Cà Mau ជាភូមិភាគតែមួយគត់នៅតំបន់ដីសណ្តទន្លេមេគង្គដែលគ្មានប្រភពទឹកសាបបន្ថែមពីទន្លេមេគង្គ។ អស់ជាច្រើនជំនាន់មកហើយ ពឹងផ្អែកទាំងស្រុងលើទឹកភ្លៀង និងទឹកក្រោមដី។ រៀងរាល់រដូវប្រាំងម្តងៗ តម្រូវការខាងទឹកសាបរបស់បងប្អូនប្រជាជនកាន់តែជួបបញ្ហាលំបាកខ្លាំង។
ប្រភពទឹកលើផ្ទៃដីដ៏សម្បូរបែបក្នុងបឹង Khánh An កំពុងត្រូវបានរៀបចំសម្រាប់ការទាញយកតាមរយៈប្រព័ន្ធចម្រោះទំនើបដើម្បីផ្គត់ផ្គង់ទឹកដល់គ្រួសារប្រជាជនទាំងឡាយៗ។
បឹងទឹកសាប Khánh An មានទំហំជាង ១០០ ហិកតា និងមានសមត្ថភាពអាចផ្ទុកទឹកឡើងដល់ ៣,៨ លានម៉ែត្រការេ ស្ថិតនៅយ៉ាងស្ងប់សុខក្នុងព្រៃស្មាច់ដ៏ធំល្វឹងល្វើយ ដូចជា "អាងស្តុកទឹកលើផ្ទៃដី" ដ៏ធំ និងត្រជាក់។ ចាប់តាំងពីបានសាងសម្រេចនៅឆ្នាំ ២០២៥ គម្រោងនេះបានបំពេញភារកិច្ចរបស់ខ្លួនយ៉ាងល្អក្នុងការស្តុកទឹកសម្រាប់ការបង្ការ និងគ្រប់គ្រងគ្រោះអាគ្គីភ័យបណ្តោយឱ្យឆេះព្រៃឧទ្យានជាតិអ៊ូមិញហានៅពេលចាំបាច់។
ទោះជាយ៉ាងណាក៏ដោយ គយគន់បឹងស្តុកទឹកដ៏ធំទូលាយ ក៏ជាក្តីសប្បាយមិនទាន់មានការពេញលេញដែរ។ ប្រជាជនក្នុងតំបន់នៅតែទន្ទឹងរង់ចាំដោយអន្ទះសារចំពោះការមកដល់នៃទឹកស្អាតនៅតាមផ្ទះបាយ និងលំនៅឋានរបស់ខ្លួន។ ការវិនិយោគរោងចក្រប្រព្រឹត្តកម្មទឹកទំនើប ក្នុងគោលបំណងចង់បង្កើនតម្លៃសេដ្ឋកិច្ច-សង្គមនៃគម្រោងរាប់ពាន់លានដុល្លារនេះ បានក្លាយជាតម្រូវការបន្ទាន់ និងជាបំណងប្រាថ្នាដ៏ក្ដៅគគុករបស់រាប់ពាន់គ្រួសារនៅភាគខាងជើងនៃខេត្តផងដែរ។
លោក Trịnh Văn Út នៅឃុំ Khánh An បានឱ្យដឹងថា៖ “ប្រជាជនសង្ឃឹមថានឹងមានរោងចក្រប្រព្រឹត្តកម្មទឹកមួយក្នុងពេលឆាប់ៗនេះ សម្រាប់នាំមកនូវទឹកស្អាតដោយផ្ទាល់ដល់ផ្ទះរបស់ពួកគេ ដើម្បីពួកគេអាចរស់នៅដោយសន្តិភាព និងបញ្ចប់ការខិតខំប្រចាំថ្ងៃក្នុងការដងទឹកតាមទូករៀងរាល់រដូវប្រាំង”។
