ទូរស័ព្: 0274 383 347
អង្គារ, 17-11-26 06:00:57

ប្រតិបត្តិពិធីកិច្ចសាសនា ផ្សារភ្ជាប់សហគមន៍

នៅតាមបណ្តាវត្តអារាមព្រះពុទ្ធសាសនាថេរវាទ ប្រជាពុទ្ធបរិស័ទ Khmer ទាំងឡាយតែងអញ្ជើញទៅវត្តដើម្បីបំពេញកិច្ចសាសនាជាប្រចាំ ៤ លើកក្នុងមួយខែ រួមមានថ្ងៃ៖ ៨ កើត, ១៥ កើត (ពេញបូណ៌មី), ៨ រោច និងថ្ងៃដាច់ខែតាមចន្ទគតិ។

ពុទ្ធបរិស័ទ Khmer នៅខេត្ត An Giang អញ្ជើញមកប្រគេនទេយ្យវត្ថុដល់ព្រះសង្ឃវត្តជ្រុងខ្មែរ (Rạch Giồng) ឃុំ Hồ Thị Kỷ ខេត្ត Cà Mau នារដូវចូលព្រះវស្សា ឆ្នាំ ២០២៦។

ក្នុងបណ្តាថ្ងៃសីលទាំងនេះ ពុទ្ធបរិស័ទជួបជុំគ្នានៅវត្តដើម្បីអនុវត្តបណ្តាពិធីប្រពៃណីដ៏ពិសិដ្ឋ ដូចជា៖ នមស្សការព្រះរតនត្រ័យ សមាទានសីល ៥ និងសីល ៨ វេរចង្ហាន់ប្រគេនព្រះសង្ឃ និងឧទ្ទិសកុសលផលបុណ្យដោយក្តីគោរពជូនដល់ជីដូនជីតា ឪពុកម្តាយ ព្រមទាំងញាតិកាលទាំងឡាយដែលបានចែកឋានទៅ។ ពិសេស ក្នុងឱកាសពិធីបុណ្យសែនដូនតា បុណ្យចូលព្រះវស្សា និងបុណ្យចូលឆ្នាំថ្មីប្រពៃណីជាតិ។ល។ ពុទ្ធបរិស័ទ Khmer ប្រមូលផ្តុំក្នុងវត្តកាន់តែច្រើនកុះករជាងពេលណាៗទាំងអស់។

ក្នុងឱកាសពិធីបុណ្យទាន សមាជិកក្នុងសង្គមគ្រួសារជនរួមជាតិ Khmer តែងជួបជុំគ្នាទៅវត្តដើម្បីធ្វើសកម្មភាពជំនឿ សាសនា។

ក្រៅពីបណ្តាពិធីកិច្ចសាសនា រាល់បណ្តាសកម្មភាពនៅក្នុងវត្តអារាមថែមទាំងប្រកបដោយលក្ខណៈផ្សារភ្ជាប់សហគមន៍ទៀតផង តាមរយៈការណែនាំរបស់ព្រះសង្ឃ និងគណៈកម្មការ គ្រូអាចារវត្ត។ ក្នុងនោះ ព្រះចៅអធិការវត្តបានសម្តែងធម៌ទេសនាដោយផ្ទាល់ ជួយឱ្យពុទ្ធបរិស័ទងាយស្រួលក្នុងការប្រតិបត្តិ ក៏ដូចជាបកស្រាយរាល់ចម្ងល់លើមាគ៌ាបដិបត្តិធម៌។ គណៈកម្មការរួមជាមួយបណ្តាលោកគ្រូអាចារ្យ បានបើកចំហជាសាធារណៈអំពីដំណើរការសាងសង់សំណង់នានាក្នុងវត្ត តម្លាភាពបញ្ជីរាយនាមចូលរួមវិភាគទានរបស់ពុទ្ធបរិស័ទ ព្រមទាំងពិភាក្សាការងាររៀបចំពិធីបុណ្យទានផ្សេងៗជាដើម។

ចំពោះជនរួមជាតិ Khmer វត្តអារាមជាមជ្ឈមណ្ឌលជីវភាពវប្បធម៌ ជំនឿសាសនាដែលតែងផ្សារភ្ជាប់សហគមន៍ និងអភិរក្សអត្តសញ្ញាណវប្បធម៌ជនជាតិ។

ចំពោះគន្លងនៃសកម្មភាពនេះហើយក៏បានពូនជ្រុំជាមូលដ្ឋានគ្រឹះសីលធម៌ ថែរក្សាអត្តសញ្ញាណវប្បធម៌ប្រពៃណីនៃព្រះពុទ្ធសាសនាថេរវាទ Khmer ឆ្លងកាត់ជាច្រើនជំនាន់ផងដែរ។

