ក្នុងដំណើរការរស់នៅតាមបែបទំនើបស៊ីវិល័យដែលកំពុងមានការផ្លាស់ប្តូរជារៀងរាល់ថ្ងៃ បងប្អូនជនរួមជាតិ Khmer Nam Bộ និយាយរួម នៅ Cà Mau និយាយដោយឡែក តែងរក្សា និងអភិរក្សតម្លៃវប្បធម៌ប្រពៃណីប្រកបដោយអត្តសញ្ញាណជាតិ។ ក្នុងចំណោមពិធីដ៏សំខាន់ក្នុងព្រះពុទ្ធសាសនា គឺពិធីចូលព្រះវស្សា ឬហៅថាពិធីកាន់ព្រះវស្សាដែលតែងតែប្រារព្ធឡើងនៅរដូវវស្សាជារៀងរាល់ឆ្នាំ។
គ្រួសារអ្នកមីង Thạch Thị Nguyệt នៅភូម Đay Tà Ni ឃុំ Hưng Hội ត្រៀមរៀបចំគ្រឿងសក្ការៈសម្រាប់ដង្ហែចូលវត្ត។
ក្បួនដង្ហែទៀនព្រះវស្សាយ៉ាងឱឡារឹកនៅតាមតំបន់ភូមិស្រុក។
កាលពីរសៀលថ្ងៃ១៥កើត ខែអាសាឍ មាមីងប្រជាពុទ្ធបរិស័ទ Khmer ទាំងឡាយបានប្រមូលផ្តុំមកវត្តបុប្ផារាម វត្តខ្វែងបបែលចាស់ (Cái Giá Chót) ស្ថិតនៅឃុំ Hưng Hội ដើម្បីចូលរួមអនុមោទនាបុណ្យចូលព្រះវស្សា។ ដើម្បីប្រារព្ធចាត់តាំងពីធីបុណ្យនេះ មាមីងពុទ្ធបរិស័ទបានត្រៀមនូវគ្រឿងសក្ការៈផ្សេងៗ មានទៀន ធូប ភ្ញីផ្កាជាដើម ជាពិសេសទៀនព្រះវស្សាដែលជាវត្ថុមិនអាចខ្វះបាន។ ប្រជាពុទ្ធបរិស័ទ Khmer តែងមានជំនឿថា ភ្លើងទៀនជាសញ្ញានៃពន្លឺបញ្ញា អាចជួយរំសាយភាពងងឹត បំបាត់គ្រោះមហន្តរាយគ្រប់សព្វបែបយ៉ាង នាំមកនូវសេចក្តីសុខក្នុងការរស់នៅទៀតផង។
ព្រះសង្ឃវត្តបុប្ផារាម ខ្វែងបបែលចាស់ (Cái Giá Chót) ទូងស្គរទទួលក្បួនដង្ហែទៀនព្រះវស្សាចូលមកកាន់អារមដ្ឋាន។
ពិធីចូលព្រះវស្សាតែងប្រារព្ធក្នុងរយៈពេល២ថ្ងៃ។ ថ្ងៃទី១ គឺថ្ងៃ១៥កើត ខែអាសាឍ ប្រព្រឹត្តិឡើងនាពេលរសៀល។ ពុទ្ធបរិស័ទនាំយកនូវគ្រឿងសក្ការៈផ្សេងៗចូលវត្តដើម្បីនិមន្តព្រះសង្ឃសម្តែងព្រះបរឹត្ត។ ចំណែកថ្ងៃទី២ គឺថ្ងៃទី១រោច ខែអាសាឍ មាមីងពុទ្ធបរិស័ទនាំគ្នាយកចង្ហាន់ អង្ករ ភេសជ្ជៈ និងគ្រឿងសក្ការៈសម្រាប់ថ្វាយព្រះ រួមទាំងបច្ច័យ៤ផងដែរដើម្បីថ្វាយប្រគេនព្រះភិក្ខុសង្ឃគង់ចំាព្រះវស្សា និងដើម្បីឧទ្ទិសមគ្គផលជូនបុព្វការីជន ក៏ដូចជាបួងសួងប្រាថ្នាកក្តីសុខសម្រាប់បងប្អូនប្រជាជនទាំងឡាយក្នុងភូមិស្រុក។
គ្រួសារអ្នកមីង Thạch Thị Nguyệt នៅភូមិ Đay Tà Ni ដង្ហែទៀនវស្សាចូលវត្ត។
ពិធីចូលព្រះវស្សាតែងផ្សារភ្ជាប់ជាមួយលក្ខណៈវប្បធម៌ប្រជាប្រិយរបស់ជនរួមជាតិ Khmert។
ពិធីចូលព្រះវស្សាមានរយៈពេល ៣ខែ រហូតដល់ថ្អៃពេញបូណ៌មីអាសុជ្ស គ្រប់វត្តទាំងឡាយនឹងធ្វើពិធីចេញព្រះវស្សា។ ក្នុងរដូវកាន់ព្រះវស្សារយៈពេល ៣ខែ ក្រៅពីអុជបំភ្លឺទៀន វត្ត Khmer ទាំងឡាយថែមទាំងមានវាយស្គរមួយថ្ងៃ២លើក គឺពេលព្រឹកព្រហាម និងពេលរសៀល ដើម្បីទុកជាសញ្ញាសម្រាប់មាមីងពុទ្ធបរិស័ទក្នុងភូមិស្រុកម្ចាស់ការក្នុងការពលកម្មផលិតប្រចាំថ្ងៃ។
ប្រជាពុទ្ធបរិស័ទយ៉ាងច្រើនកុះករចូលរួមដង្ហែប្រទក្សិណទៀនព្រះវស្សា ៣ ជុំព្រះវិហារ។
ពិធីចូលព្រះវស្សាមិនត្រឹមជាពិធីកិច្ចនិយមសាសនាតាមបែបប្រពៃណីប៉ុណ្ណោះទេ ថែមទាំងជាលក្ខណៈវប្បធម៌ដ៏ល្អផូរផង់ រួមចំណែកផ្សារភ្ជាប់រវាងសហគមន៍ សម្តែងនូវការគោរពចំពោះព្រះពុទ្ធសាសនា និងរក្សានូវតម្លៃវប្បធម៌ដ៏វិសេសវិសាលរបស់បងប្អូនជនរួមជាតិ Khmer ទូទាំងតំបន់ចុងជ្រោយបង្អស់របស់ប្រទេសទៀតផង៕
Hoàng Lam - Hữu Thọ
