សាលាទាន (អាគារសកម្មភាពវប្បធម៌សហគមន៍ Khmer) គឺជាកន្លែងដ៏សំខាន់សម្រាប់ជនជាតិភាគតិចក្នុងការរៀបចំសកម្មភាពវប្បធម៌ ចាត់តាំងពិធីបុណ្យទានផ្សេងៗ និងការដោះដូរ ជួបជុំ និងចែករំលែកបទពិសោធន៍រវាងគ្នាទៅវិញទៅមក។ អាស្រ័យហេតុនេះហើយក៏បានរួមចំណែកក្នុងការពង្រឹងសាមគ្គីភាពក្នុងភូមិស្រុកទៀតផង។
ថ្នាក់ដឹកនាំមន្ទីរជនជាតិ និងសាសនាចាត់តាំងពិធីជួបជុំមាមីងបងប្អូន Khmer នៅសាលាទានភូមិ Giáp Nước សង្កាត់ Vĩnh Trạch ក្នុងឱកាសបុណ្យភ្ជុំបិណ្ឌ សែនដូនតា ឆ្នាំ២០២៥។
ជនរួមជាតិ Khmer ទូទាំងខេត្តមានចំនួន ២៦. ៩៩០ គ្រួសារ និងចំនួនប្រជាជនប្រមាណ ១១៦. ៦០៤ នាក់។ ដែលភាគច្រើនសុទ្ធសឹងជាអ្នកកាន់ព្រះពុទ្ធសាសនាទក្ខិណាមហានិកាយ Khmer ហើយចាត់ទុកវត្តអារាមជាមជ្ឈមណ្ឌលសម្រាប់ការជួបជុំគ្នា និងគោរពបូជា ព្រមទាំងចាត់តាំងរសល់សកម្មភាពកម្សាន្តសប្បាយក្នុងថ្ងៃបុណ្យធំៗប្រចាំឆ្នាំ ឬព្រឹត្តិការណ៍សំខាន់ៗរបស់ប្រទេសជាតិ...។
ទន្ទឹមនិងនោះ គ្រួសារជនជាតិខ្មែរមួយចំនួនធំរស់នៅរាយប៉ាយតាមតំបន់ជនបទ លាយឡំជាមួយបងប្អូនជនជាតិ Kinh ហើយគ្មានវត្តពុទ្ធ Khmer សម្រាប់ធ្វើបុណ្យឬក៏ចាត់តាំងរាល់សកម្មភាពវប្បធម៌សោះឡើយ។ ដើម្បីឆ្លើយតបនឹងតម្រូវការរបស់មាមីងពុទ្ធបរិស័ទ ប៉ុន្មានឆ្នាំកន្លង ខេត្តតែងយកចិត្តទុកដាក់ដល់ការវិនិយោគសាងសង់សាលាទាននៅតាមតំបន់ជនរួមជាតិ Khmer។ គិតមកទល់ពេលនេះ ទូទាំងខេត្តមានចំនួន ១៧ សាលាយ៉ាងធំទូលាយស្អាត បង្កើតលក្ខណៈសម្រាប់បងប្អូនជនរួមជាតិសកម្មភាព រួមចំណែកអភិរក្សនូវតម្លៃវប្បធម៌ប្រពៃណីរបស់ជនជាតិ Khmer។
រដូវបុណ្យភ្ជុំបិណ្ឌ សែនដូនតាឆ្នាំនេះ រួមជាមួយនឹងវត្តទក្ខិណាមហានិកាយ Khmer និងសាលាទានទាំងឡាយលើភូមិសាស្ត្រខេត្តក៏មានយ៉ាងច្រើនសកម្មភាពកម្សាន្តសប្បាយ។ តាមសាលាទានមានភាពអ៊ូអរដែលអមដោយបដា និងទង់សាសនាដ៏ស្រស់បំព្រង។ ទីសក្ការៈព្រះពុទ្ធក៏ត្រូវបានគណៈកម្មការរៀបចំតុបតែងយ៉ាងរៀបរយ មានដូចជាទៀន ធូប ភ្ញី ផ្កាជាដើម។ មាមីអពុទ្ធបរិស័ទនាំគ្នាយកគ្រឿងសក្ការៈមកថ្វាយព្រះដើម្បីបួងសួងក្តីសុខសន្តិភាព គ្រួសារសុភមង្គល។
សាលាទានថែមទាំងជាទីតាំងសម្រាប់រដ្ឋអំណាចភូមិភាគធ្វើការផ្សព្វផ្សាយនូវរាល់បណ្តាគោលនយោបាយរបស់បក្ស និងក្រឹត្យច្បាប់រដ្ឋចំពោះបងប្អូនអូនជនរួមជាតិ។
លោក Sơn Trung ប្រធានគណៈកម្មការសាលាទានភូមិ Giáp Nước សង្កាត់ Vĩnh Trạch បានឱ្យដឹង៖ “សាលាទានគឺជាទីកន្លែងដែលបងប្អូនជនរួមជាតិ Khmer ជួបជុំគ្នា និងចូលរួមចាត់តាំងរាល់បណ្តាសកម្មភាពវប្បធម៌សហគមន៍។ មាមីងបងប្អូនប្រមូលផ្តុំនៅសាលាទាន ក្នុងថ្ងៃបុណ្យទានប្រពៃណីដ៏សំខាន់ៗរបស់ខ្លួន ដើម្បីចូលរួមបណ្តាពិធីបុណ្យទាន កីឡា ដោះប្តូរវប្បធម៌ សិល្បៈ ... នេះជាឱកាសដើម្បីពង្រឹងសាមគ្គីភាព មាមីងបងប្អូនរួមគ្នាចែករំលែកអំពីបទពិសោធន៍ក្នុងការផលិត ព្រមទាំតទូន្មានកូនចៅឱ្យរស់នៅល្អជាតិ និងល្អសាសនា”។
