តាមរយៈការផ្លាស់ប្តូរនៃប្រវត្តិសាស្រ្ត សព្វថ្ងៃនេះ បងប្អូនជនរួមជាតិ Hoa ខេត្ត Cà Mau នៅតែជាសហគមន៍រួបរួមសាមគ្គី ដោយរក្សាបានល្អនូវវប្បធម៌ប្រពៃណីរបស់ជាតិជាមួយនឹងគុណតម្លៃពិសេសៗ និងលក្ខណៈដ៏ឆ្នើមជាច្រើនទៀតផងដែរ។
ឆ្លងកាតសម័យកាល សព្វថ្ងៃនេះ បងប្អូនជនជាតិ Hoa នូវតែងរក្សាបានល្អរាល់បណ្តាសកម្មភាពជំនឿរបស់ជនជាតិ ជាពិសេសពិធីបុណ្យថ្វាយលោកយាយទេព Thiên Hậu Thánh Mẫu។
លោក Trần Quế Đình ប្រធានសមាគមន៍ជនជាតិ Hoa ក្រុង Cà Mau បានឱ្យដឹង៖ “ជនជាតិ Hoa នៅ Cà Mau មានទាំងអស់ ២.២៣៤ គ្រួសារ ដោយមានចំនួនមនុស្ស ៨.៧៦០នាក់។ ជនជាតិ Hoa ទោះបីជាទៅដល់ទីណាក៏ដោយ ពួកគាត់មិនត្រឹមមានការរួបរួមសាមគ្គី ជួយគ្នាទៅវិញទៅមក រក្សាទំនាក់ទំនងជិតស្និទ្ធជាមួយស្រុកកំណើតប៉ុណ្ណោះទេ ថែមទាំងរក្សាបានល្អនូវទំនៀមទម្លាប់ប្រពៃណីជំនឿ និងតម្លៃវប្បធម៌សិល្បៈទៀតផង។ ក្រៅពីនោះថែមទាំងការរួមបញ្ចូលរវាងលក្ខណៈដោយឡែករបសើខ្លួនទៀតផងដើម្បីទទួលយកនូវអ្វីដែលថ្មី ទំន់បទាន់សម័យ ធ្វើឱ្យវប្បធម៌កាន់តែសម្បូរបែប បង្កើនភាពស្និទ្ធស្នាល និងងាយស្រួលក្នុងការទទួលយក”។
យោងតាមបណ្តាពិធីបូជា លូតម៉ុងសាយតោ នាគ គឺជាពិធីដែលមិនអាចខ្វះបានក្នុងសហគមន៍ជនជាតិ Hoa។
សព្វថ្ងៃនេះ បងប្អូនជនរួមជាតិ Hoa នៅ Cà Mau ថែមទាំងរក្សាខ្ជាប់នូវទំនៀមទម្លាប់ប្រពៃណីរបស់សហគមន៍។ ប្រការនេះត្រូវបានឆ្លុះបញ្ចាំងក្នុងរាល់បណ្តាពិធីបុណ្យទាននានាដូចជា៖ បុណ្យសព ពិធីមង្គលការ ចម្រើនព្រះជន្ម ចេញខែ និងបុណ្យខួបកំណើតជាដ់ម។ក្នុងនោះខាងមុខម្ហូបរបស់ជនជាតិ Hoa ពិតជាមានលក្ខណៈសម្បូរបែបខ្លាំងណាស់ មានកររួមបញ្ចូលខាងប្រភេទមុខម្ហូបប្រពៃណីផង និងបណ្តាផលិតផលប្រចាំតំបន់ផងដែរ។
ជំនឿ និងសាសនា គឺជាសកម្មភាពវប្បធម៌ខាងផ្លូវចិត្តរបស់ជនជាតិ Hoa នៅ Cà Mau។ ជនជាតិ Hoa មានជំនឿ២បែបសម្រាប់ក្នុងសង្គមគ្រួសារ និងសហគមន៍។ ក្នុងគ្រួសារ ពួកគាត់បានរៀបចំទីអាសនៈដ៏ឧត្តុង្គឧត្តមសម្រាប់គោរពបូជាបុព្វការីជន។ ក្នុងពិធីបុណ្យឆេងមេងប្រចាំឆ្នាំ កូនចៅតែងចាត់តាំងសែនថ្វាយ និងបោសសម្អាតផ្នូរដូនតា។ ម្យ៉ាងវិញទៀត នៅក្នុងផ្ទះ ជនជាតិ Hoa ក៏មានគោរពបូជាអ្នកតាម្ចាស់ទឹក ម្ចាស់ដីដែលចាត់ទុកថាលោកតែជួយបីបាច់ថែរក្សាពួកគាត់។
