បញ្ជាក់ការកសាងជនបទថ្មីជាភារកិច្ចចម្បង សំដៅលើកកម្ពស់ជីវភាពសម្ភារ និងស្មារតីជូនប្រជាជន ឃុំ Vĩnh Lợi កំពុងប្រមូលផ្តុំគ្រប់ប្រភពកម្លាំង លើកកម្ពស់កម្លាំងនៃប្រព័ន្ធនយោបាយទាំងមូល និងការឯកភាពស្របចិត្តរបស់ប្រជាជន ដើម្បីសម្រេចបណ្តាលក្ខណៈវិនិច្ឆ័យដែលនៅសេសសល់ ប្តេជ្ញាចិត្តឈានដល់គោលដៅជនបទថ្មីក្នុងឆ្នាំ ២០២៦ នេះតែម្តង។
ខ្សែផ្លូវភូមិ Trà Bang ១) ឃុំ Vĩnh Lợi ត្រូវបានកែលម្អយ៉ាងស្រស់ស្អាត។
ប៉ុន្មានឆ្នាំកន្លង ការចលនាកសាងជនបទថ្មីលើភូមិសាស្ត្រឃុំ Vĩnh Lợi សម្រេចបានលទ្ធផលយ៉ាងសកម្មជាច្រើន រួមចំណែកធ្វើឱ្យផ្លាស់ប្តូរមុខមាត់ជនបទ ជីវភាពរបស់ប្រជាជនក៏បានលើកកម្ពស់ជាបណ្តើរៗផងដែរ។ ទទួលបានលទ្ធផលនេះ ភូមិភាគបានយកចិត្តទុកដាក់ដល់ការងារឃោសនា ចលនា បង្កើតការឯកភាពខ្ពស់ក្នុងការយល់ដឹង និងសកម្មភាពរបស់កម្មាភិបាល សមាជិកបក្ស និងប្រជាជន។ ទន្ទឹមនឹងនោះ ឃុំក៏បានលើកកម្ពស់តួនាទី ការទទួលខុសត្រូវនៃប្រព័ន្ធនយោបាយទាំងមូល កម្មាភិបាល និយោជិត និងបណ្តាអង្គការនយោបាយ-សង្គម សហគ្រាស និងប្រជាជនក្នុងការអនុវត្តបណ្តាកម្មវិធីគោលដៅជាតិ។ អាស្រ័យហេតុនេះ ប្រភពធនធានជាច្រើនត្រូវបានកៀរគរ ប្រើប្រាស់ប្រកបដោយប្រសិទ្ធភាព បង្កើតបានបរិយាកាសប្រឡងប្រណាំងយ៉ាងផុសផុល រួមចំណែកជំរុញការអភិវឌ្ឍសេដ្ឋកិច្ច-សង្គមនៅភូមិភាគ។
ឃុំ Vĩnh Lợi វិនិយោគតំបន់កីឡា កាយសម្ព័ន្ធ ឆ្លើយតបនឹងតម្រូវការកម្សាន្ត ហ្វឹកហាត់សុខភាពជូនប្រជាជន។
ផ្តើមពីការយល់ដឹង “ធ្វើដើម្បីខ្លួនទទួលផល” បានប្រែក្លាយគោលការណ៍របស់បក្សទៅជាសកម្មភាពជាក់ស្តែងរបស់គ្រួសារនីមួយៗ។ ប្រជាជនមិនត្រឹមតែជាមុខសញ្ញាទទួលផលប៉ុណ្ណោះទេ ថែមទាំងបានម្ចាស់ការចូលរួមកសាងជនបទថ្មី តាមរយៈសកម្មភាពជាក់ស្តែងជាច្រើន ដូចជា៖ កែលម្អផ្ទះសម្បែង ដាំផ្កាតាមដងផ្លូវ ថែរក្សាទេសភាពបរិស្ថានបៃតង - ស្អាត - ស្រស់បំព្រង។ លោក Lê Thành Nốp នៅភូមិ Xẻo Chích ឱ្យដឹង៖ «យើងខ្ញុំយល់ច្បាស់ពីគោលបំណងរបស់កម្មវិធី គឺដើម្បីជីវភាពរបស់ខ្លួនយើងផ្ទាល់ ហេតុនេះតែងតែចូលរួមយ៉ាងសកម្ម ចលនាបងប្អូនប្រជាជនរួមគ្នាអនុវត្តការងារណាដែលសមស្របតាមលក្ខណៈនៃគ្រួសារនីមួយៗ»។
ដោយផ្តោតលើទស្សនៈ “កសាងជនបទថ្មីមានចំណុចចាប់ផ្តើម តែគ្មានចំណុចបញ្ចប់” ក្រៅពីការរក្សាមាំ និងលើកកម្ពស់គុណភាពបណ្តាលក្ខណៈវិនិច្ឆ័យដែលសម្រេចបាន ឃុំ Vĩnh Lợi ថែមទាំងប្រមូលផ្តុំអនុវត្តបណ្តាដំណោះស្រាយអភិវឌ្ឍផលិតកម្ម លើកទឹកចិត្តបង្វែរទម្រង់សេដ្ឋកិច្ច អនុវត្តវិទ្យាសាស្ត្រ-បច្ចេកទេស សំដៅលើកកម្ពស់ប្រាក់ចំណូល កាត់បន្ថយភាពក្រីក្រប្រកបដោយចីរភាពជូនប្រជាជន។
ប្រជាជនឃុំ Vĩnh Lợi បង្កើនការបង្កបង្កើនផល លើកកម្ពស់ប្រាក់ចំណូល។
សមមិត្ត Trần Anh Thi លេខាគណៈកម្មាធិការបក្សឃុំ Vĩnh Lợi បានឱ្យដឹងថា៖ «បច្ចុប្បន្ន ឃុំសម្រេចបាន ៦/១០ បទដ្ឋាន។ ចំពោះ ៤ បទដ្ឋានដែលនៅសេសសល់ រួមមាន៖ គម្រោងផែនការ សេដ្ឋកិច្ចកសិកម្ម វប្បធម៌-សុខាភិបាល និងបរិស្ថាន គណៈប្រតិបត្តិបក្ខភាគឃុំបានចេញសេចក្តីសម្រេចចិត្តលើបធានបទជាក់ស្តែង ដឹកនាំបញ្ជាការយ៉ាងប្តូរផ្តាច់ សំដៅសម្រេចឱ្យបានទាំងស្រុងក្នុងឆ្នាំ ២០២៦»។
ជាមួយគោលដៅច្បាស់លាស់ ការប្តេជ្ញាចិត្តខ្ពស់របស់គណៈកម្មាធិការបក្ស រដ្ឋអំណាច រួមនឹងការព្រួតដៃ ស្របចិត្តរបស់ប្រជាជន ឃុំ Vĩnh Lợi កំពុងឈានជំហានយ៉ាងរឹងមាំលើមាគ៌ាផ្លាស់ថ្មី។ ការសម្រេចបានគោលដៅជនបទថ្មីក្នុងឆ្នាំ ២០២៦ មិនត្រឹមតែនាំមកនូវកិត្តិនាមមួយប៉ុណ្ណោះទេ ប៉ុន្តែអ្វីដែលសំខាន់ជាងនេះ គឺបង្កើតមូលដ្ឋានគ្រឹះយ៉ាងរឹងមាំ ដើម្បីនាំមកនូវជីវភាពកាន់តែសម្បូរសប្បាយ រីករាយជូនប្រជាជននៅភូមិភាគទៀតផង៕
Trung Kiên