ដោយយល់ឃើញពីការទន្ទឹងរង់ចាំនេះ គណៈកម្មាធិការប្រជាជនខេត្តបានចាត់តាំងឱ្យមន្ទីរកសិកម្ម និងបរិស្ថាន ម្ចាស់ការជ្រើសរើសអ្នកវិនិយោគជាបន្ទាន់ ដើម្បីសាងសង់រោងចក្រប្រព្រឹត្តកម្ម និងប្រព័ន្ធបំពង់បង្ហូរទឹក។ លោក Phạm Văn Mười អនុប្រធានមន្ទីរកសិកម្ម និងបរិស្ថាន បានចែករំលែកថា៖ “អនុវត្តតាមការណែនាំរបស់គណៈកម្មាធិការប្រជាជនខេត្ត យើងខ្ញុំកំពុងប្រញាប់ប្រញាល់ដំណើរការដេញថ្លៃ។ បច្ចុប្បន្នមានអ្នកវិនិយោគចំនួន ៣ បានចូលរួម យើងខ្ញុំរំពឹងថានឹងជ្រើសរើសអង្គភាពដែលមានគ្រប់សមត្ថភាពដើម្បីអនុវត្តគម្រោងនេះនៅក្នុងត្រីមាសទី ២ ឆ្នាំ ២០២៦”។
យោងតាមលោក Phạm Văn Mười ការវិនិយោគលើរោងចក្រប្រព្រឹត្តកម្មទឹកមានគោលបំណងធានាសន្តិសុខខាងប្រភពទឹកនៅក្នុងតំបន់។ លោក Mười បានសង្កត់ធ្ងន់ថា៖ “នៅពេលដែលរោងចក្រប្រព្រឹត្តកម្មទឹកចាប់ផ្តើមដំណើរការជាផ្លូវការ គម្រោងនេះនឹងមិនត្រឹមតែដោះស្រាយបញ្ហាសន្តិសុខទឹកយ៉ាងហ្មត់ចត់ប៉ុណ្ណោះទេ ថែមទាំងក្លាយជាខ្សែជីវិតថ្មីផងដែរ ដែលបង្កើតជាកម្លាំងជំរុញដើម្បីលើកកម្ពស់ការអភិវឌ្ឍសេដ្ឋកិច្ច-សង្គមប្រកបដោយចីរភាព”។
យោងតាមគម្រោងការនៅចុងឆ្នាំ ២០២៦ ប្រភពទឹកស្អាតដំបូងរបស់រោងចក្រនេះនឹងត្រូវបានភ្ជាប់ជាផ្លូវការទៅនឹងបណ្តាញបំពង់បង្ហូរប្រេង ដើម្បីកាត់បន្ថយគ្រោះរាំងស្ងួតសម្រាប់ ប្រមាណ ១១.០០០ គ្រួសារក្នុងតំបន់។ ក្រៅពីមុខងារចម្បងរបស់ខ្លួនសម្រាប់ផលប្រយោជន៍របស់បងប្អូនប្រជាជន ទឹកសាបពីបឹង Khánh An ក៏មានសេចក្តីប្រាថ្នាយ៉ាងទូលំទូលាយជាងមុនជាមួយនឹងទិសដៅនៃការរុករកតាបបែបពហុបំណងផងដែរ។
“ខេត្តកំពុងពិចារណាជម្រើសដើម្បីរួមបញ្ចូលគ្នានូវការអភិវឌ្ឍទេសចរណ៍អេកូឡូស៊ី និងចិញ្ចឹមជលផលវប្បកម្មស្អាត។ នៅពេលដែលគំទម្រង់ទាំងនេះត្រូវបានស្រាវជ្រាវ វាយតម្លៃ និងអនុវត្តយ៉ាងទូលំទូលាយស្របតាមលក្ខខណៈភូមិភាគ បឹង Khánh An នឹងបង្កើនសក្តានុពលរបស់ខ្លួនឱ្យដល់កម្រិតជាអតិបរមា ក្លាយជាកម្លាំងចលករថ្មីសម្រាប់ការអភិវឌ្ឍសេដ្ឋកិច្ច-សង្គមក្នុងស្រុកផងដែរ” អនុប្រធានមន្ទីរកសិកម្ម និងបរិស្ថានបានឱ្យដឹងបន្ថែបបែបនេះ៕
Hồng Nghi - Minh Luân
