វត្តមុនីសោភ័ណ ពងទឹកចាស់ ជាវត្ត Khmer បុរាណមួយក្នុងចំណោម ៧ វត្ត Khmer ដទៃទៀតរបស់ឃុំ Thạnh Trị (មានទីតាំងស្ថិតនៅភូមិ Tân Lợi ឃុំ Thạnh Trị ខេត្ត Cần Thơ)។ វត្តត្រូវបានកសាងក្នុងឆ្នាំ ១៨៣០ គិតមកទល់បច្ចុប្បន្ន វត្តក៏ឆ្លងកាត់ ១៣ ជំនាន់ចៅអធិការដែរហើយ។
ព្រះវិហារវត្តមុនីសោភ័ណ ពងទឹកចាស់ កំពុងជិតបានសម្រេចជាស្ថាពរ។
យោងតាមប្រវត្តិដែលបានកត់ត្រាទុកមក ដំបូងនៃការកកើត ដំបូងវត្តពងទឹកចាស់សាងដោយឈើ ដំបូលប្រក់ស្លឹក ផ្ទៃដីបរិវេណវត្តមានទំហំប្រមាណ ៥ ហិកតា បណ្តាសំណង់ទាំងឡាយរួមមានដូចជា៖ ព្រះវិហារ កុដិ សាលា។ល។ ព្រះវិហារវត្តមុនីសោភ័ណ ពងទឹកចាស់ ក៏ធ្លាប់បានធ្វើបុណ្យបញ្ចុះខណ្ឌសីមាម្តងរួច មកហើយដែរកាលពីឆ្នាំ១៨៤០។ តែដោយមានការចាស់ទ្រុឌទ្រោម ព្រះសង្ឃ និងគណៈកម្មការ អាចារ្យញោមវត្តក៏បានស្របមតិគ្នាផ្តើមកែជួសជុលសំណងៀផ្សេងៗ ជាពិសេសកសាងព្រះវិហារថ្មី ដែលជាសំណង់ដ៏សំខាន់សម្រាប់វត្តកាន់ព្រះពុទ្ធសាសនានិយាយរួម វត្តគណៈមហានិកាយ Khmer និយាយដោយឡែក។ អាស្រ័យដូច្នេះហើយ ដើម្បីឆ្លើយតបតម្រូវការសកម្មភាពជំនឿសាសនារបស់ព្រះសង្ឃ និងពុទ្ធបរិស័ទ ឆ្នាំ២០១៧ ព្រះសង្ឃ និងគណៈកម្មការក៏បានសម្រេចចិត្តផ្តើមកសាងព្រះវិហារថ្មីដោយមានប្រវែង ២១ ម៉ែត្រ ទទឹង ១២ ម៉ែត្រ និងកម្ពស់ ៣១ ម៉ែត្រ។ មកទល់សព្វថ្ងៃក៏សម្រេចបាន៨០%ដែរហើយ ដោយសរុបថវិកាកសាងអស់ជិត៧ពាន់លានដុង។ ព្រះវិហារត្រូវបានកសាងនិងរចនាតាមលក្ខណៈនៃស្ថាតបត្យកម្មវប្បធម៌ប្រពៃណីនៃពុទ្ធសាសនា Khmer Nam Bộ។
ជ្រុងមួយនៃបរិវេណវត្តមុនីសោភ័ណ ពងទឹកចាស់។
យោងតាមសង្ឃដីការរបស់ព្រះតេជគុណ Lý Hải ចៅអធិការវត្តមុនីសោភ័ណ ពងទឹកចាស់៖ “ថ្វីត្បិតវត្តមានការជួបលំបាកខ្លាំង តែចាប់តាំងពីអាត្មាឡើងកាន់កាប់ជាចៅអធិការ អាត្មាតែងបវារណាសទ្ធាទឹកចិត្តមាមីងពុទ្ធបរិស័ទ និងសប្បុរសជនជិតឆ្ងាយទាំងឡាយដើម្បីចូលរួមវិភាគទានកសាងវត្ត ពិសេសព្រះវិហារដែលកំពុងជិតបានសម្រេចជាស្ថាពរផងដែរ។ តាមគម្រោងការ ប្រសិនបើគ្មានអ្វីប្រែប្រួល វត្តនឹងប្រារព្ធធ្វើបុណ្យបញ្ចុះខណ្ឌសីមានាដើមឆ្នាំ ២០២៦ នេះឯង”។
ព្រះវិហារថ្មី បន្ទាប់ពីធ្វើបុណ្យសម្ពោធឆ្លង ដាក់ឱ្យប្រៀប្រាសើជាផ្លូវការ នឹងរួមចំណែកសម្រាប់ពុទ្ធបរិស័ទចំណុះវត្តពងទឹកចាស់រួមគ្នាអភិរក្ស និងពង្រីកលក្ខណៈវប្បធម៌ព្រះពុទ្ធសាសនា Khmer ព្រមទាំងរួមចំណែកកសាងប្រទេសជាតិ មាតុភូមិ និងពង្រឹងផែនមហាសាមគ្គីរវាងបណ្តាជនជាតិជាបងប្អូនផងដែរ។ ព្រះវិហារថ្មី មិនត្រឹមបង្កើនការលម្អខាងសោភ័ណភាពសម្រាប់វត្តប៉ុណ្ណោះទេ ថែមទាំងឆ្លើយតបតម្រូវការខាងសកម្មភាពសាសនារបស់មាមីងប្រជាពុទ្ធបរិស័ទនៅភូមិភាគទៀតផង។
វត្តមុនីសោភ័ណ ពងទឹកចាស់។
វត្តមុនីសោភ័ណ ពងទឹកចាស់ ក្រៅពីចលនាមាមីងប្រជាពុទ្ធបរិស័ទអនុវត្តល្អគោលការណ៍ណែនាំ និងគោលនយោបាយរបស់បក្ស និងក្រឹត្យច្បាប់របស់រដ្ឋ ព្រមទាំងយកចិត្តទុកដាក់គិតគូរពីការសិក្សារៀនសូត្ររបស់ព្រះសង្ឃ និងកូនក្មួយជនរួមជាតិ Khmer ថែមទាំងបានពង្រីកខាងវិស័យវប្បធម៌កីឡាជនជាតិទៀតផង ពិសេសកីឡាប្រណាំងទូក.ង វត្តពងទឹកចាស់មានក្រុមកីឡាទូក.ងយ៉ាងល្បីឈ្មោះ និងទទួលបានពានរង្វាន់លំដាប់ខ្ពស់ៗក្នុងពិធីប្រណាំងទូក.ងអំណរបុណ្យអកអំបុក សំពះព្រះខែដែលខេត្តតែងបានចាត់តាំងជារៀងរាល់ឆ្នាំ។ នេះមិនត្រឹមជាមោទនភាពសម្រាប់ខេត្តប៉ុណ្ណោះទេ ថែមទាំងនាំកនូវកិត្តិយសដ៏ថ្លៃថ្នូសម្រាប់មាមីងពុទ្ធបរិស័ទចំណុះវត្តទៀតផង៕
Chanh Đa
