ក្រោមពន្លឺព្រះអាទិត្យចែងចាំងរស្មីនៃខេត្ត Cà Mau បណ្តាកសិករ Khmer និង Hoa ទាំងឡាយមិនត្រឹមមានការមមាញឹកជាមួយស្រែចម្ការរបស់ខ្លួនប៉ុណ្ណោះទេ ថែមទាំងមានឆន្ទះក្នុងការឈានឡើងដើម្បីធ្វើមាននៅស្រុកកំណើតរបស់ខ្លួនទៀតផង។ ពួកគាត់សុទ្ធសឹងជាយុទ្ធជនដែលមិនគិតថាយប់ឬថ្ងៃ ខិតខំសិក្សាស្វែងយល់ដើម្បីបង្វែរាល់ភាពលំបាកក្លាយជាឱកាស និងបង្វែអ្វីដែលមិនអាចឱ្យទៅជាអាច។
លើកកម្ពស់គុណភាពគ្រាប់ស្រូវ លំនឹងជីវភាព
លោក Lý Huỳnh Khương ថែទាំស្រូវរដូវទី១ ឆ្នាំ២០២៦។
ខ្ញុំបានជួបលោក Lý Huỳnh Khương នៅភូមិលេខ៧ ឃុំ Tân Lộc អនុប្រធានគណៈកម្មការវត្តវង្សស្រង់ ក្របីឃ្លៀច ក្នុងខណៈដែលលោកកំពុងចែករំលែកបទពិសោធអំពីការការពារជំងឺស្រូវដល់កសិករវ័យក្មេងក្នុងភូមិ។ គ្រួសារលោកកំពុងផលិតពូជស្រូវក្រអូប៨សម្រប់ឱ្យរដូវដើមនៃឆ្នាំ២០២៥។ រដូវស្រូវនេះនូវត្រឹមប្រហែល១ខែទៀតនឹងប្រមូលផល ដោយសង្ឃឹមថានននឹងបានផល ព្រមទាំងលក់បានតម្លៃខ្ពស់។ កសិករវ័យ ៦២ ឆ្នាំរូបនេះបានចែករំលែកថា៖ ឆ្នាំកន្លងហើយ រដូវសាបព្រោះលើផ្ទៃដីគោក សម្រេចបរិមាណផល៤០ថាំង/កុង។ ឈានចូលរដូវទី២ បរិមាណផលត្រូវថយចុះដោយសារខ្វះប្រភពទឹក ទទួលបានត្រឹម ៣០ ថាំងស្រូវ/កុងប៉ុណ្ណោះ។ អាស្រ័យរដូវស្រូវបានផលជាបន្តបន្ទាប់ទើបជីវភាពគ្រួសារកសិករ Khmer រូបនេះមានការលើកកម្ពស់។
ខណៈដែលបានចេញរស់នៅដោយឡែក ឪពុកម៉ែបានចែកដីស្រែឱ្យចំនួន៩កុង គិតមកទល់ពេលនេះក៏ទិញបន្ថែមបាន៥កុងទៀតដែរ។ កាលពី៦ឆ្នាំមុន ផ្ទះថ្មដ៏ធំស្កឹមស្កៃដែលទើបសង់រួចដោយសរុបទឹកប្រាក់៤០០លានដុង។ មិនតែប៉ុណ្ណោះ កូនទាំង៣នាក់របស់លោកសុទ្ធតែបានសិក្សារៀនសូត្រល្អត្រឹមត្រូវ ក្នុងនោះកូនស្រីច្បងក៏បញ្ចប់មហាវិទ្យាល័យផ្នែកខាងអក្សរសាស្ត្រប៉ុន្មានឆ្នាំមកហើយ។
បង្វែដីចម្ការឱ្យក្លាយទៅជា “មាស”
បងស្រី Sơn Thị Hồng Sen ជាមួយផលិតផលត្របែកដែលសម្រេចកម្រិតស្តង់ដារ OCOP របស់ខ្លួន។
នៅភូមិ Cái Giá ឃុំ Hưng Hội រូបភាពបងស្រី Sơn Thị Hồng Sen រីករាយជាមួយចម្ការត្របែកដែលកំពុងផ្តល់ផ្លែក្លាយជានិម្មិតរូបសម្រាប់ការផ្លាស់ថ្មី ច្នៃប្រតិដ្ឋ។ បងស្រីបានកែច្នៃផ្ទៃដីដែលផលិតមិនសូវបានផលបែរទៅដាំចម្ការត្របែកទទួលបានជោគជ័យ។ មិនតែប៉ុណ្ណោះបងស្រី Hồng Sen ថែមទាំងជាអ្នកឈានមុខក្នុងការអនុវត្តបច្ចេកវិទ្យាចូលក្នុងការផលិត ដំឡើងប្រព័ន្ធស្រោចទឹកស្វ័យប្រវត្តិដោយទូរសព្ទឆ្លាតវៃ ជួយប្រឹតសំចៃពេលវេលា និងកម្លាំងពលកម្មសម្រាប់ក្នុងការថែទាំទៀតផង។