ក្រៅពីនោះ នេះក៏ជាពេលវេលាដ៏មានតម្លៃដែលអ្នកភូមិផងរបងជាមួយបានជួបជុំគ្នា សួរសុខទុក្ខ ចែករំលែកក្តីទុក្ខ សប្បាយរីករាយក្នុងជីវភាពរស់នៅ អាស្រ័យហេតុនោះ រឹតចំណងសាមគ្គីភាពរវាងអ្នកភូមិផងរបងជាមួយឱ្យកាន់តែជិតស្និទ្ធថែមទៀត៕

Đờ Ni - Danh Điệp

Tags:

សៀវភៅបើកចំហ" អំពីមេរៀនអប់រំចិត្តឆ្ពោះទៅសាងសច្ចធម៌

មិនត្រឹមប្រកបដោយស្លាកស្នាមនៃស្ថាបត្យកម្មព្រះពុទ្ធសាសនាខ្មែរប៉ុណ្ណោះទេ វត្តបទុមរង្សី ស្ថិតនៅឃុំដុងភឿក ទីក្រុងកឹងធើ ក៏បានបង្កប់នូវចំណាប់អារម្មណ៍តាមរយៈផ្ទាំងគំនូរចម្លាក់ រាប់សិបផ្ទាំងនៅតាមជញ្ជាំងខាងក្រៅព្រះវិហារ ដែលពណ៌នាអំពីពុទ្ធប្រវត្តិ។

មហាបុញ្ញខេត្តកឋិនទាន

បុណ្យកឋិនទាន ឬហៅថា កឋិនកាល ជាបុណ្យប្រពៃណីសាសនាដ៏ធំមួយក្នុងចំណោមបុណ្យធំៗប្រចាំឆ្នាំរបស់ ពុទ្ធបរិស័ទខ្មែរ។ ក្នុងរដូវបុណ្យនេះ ពុទ្ធសាសនិកជនបាននាំគ្នាដង្ហែត្រៃចីវរ និងទេយ្យវត្ថុផ្សេងៗប្រគេនដល់ព្រះសង្ឃបន្ទាប់ពីគង់ចាំព្រះវស្សាអស់ត្រៃមាស ៣ខែ ដើម្បីសម្តែងពីសទ្ធាជ្រះថ្លា និងសេចក្តីគោរព ដឹងគុណយ៉ាងជ្រាលជ្រៅចំពោះព្រះភិក្ខុសង្ឃដែលខិតខំសិក្សាធម៌អាថ៌វិន័យពេញមួយរដូវវស្សា។

ពិធីសក្ការៈដ៏ពិសិដ្ឋ

ចំពោះជនរួមជាតិខ្មែរនៅភាគខាងត្បូង ពិធីគោរពទង់ព្រះពុទ្ធសាសនា មិនត្រឹមតែសម្តែងពីសេចក្តីគោរពដ៏ជ្រាលជ្រៅចំពោះព្រះរតនត្រ័យ និងព្រះសម្មាសម្ពុទ្ធប៉ុណ្ណោះទេ ប៉ុន្តែថែមទាំងជាឱកាសដើម្បីរំលឹកគុណ និងគោរពវិញ្ញាណក្ខន្ធព្រះសមណៈរគ្រប់ជំនាន់ ដែលបានពលីកម្លាំងកាយចិត្តបម្រើសាសនា ថែរក្សា និងពង្រីកប្រពៃណីព្រះពុទ្ធសាសនាផងដែរ។ ពិធីនេះមានអត្ថន័យខាងវិញ្ញាណយ៉ាងជ្រាលជ្រៅ បង្ហាញពីចំណងសាមគ្គីរវាងសាសនា និងជនជាតិក្នុងជីវភាពតាមភូមិស្រុក។

សូររំពងសំឡេងស្គរវត្ត

នៅតាមបណ្ដាភូមិស្រុកណាមបូកាលពីដើម គ្រាដែលសំឡេងនាឡិការោទ៍នៅតែជារបស់កម្រមានផងនោះ ចង្វាក់រស់នៅរបស់ប្រជាជនស្រុកស្រែតែងផ្សារភ្ជាប់យ៉ាងជិតស្និទ្ធជាមួយដំបូលវត្តខ្មែរបុរាណ។ នៅទីនោះ សំឡេងស្គរវត្តមិនត្រឹមតែជាសូរសព្ទនៃពិធីកិច្ចផ្សេងៗសម្រាប់ខាងព្រះពុទ្ធសាសនាប៉ុណ្ណោះទេ ថែមទាំងជានាឡិកាកំណត់ចង្វាក់ជីវិតសម្រាប់អ្នកស្រែចម្ការទៀតផង។

