ប្រព្រឹត្តឡើងចាប់ពីថ្ងៃ ១៤រោច ខែភទ្របទ រហូតដល់ ថ្ងៃ ១កើត ខែអាស្សុជ បុណ្យភ្ជុំបិណ្ឌសែនដូនតា ដែលជាពិធីបុណ្យប្រពៃណីដ៏ធំ និងមានអត្ថន័យសំខាន់មួយរបស់បងប្អូនជនរួមជាតិ Khmer Nam Bộ។
ថ្ងៃទី២ ជាថ្ងៃ “សែនទទួល” តាំងពីព្រឹងព្រលឹម មាមីង Khmer បាននាំគ្នាយកបាយស្ពកទៅវត្ត រួមជាមួយគ្រឿងដង្វាយផ្សេងៗជាច្រើនទៀតដើម្បីនិមន្តព្រះសង្ឃដារឧទ្ទិសជូនបុព្វការីជនរបស់ខ្លួន។
ស្រដៀងជាមួយបុណ្យ Vu Lan តបស្នងគុណរបស់បងប្អូនជនជាតិ Kinh ផងដែរ យោងតាមទំនៀមប្រជាប្រិយរបស់ Khmer ពិធីបុណ្យភ្ជុំបិណ្ឌ សែនដូនតា ជាឱកាសដែលយមបាលបានបើកទ្វារនរក ដូច្នេះហើយបណ្តាដូងព្រលឹងពួកអមនុស្សទាំងឡាយនឹងត្រូវបានដោះលែងឱ្យវិលត្រឡប់មកឋានមនុស្សដើម្បីស្វែងរកសាច់ញាតិសន្តានរបស់ខ្លួន។ អាស្រ័យដូច្នេះហើយ រដូវកាន់បិណ្ឌ ក៏ជាឱកាសសម្រាប់កូនចៅសម្តែងនូវការដឹងគុណចំពោះឪពុកម្តាយ ជីដូនជីតា និងបុព្វការីជន ព្រមទាំងបុព្វបុរសទាំងឡាយដែលមានគុណបំណាច់ក្នុងការបង្ករបង្កើតទឹកដី និងការពារភូមិស្រុកផងដែរ។ នេះក៏ជារយៈពេលសម្រាប់កូនចៅដែលបានទៅធ្វើការរកស៊ីនៅស្រុកឆ្ងាយ វិលត្រឡប់មកជួបជុំគ្រួសារទទួលអំណរបុណ្យភ្ជុំដោយភាពកក់ក្តៅ។
មាមីងពុទ្ធបរិស័ទទៅវត្តបោះបាយបិណ្ឌ និងនិមន្តព្រះសង្ឃដារឧទ្ទិសជូនដួងវិញ្ញាណក្ខន្ធរបស់បុព្វការីជន។
បុណ្យភ្ជុំបិណ្ឌ សែនដូនតា តែងប្រព្រឹត្តឡើងក្នុងរយៈពេល ៣ ថ្ងៃ ដោយមានយ៉ាងច្រើនពិធីកិច្ចជំនឿផ្សេងៗដ៏មានអត្ថន័យ។ ថ្ងៃដំបូង “ពិធីសែនទទួល” គ្រួសារ Khmer ទាំងឡាយនាំគ្នាបោសសម្អាតលំនៅឋានយ៉ាងជ្រះស្អាត រៀបតុបតែងទីសក្ការៈ និងត្រៀមបាយស្ពក មុខម្ហូបឆ្ងាញ់ៗសម្រាប់សែនជូនបុព្វការីជនដែលកាលគាត់នៅរស់រានមានជីវិតតែងនិយមចូលចិត្ត។
ថ្ងៃទី២ជាថ្ងៃ “សែនធំ” ប្រព្រឹត្តឡើងនៅក្នុងវត្ត។ តាំងពីព្រឹកព្រលឹមស្រាងស្រាង មាមីងបងប្អូន Khmer ស្លៀកសំលៀកបំពាក់ប្រពៃណីដ៏សែនស្រស់ស្អាត យកចង្ហាន់ទៅវត្ត មានទាំងផ្លែឈើ នំនេក ចេកអំពៅជាដើម រួចនិមន្តព្រះសង្ឃដារឧទ្ទិសជូនដួងវិញ្ញណក្ខន្ធបុព្វការីជនទាំងឡាយ។ ដល់ពេលថ្ងៃត្រង់ នៅតាមគ្រួសារនីមួយៗក៏មានរៀបចំបាយស្ពកសម្រាប់សែនដូនតាជាមុន រួចហើយនាំគ្នាទទួលរាក់ទាក់ភ្ញៀវជិតខាង បង្កើនចំណងមិតភាពរវាងភូមិផងរបងជាមួយទៀតផង។
ក្នុងរដូវបុណ្យភ្ជុំ បងប្អូនជនរួមជាតិ Khmer តែងមានស្លៀកសំលៀកបំពាក់ប្រពៃណីដើម្បីទៅវត្តបោះបាយបិណ្ឌ។
ចំណែកថ្ងៃចុងបញ្ចប់ គឺជាថ្ងៃ “សែនជូន” គ្រួសារ Khmer ទាំងឡាយបានរៀបចំបានស្ពកសម្រាប់សែនជូនយាយតាវិលត្រឡប់ទៅប្រភពដើមរបស់ខ្លួនវិញ។ បន្ទាប់ពីសែនព្រេនរួចរាល់ ក៏មានគ្រួសារជាច្រើនបានធ្វើសំពៅដោយស្រទបចេក ខាងក្នុងវេចខ្ជាប់ស្បៀងអាហារ និងគ្រឿងដង្វាយផ្សេងៗរួចហើយបណ្តែតតាមខ្សែទឹក ដោយមានអត្ថន័យដើម្បីបញ្ញើនូវអានីតវត្ថុសម្រាប់ពួកអមនុស្សទាំងឡាយ។
ក្នុងថ្ងៃចុងបញ្ចប់នៃបុណ្យភ្ជុំ គ្រួសារជាច្រើនបានធ្វើសំពៅដោយស្រទបចេក ខាងក្នុងវេចខ្ជាប់ស្បៀងអាហារ និងគ្រឿងដង្វាយផ្សេងៗរួចហើយបណ្តែតតាមខ្សែទឹក ដោយមានអត្ថន័យដើម្បីបញ្ញើនូវអានីតវត្ថុសម្រាប់ពួកអមនុស្សទាំងឡាយ។
ទំនៀមនៃពិធិបុណ្យភ្ជុំបិណ្ឌ សែនដូនតា គឺជាលក្ខណៈវប្បធម៌ប្រពៃណីដ៏ល្អផូរផង់ ឆ្លុះបញ្ចាំងពីក្រមសីលធម៌ “ផឹកទឹកនឹកប្រភព” របស់បងប្អូនជនរួមជាតិ Khmer រួមចំណែកធ្វើឱ្យកាន់តែសម្បូរបែបនូវផ្ទាំងរូបភាពវប្បធម៌ដ៏វិសេសវិសាល និងបរិបូរណ៌ថែមទៀតនៃខឿនវប្បធម៌ Việt Nam៕
Đờ Ni - Danh Điệp