ផ្លែត្របែកធំមូលល្អស្អាតនិងមានរសជាតិផ្អែមដែលត្រូវបានថែទាំយ៉ាងត្រឹមត្រូវតាមការណែនាំជាលទ្ធផលនៃការប្តេជ្ញាចិត្តមិនថាយប់ឬថ្ងៃសម្រាប់បងស្រី។ បងស្រី Hồng Sen ចែករំលែក៖ “ខ្ញុំរៀនបទពិសោធខាងដាំត្របែកដែលខ្លួនបានចូលរួមថ្នាក់ហ្វឹកហ្វឺន រួចយកមកអនុវត្តនៅលើផ្ទៃដីរបស់ខ្លួន។ ផ្តើមពីផ្លែត្របែកដែលខ្លួនបានថែទាំយ៉ាងល្អិតល្អន់ ហើយផ្តល់ផលធានាគុណភាពខ្ពស់ទៀតផង”។ ឆ្នាំ២០១៩ ចម្ការត្របែករបស់បងស្រី Hồng Sen ក៏សម្រេចស្តង់ដារ OCOP បញ្ជាក់បាននូវតម្លៃពាណិជ្ជសញ្ញា និងគុណភាពសម្រាប់ផលិតផលទៀតផង។
នៅសង្កាត់ Hiệp Thành លោក Lý Tỷ (ជនជាតិ Hoa) ល្បីឈ្មោះដោយមានចម្ការមៀនដែលផ្តល់ផ្លែជាសន្ធឹកសន្ធប់ ព្រមទាំងផ្តល់ប្រភពចំណូលនឹងនរអស់រយៈកាល ១៨ ឆ្នាំមកហើយ។ លោកទីជាអ្នកមានស្នាដៃដ៏ប៉ិនប្រសព្វ បានធ្វើឱ្យមានការផ្លាស់ប្តូររដូវកាលមិនសមស្រប់ក្លាយជារដូវប្រមូលផល។ លោក Tỷ បានចែករំលែកអំពីបទពិសោធ៖ “ត្រូវដឹងថាគួរធ្វើបែបណាក្នុងការថែទាំ កាត់លម្អ ដាក់ជី ស្រោចទឹកតាមពេលកំណត់ និងគ្រប់គ្រាន់។ សំខាន់គឺត្រូវបង្កលក្ខណៈល្អបំផុតសម្រាប់ដើមមៀនបានលូតលាស់ល្អ”។
លោក Lý Tỷ ជាមួយចម្ការមៀនដែលផ្តល់ផ្លែយ៉ាងសន្ធឹកសន្ធប់។
ប្រវត្តិរបស់លោក Khương និងបងស្រី Hồng Sen ព្រមទាំងលោក Tỷ ផងដែរ បានបញ្ជាក់ខាងស្មារតីរស់នៅយ៉ាងរស់រវើកដែលស្រីពីការសិក្សារៀនសូត្រ ច្នៃប្រតិដ្ឋ ព្រមទាំងឆន្ទៈឈានឡើងរបស់បងប្អូនប្រជាជន Cà Mau។ លោក Nguyễn Hoàng Thoại ប្រធានសមាគមកសិករខេត្ត Cà Mau មានមោទនភាពថា៖ “កសិករខេត្ត Cà Mau មិនត្រឹមឧស្សាហ៍ខិតខំធ្វើការប៉ុណ្ណោះទេ ថែមទាំងពេញដោយឆន្ទៈក្នុងការឈានឡើងទៀតផង។ ពួកគាត់បានសរសេរអំពីរឿងរ៉ាវនៃជីវិតដែលទទួលជោគជ័យ បង្វែក្តីលំបាកឱ្យក្លាយជាឱកាស ព្រមទាំងអ្វីដែលមិនអាចឱ្យក្លាយជាអាច និងក្លាយជាប្រភពនៃការជំរុញទឹកចិត្តយ៉ាងធំសម្រាប់ការអភិវឌ្ឍន៍ខាងវិស័យកសិកម្មចីរភាពរបស់ភូមិភាគទៀតផង”៕
Nguyễn Quốc
