ទីក្រុង Cần Thơ ជាក្រុងមួយដែលភ្ជាប់ជាមួយប្រវត្តិសាស្ត្រ និងអត្តសញ្ញាវប្បធម៌ដ៏យូរឡុងណាស់មកហើយ។ នេះក៏ជាតំបន់ទីតាំងដែលសម្បូរដោយសំណង់ខាងសាសនានៃវត្តអារាមរបស់បណ្តាជនជាតិជាបងប្អូន Kinh - Khmer - Hoa ដ៏ល្បីរន្ទឺ មានដូចជា៖ វត្តស្រឡូង (Chén Kiểu) វត្តសំរោង វត្តលោកយាយ Thiên Hậu និងវត្ត Đất Sét រាល់វត្តនីមួយៗតែងមានលក្ខណៈស្ថាបត្យកម្មដ៏ពិសេសផ្ទាល់ខ្លួន និងមានអាយុកាលរាប់រយឆ្នាំទៀតផង ទាក់ទាញភ្ញៀវទេសចរណ៍ជិតឆ្ងាយមកគោរពបូជា និងសិក្សាស្រាវជ្រាវ ក្នុងនោះមានវត្ត Vĩnh Hưng ផងដែរ។
ភាពអស្ចារនៃស្ថាបត្យកម្មខ្លោងទ្វារវត្ត Vĩnh Hưng។
វត្ត Vĩnh Hưng ជាវត្តខាងឧត្តរនិកាយ ត្រូវបានផ្តើមកសាងកាលពីឆ្នាំស្ថិ ១៩១២ មានទីតាំងស្ថិតនៅច្រកលេខ ១១០ វិថី Trần Hưng Đạo សង្កាត់ Phú Lợi ទីក្រុង Cần Thơ ដោយមានទំហំផ្ទៃដីប្រមាណជិត ៧.០០០ម៉ែត្រការេ។ ពិសេស រាល់សំណង់ទាំងឡាយរបស់វត្តនេះសុទ្ធតែត្រូវបានសាងឡើងដោយថ្មសុទ្ធដែលយោងតាមស្ថាបត្យកម្មជប៉ុន។ បណ្តាផ្ទាំងថ្មទាំងអស់ត្រូវបាននាំចូលមកពីតំបន់ភូមិភាគកណ្តាល ហើយត្រូវបានរចនាបទដោយជាងដែលមានស្នាដៃជំនាញនិងបទពិសោធខ្ពស់។ សម្រាប់ខាងថវិកាឧបត្ថម្ភវិញ គឺអាស្រ័យគ្រួសារឧបាសិកា Đinh Thị Đinh ធាអ្នកផ្តួចផ្តើមសាងឡើង ដោយមានបំណងចង់មានទីតាំងសម្រាប់ជាសក្ការៈបូជា និងបន្តផ្សព្វផ្សាយព្រះពុទ្ធសាសនា។ វត្តនេះដែរក៏បានក្លាយជាទីកន្លែងទេសចរណ៍សម្រាប់ផ្នែកខាងមនោវិញ្ញាណដ៏ល្បីឈ្មោះមិនចាញ់វត្តដទៃទៀតនោះទេ។
បរិយាកាសគួរឱ្យជ្រះថ្លាខាងក្នុងព្រះវិហារវត្ត Vĩnh Hưng។
អាស្រ័យជញ្ជាំងវត្តត្រូវបានរចនាបទដោយផ្ទាំងថ្ម ជណ្តើរថ្ម និងរាល់ការតុបតែងទាំងឡាយសុទ្ធសឹងតែធ្វើពីថ្មផងនោះ ក៏ញាុំងឱ្យវត្តកាន់តែមានលក្ខណៈពិសេសដោយឡែក បង្កើតបានជាទ្រង់ទ្រាយខាងស្ថាបត្យកម្មគួរឱ្យចាប់អារម្មណ៍។
ស្ថាបត្យកម្មរបស់វត្តរួមមានថូចជា៖ ខ្លោងទ្វារ ព្រះវិហារ កុដិសម្រាប់គោរពបូជាគ្រូដើម និងចេតិយជាដើម។ ចំណែកបរិវេណវត្តវិញមានដើមឈើលម្អជាច្រើន សម្រាប់់បង្កើនបរិយាកាសធម្មជាតិគួរជាទីមនោរម្យទៀតផង។
នៅខាងមុខទីធ្លារព្រះវិហារ គឺជារូបចម្លាក់ព្រះសង្ឃថាំងចេង។
នៅខាងមុខព្រះវិហារ មានរចនារូបចម្លាក់សត្វតោសពីក្បាលយ៉ាងធំដែលធ្វើពីថ្មសុទ្ធទៀតផង។ ចំណែកនៅលើសង្ខាងជញ្ជាំង មានចម្លាក់ក្បូរក្បាច់រចនាដ៏ល្អប្រណិត ហាក់បីដូចជាកំពុងឈរត្រៀមទទួលស្វាគមន៍ភ្ញៀវមកទស្សនា និងគោរពបូជា។
ជាប់ខាងមុខខ្លោងទ្វារព្រះវិហារថែមទាំងមានរូបចម្លាក់ទេវតាមុខខៀវដ៏មានរឹទ្ធានុភាពឈរការពារអារាមដ្ឋានទៀតផង។
វត្ត Vĩnh Hưng មិនត្រឹមសម្បូរផ្នែងខាងស្ថាបត្យកម្មដ៏អស្ចារ្យដែលត្រូវបានរចនាបទដោយថ្មសុទ្ធនោះទេ ថែមទាំងមានតួនាទីយ៉ាងសំខាន់សម្រាប់ភ្ញៀវទេសចរណ៍ជិតឆ្ងាយអញ្ជើញមកទស្សនា និងគោរពបូជា។ មិនតែប៉ុណ្ណោះ សព្វថ្ងៃវត្តនេះថែមទាំងទាក់ទាញយុវជនជាច្រើនមកទស្សនាកម្សាន្ត និងថតរូបទុកជាអនុស្សាវរីយ៍ទៀតផង៕
Chanh Đa