ទទួលបុណ្យភ្ជុំបិណ្ឌ សែនដូនតា គណៈកម្មការសាលាទានភូមិ Giáp Nước ឃុំ Hưng Hội ក៏បានចាត់តាំងពិធីកិច្ចនិមន្តព្រះសង្ឃសម្តែងព្រះបរឹត្ត នមស្សការព្រះរតនត្រៃ រាល់គ្រួសារនីមួយៗបានរៀបចាំទេយ្យវត្ថុផ្សេងៗសម្រាប់គោរពបូជាព្រះ។ បណ្តាពិធីកិច្ចទាំងនេះ ក្រៅពីមានអត្ថន័យសម្រាប់ផ្នែកខាងជីវភាពវប្បធម៌ និងស្មារតី ថែមទាំងជួយមាមីងបងប្អូនបានយល់ច្បាស់ពីទំនៀមទម្លាប់នៃបុណ្យទានប្រពៃណី ដើម្បីលើកម្ពស់ស្មារតីក្នុងការអភិរក្ស និងពង្រីកថែមទៀត។
លោក Sơn Phô ប្រធានគណៈកម្មការសាលាទានភូមិ Nước Mặn បានឱ្យដឹង៖ “ភូមមានបងប្អូន Khmer រស់នៅច្រើនក្រុះករ ដោយមានប្រមាណ ២០០ គ្រួសារ។ បានបក្ស និងរដ្ឋយកចិត្តទុកដាក់និវិនិយោគកសាងសាលាទាន ឆ្លើយតបតម្រូវការខាងសកម្មភាពវប្បធម៌សហគមន៍របស់បងប្អូនប្រជាជនលើភូមិសាស្ត្រសម្រាប់ក្នុងការឱកាសបុណ្យទានប្រពៃណីជាតិ។ ថ្មីៗនេះដែរ មាមីងពុទ្ធបរិស័ទទើបតែទទួលបុណ្យភ្ជុុំបិណ្ឌ សែនដូនតាប្រកបដោយសាមគ្គីភាព សប្បយរីករាយ សុវត្ថិភាព និងប្រឹតសំចៃទៀតផង”។
ឱកាសបុណ្យភ្ជុំបិណ្ឌ សែនដូនតាឆ្នាំនេះ មន្ទីរជនជាតិ និងសាសនាក៏បានចាត់តាំងក្រុមដើម្បីអញ្ជើញទៅសួរសុខទុក្ខ និងជូនអំណោយគណៈកម្មការសាលាទាន និងអ្នកមានកិត្យានុភាព ព្រមទាំងគ្រួសារគោលនយោបាយទាំងឡាយនៅលើភូមិសាស្ត្រសង្កាត់។
“ដោយសារតែមានសាលាទានទើបរាល់ទំនៀមទម្លាប់នៃបុណ្យទានប្រពៃណី Khmer ត្រូវបានរក្សា និងរៀបចំចាត់តាំងជាប្រចាំ។ មកដល់ទីនេះ មាមីងបងប្អូនថែមទាំងបានសម្តាប់ដំណឹង ផ្សព្វផ្សាយអំពីគោលនយោបាយរបស់បក្ស និងក្រឹត្យច្បាប់រដ្ឋ ព្រមទាំងរាល់បញ្ហាទាក់ទងដល់ជនរួមជាតិភាគតិច។ ផ្តើមពីនោះ លើកកម្ពស់ចំណេះដឹង អនុវត្តល្អរាល់វិធានការ និងគោលនយោបាយ ពង្រឹងចំណងសាមគ្គីភាពរវាងបណ្តាជនជាតិជាបងប្អូន”។ លោកថាចណាន អ្នកមនាប្រជាប្រិយនៅភូមិ Cao Vĩnh ឃុំ Hưng Hội បានចែករំលែកដូច្នេះ។
ជាមួយអត្ថន័យជាមណ្ឌលសកម្មាភាពជំនឿវប្បធម៌របស់ភូមិស្រុក បណ្តាសាលាទានទាំងឡាយក៏បានរួមចំណែកលើកកម្ពស់ជីវភាពរស់នៅទាំងសម្ភារៈ និងស្មារតីរបស់សហគមន៍ ព្រមទាំងអភិរក្ស និងពង្រីកតម្លៃវប្បធម៌ប្រពៃណីដ៏ល្អផូរផង់របស់ជនរួមជាតិ Khmer ផ្តើមពីនោះនឹងជាស្ពានតភ្ជាប់សម្រាប់ក្នុងការរួមចំណែកពង្រឹងចំណងសាមគ្គីភាពរវាងបណ្តាជនជាតិជាបងប្អូនលើភូមិសាស្រ្ត៕
Quỳnh Anh