ជំនឿក្នុងសហគមន៍ជនជាតិ Hoa មានទំនាក់ទំនងយ៉ាងជិតស្និទ្ធជាមួយនឹងវត្តអារាម និងវិហារប្រាសាទ។ លើភូមិសាស្ត្រខេត្តនាពេលបច្ចុប្បន្នមានវិហាររបស់ជនជាតិ Hoa ធំៗចំនួន៣ និងប្រាសាទតូចៗជាច្រើនទៀត។ លោកយាយទេព Thiên Hậu ត្រូវបានសហគមន៍ជនជាតិ Hoa មានជំនឿនិងគោរពបូជាច្រើនបំផុត។ ក្រៅពីថ្ងៃឈប់សម្រាកដែលមានលក្ខណៈប្លែកពីគេ ក្នុងឆ្នាំ នាថ្ងៃ ពេញបូណ៌មី និងថ្ងៃ១កើតជារៀងរាល់ខែ បងប្អូនប្រជាជនបានអញ្ជើញទៅអុជធូបគោរពបូជានៅតាមបណ្តាវត្ត វិហារ និងប្រសាទជាដើម។
ក្បួនដង្ហែតាមដងវិថីដែលមានបងប្អូនជនរួមជាតិ Hoa រស់នៅច្រើនកុះករនាឱកាសបុណ្យទាន ជាលក្ខណៈវប្បធម៌ដែលត្រូវបានសមាគមន៍ជនជាតិ Hoa បន្តការអភិរក្សជាយូរអង្វែងណាស់មកហើយ។
សម្រាប់ជនជាតិ Hoa ពិធីបុណ្យដ័សំខាន់ៗក្នុងឆ្នាំរួមមាន៖ ពិធីទទួលលោកយាយទេពដែលប្រព្រឹត្តិឡើងនូវថ្ងៃ៣កើតខែមាឃ និងបុណ្យដើមខែនៃថ្ងៃពេញបូណ៌មី សែនថ្វាយលោកយាយទេពនាថ្ងៃទី២៣ ខែ៣ (ចន្ទគតិ) ថ្វាយព្រះចន្ទពេញបូណ៌មីខែ៧ (ចន្ទគតិ) និងតបស្នងគុណលោកយាយទេពនាពេលចុងឆ្នាំ ខែ១២ (ចន្ទគតិ)។ បណ្តាពិធីបុណ្យទាំងនេះ គឺជាឱកាសសម្រាប់លើកតម្កើង និងសម្តែងនូវភាពកត្តញ្ញូតាធម៌ចំពោះអ្នកមានគុណ និងលើកកម្ពស់តម្លៃសីលធម៌ ដូចជា៖ ទឹកចិត្តសប្បុរស កត្តញ្ញូ ចេះលះបង់ដើម្បីអ្នកដទៃ និងរំលឹកដាស់តឿនមនុស្សម្នាឱ្យប្រព្រឹត្តល្អ និងរស់នៅប្រកបដោយភាពសុខដុមជាមួយសហគមន៍ជុំវិញខ្លួន។ រាល់ពិធីបុណ្យរបស់ជនជាតិ Hoa បានទាក់ទាញអ្នកចូលរួមយ៉ាងច្រើនកុះករ បង្កើតបរិយាកាសសប្បាយរីករាយ និងអ៊ូអរសម្រាប់ទាំងសហគមន៍ Hoa ផង និងជនជាតិ Kinh ផងដែរ។
លោក Trần Quế Đình បានទទួលស្គាល់ថា៖ “បណ្តាសកម្មភាពជំនឿសាសនាដែលនាំមកនូវតម្លៃជាក់ស្តែងក្នុងការអភិរក្សបេតិកភណ្ឌវប្បធម៌ដ៏មានតម្លៃដើម្បីបញ្ញវន្តជំនាន់ក្រោយ ក្លាយជាជំនួយផ្នែកខាងស្មារតីដ៏រឹងមាំសម្រាប់ប្រជាជន តភ្ជាប់សហគមន៍ជនជាតិ Hoa ជួយអភិរក្ស និងពង្រីកអត្តសញ្ញាណជាតិ លើកកម្ពស់ស្មារតីសាមគ្គី និងបង្កើនតម្លៃមនុស្សធម៌ ដើម្បីឆ្ពោះទៅរកការអភិវឌ្ឍន៍ចីរភាពរបស់សង្គម”។
បច្ចុប្បន្ន បណ្តាសកម្មភាពជំនឿប្រជាប្រិយរបស់ជនជាតិ Hoa ក៏បានក្លាយជាសកម្មភាពរួមរបស់សហគមន៍ និងបណ្តជាជនជាតិជាបងប្អូនផងដែរ។
ឆ្លងកាត់សម័យកាល សហគមន៍ជនជាតិ Hoa តែងរក្សាបាននូវលក្ខណៈវប្បធម៌ប្រពៃណីដោយឡែករបស់ខ្លួនដោយច្រើនវិធានការផ្សេងៗខុសគ្នា មិនធ្វើឱ្យបាត់បង់ឡើយ រួមចំណែកផ្តល់នូវផ្ទាំងរូបភាពវប្បធម៌របស់ Cà Mau ឱ្យកាន់តែមានភាពវិសេសវិសាល ទទួលយកនូវបណ្តាតម្លៃវប្បធម៌ទំនើបថ្មីដែលយោងតាមថំណើរការដោះដូរវប្បធម៌រវាងបណ្តាជនជាតិជាបងប្អូន ធ្វើឱ្យលក្ខណៈនៃការរស់នៅវប្បធម៌របស់ពួកគាត់កាន់តែមានការអភិវឌ្ឍន៍ឆ្ពោះទៅមុខ និងកាន់តែសម្បូរបែបផងដែរ៕
Quỳnh Anh