ភូមិស្រុកអឹកធឹករដូវបុណ្យសែនដូនតា

ក្នុងបណ្ដាថ្ងៃនេះ តាមបណ្ដាភូមិស្រុក Khmer លើភូមិសាស្ត្រខេត្តកាន់តែមានភាពអ៊ូអរខ្លាំងដោយបរិយាកាសទទួលអំណរបុណ្យសែនដូនតា ឆ្នាំ២០២៦។ តាំងពីព្រឹកព្រហាម សំឡេងសំណេះសំណាលសើចក្អាកក្អាយលាយឡំនឹងក្លិនផ្សែងធូបសាយភាយចេញពីបណ្ដាវត្តអារាម បានសបញ្ជាក់ពីរដូវបុណ្យដែលពោរពេញដោយមនោសញ្ចេតនាជួបជុំមូលមិត្ត និងការដឹងគុណ។

អត្ថន័យ “បាយបិណ្ឌ” ក្នុងរដូវបុណ្យសែនដូនតា

ក្នុងរដូវបុណ្យសែនដូនតាដ៏ពិសិដ្ឋ ពិធីបោះបាយបិណ្ឌ ដែលអូសបន្លាយរយៈពេល ១៥ ថ្ងៃនៅតាមវត្តអារាម Khmer បានបង្កប់យ៉ាងជ្រាលជ្រៅនូវស្មារតីមេត្តាធម៌នៃព្រះពុទ្ធសាសនាថេរវាទ និងកម្រងសីលធម៌ប្រពៃណីដ៏ល្អផូរផង់របស់ជនជាតិ Khmer។

ប្រតិបត្តិពិធីកិច្ចសាសនា ផ្សារភ្ជាប់សហគមន៍

នៅតាមបណ្តាវត្តអារាមព្រះពុទ្ធសាសនាថេរវាទ ប្រជាពុទ្ធបរិស័ទ Khmer ទាំងឡាយតែងអញ្ជើញទៅវត្តដើម្បីបំពេញកិច្ចសាសនាជាប្រចាំ ៤ លើកក្នុងមួយខែ រួមមានថ្ងៃ៖ ៨ កើត, ១៥ កើត (ពេញបូណ៌មី), ៨ រោច និងថ្ងៃដាច់ខែតាមចន្ទគតិ។

បេតិកភណ្ឌសាស្ត្រាស្លឹករឹត

សាស្ត្រាស្លឹករឹត គឺជាបេតិកភណ្ឌឯកសារដ៏វិសេសវិសាល ដែលរក្សាទុកនូវវប្បធម៌របស់ជនរួមជាតិ Khmer។

អត្ថន័យនៃការរួមបញ្ចូលគ្នារវាងសត្វមករ និងនាគ

ក្នុងសិល្បៈស្ថាបត្យកម្មវត្តអារាម Khmer Nam Bộ បណ្តារូបសត្វដ៏ពិសិដ្ឋ និងក្បូរក្បាច់រចនាចម្លាក់ តុបតែង បានបង្កប់នូវតម្លៃវប្បធម៌ ជំនឿសាសនាយ៉ាងជ្រាលជ្រៅរបស់ជនរួមជាតិ Khmer។ ក្នុងនោះ តាមបណ្តោយកន្ត្រាក់ជណ្តើរ ដំបូលកោង ឬជើងសសរ ភាគច្រើនតែងតែតុបតែងរូបសត្វមករ រួមផ្សំជាមួយពស់នាគរាជជាប្រចាំ។

លក្ខណៈវប្បធម៌ពេញដោយក្តីករុណា

សម្រាប់ប្រជាជន Khmer គ្រប់ទិដ្ឋភាពនៃជីវិតសហគមន៍ ចាប់ពីពិធីកិច្ចសាសនាដ៏ឧឡារិករហូតដល់សកម្មភាពជាប្រចាំថ្ងៃ គឺមានទំនាក់ទំនងយ៉ាងជិតស្និទ្ធជាមួយវត្តអារាម។ ទំនាក់ទំនងដ៏ជ្រាលជ្រៅនេះបានបង្កឱ្យមានវប្បធម៌ប្រពៃណីនៃសេចក្តីករុណាយ៉ាងជ្រាលជ្រៅ៖ "ការធ្វើទាន" (ការធ្វើវេនចង្ហាន់ប្រគេនព្រះសង្ឃតាមវត្តអារាម)។

សហគ្រាស - ម៉ាក