Thị Satana អធិការរងក្លឹបនិងជាអ្នកឈរបង្ហាត់រាំដោយផ្ទាល់មានប្រសាសន៍បែបនេះ។
បណ្តាសមាជិកនៃក្លឹបសកម្មភាពវប្បធម៌ប្រជាប្រិយភូមិភ្នៀត (Cây Khô) ភាគច្រើនសុទ្ធសឹងជាប្អូនៗសិស្សសាលា។
ការភីវឌ្ឍនិងថែរក្សានូវបណ្តារបាំនិងចង្វាក់រាំប្រពៃណី Khmer មានអត្ថន័យខ្លាំងណាស់សម្រាប់ការអភិរក្សនិងពង្រីកអត្តសញ្ញាណវប្បធម៌ដ៏ពិសេសរបស់ជនរួមជាតិខ្មែរខេត្ត Cà Mau និយាយដោយឡែក ជនរួមជាតិ Khmer Nam Bộ និយាយរួម នោះក៏ជាឱកាសសម្រាប់ជំរុញការដោះដូរវប្បធម៌សិល្បៈរវាងបណ្តាជនជាតិជាបងប្អូនក្នុងឱកាសបុណ្យទាន ជាពិសេសថ្ងៃបុណ្យចូលឆ្នាំថ្មីប្រពៃណី Khmer ឆ្នាំ២០២៥៕
Danh Điệp
