ការឧបត្ថម្ភទឹកសម្រាប់ប្រើប្រាស់ គឺជាគម្រោងមួយក្នុងចំណោមគម្រោងដទៃទៀតនៃកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ (ហៅកាត់កម្មវិធី ១៧១៩) ដែលត្រូវបានអនុវត្តយ៉ាងមានប្រសិទ្ធភាពនៅតាមបណ្តាភូមិភាគជាច្រើនក្នុងខេត្ត។ តាមរយៈគម្រោងនេះ គ្រួសារប្រជាជនជាច្រើនបានប្រើប្រាស់ប្រភពទឹកដែលធានា និងបានលើកកម្ពស់គុណភាពក្នុងការរស់នៅទៀតផង។
អាស្រ័យបានការឧបត្ថម្ភស៊ីទែនទឹក បងស្រី Lâm Tuyết Mai មានលក្ខណៈក្នុងការស្តុកទឹកធានាអនាម័យសម្រាប់ប្រើប្រាស់។
ឧបត្ថម្ភទឹកប្រើប្រាស់គឺជាខ្លឹមសារនៃគម្រោងទី១ ស្ថិតក្រោមកម្មវិធី ១៧១៩។ អនុវត្តគម្រោងនេះ បងប្អូនតំបន់ជនជាតិភាគតិចនឹងត្រូវបានឧបត្ថម្ភទឹកប្រើប្រាស់ (អាទិភាពផ្ដល់ជូនសម្រាប់ការទិញ ឬសាងសង់អាងស្តុកទឹកសម្រាប់ប្រើប្រាស់ក្នុងសង្គមគ្រួសារ) ព្រមទាំងឧបត្ថម្ភទឹកប្រើប្រាស់រួមតាមរយៈការវិនិយោគសាងសង់សំណង់ផ្គត់ផ្គង់ទឹករួម ក្រោមការអនុម័តរបស់រដ្ឋអំណាភូមិភាគ (ផ្ដល់អាទិភាពសម្រាប់បងប្អូនប្រជាជននៅតំបន់ដែលតែងជួបគ្រោះរាំងស្ងួត និងជ្រាបជាតិប្រៃ តំបន់ជួបការលំបាកពិសេស និងតំបន់ដីខ្ពស់ដែលមិនទាន់មានប្រភពទឹក ឬខ្វះប្រភពទឹកស្របអនាម័យសម្រាប់ប្រើប្រាស់)។ បណ្តារដ្ឋអំណាចភូមិភាគទាំងឡាយតែងអនុវត្តខ្លឹមសារនេះក៏បានធ្វើការពិនិត្យមុខសញ្ញាទទួលផល និងផ្ដល់ស៊ីទែនស្តុកទឹកប្រើប្រាស់ជូនដល់គ្រួសារបងប្អូនជនជាតិភាគតិចដែលក្រីក្រ និងគ្រួសារជនជាតិ Kinh ក្រីក្រផងដែរដែលរស់នៅក្នុងឃុំ និងភូមិជួបលំបាកពិសេស។ នេះត្រូវបានចាត់ទុកជាដំណោះស្រាយដ៏មានប្រសិទ្ធភាពមួយ ដែលជួយបងប្អូនប្រជាជនតំបន់ជនជាតិភាគតិចអាចស្តុកទឹកបានដោយសុវត្ថិភាព មិនថារដូវប្រាំង ឬរដូវវស្សាក៏ដោយ។
គ្រួសាររបស់អ្នកស្រី Lâm Tuyết Lành (ភូមិលេខ៨ ឃុំ Khánh Bình) មានជីវភាពខ្វះខាត មានត្រឹមតែស៊ីទែនទឹកតូចមួយសម្រាប់ប្រើប្រាស់ប្រចាំថ្ងៃ មិនទាន់មានស៊ីទែនស្តុកទឹកស្អាតសម្រាប់ដាំស្ល និងបរិភោគឡើយ។ ឆ្នាំ ២០២៤ គ្រួសារបងស្រីទទួលបានការឧបត្ថម្ភស៊ីទែនស្តុកទឹកចំណុះ ២.០០០ លីត្រ។ បងស្រី Lành បានចែករំលែកថា៖ “តាំងពីទទួលបានស៊ីទែនទឹកជ័រចំណុះធំនេះមក គ្រួសារខ្ញុំមានភាពកក់ក្តៅ លែងព្រួយបារម្ភពីរឿងខ្វះទឹកប្រើរាល់ពេលរដូវប្រាំងទៀតហើយ”។
ស្រដៀងគ្នានេះដែរ គ្រួសាររបស់បងស្រី Nguyễn Tuyết Mai (ភូមិលេខ៦ ឃុំ Khánh Lâm) កាលពីមិនទាន់ទទួលបានការឧបត្ថម្ភ ត្រូវប្រើពាង ធុង ដើម្បីស្តុកទឹក ហេតុដូច្នេះហើយទឹកតែងតែមានធូលី។ បងស្រី Mai បានចែករំលែកថា៖ “ពេលទទួលបានស៊ីទែនស្តុកទឹកប្រើប្រាស់ គ្រួសារខ្ញុំពិតជារីករាយខ្លាំងណាស់។ ស្តុកទឹកក្នុងស៊ីទែនមានគម្របបិទជិត មិនព្រួយបារម្ភពីសត្វល្អិតធ្លាក់ចូល ហើយការប្រើប្រាស់ទឹកក៏កាន់តែមានភាពងាយស្រួលជាងមុនណាស់ដែរ”។
យោងតាមមន្ទីរជនជាតិ និងសាសនាខេត្ត ចាប់តាំងពីមានកម្មវិធី ១៧១៩ របស់រដ្ឋាភិបាល ត្រូវបានផ្សព្វផ្សាយ និងអនុវត្ត បងប្អូនប្រជាជនលើភូមិសាស្ត្រខេត្តបានទទួលផល និងជំនួយឧបត្ថម្ភលើគ្រប់វិស័យ។ ដោយឡែកសម្រាប់ខ្លឹមសារនៃការឧបត្ថម្ភទឹកប្រើប្រាស់ក្នុងគម្រោងទី១ រហូតមកដល់ពេលនេះ មានគ្រួសារចំនួន ១.២៤១ ត្រូវបានឧបត្ថម្ភទឹកប្រើប្រាស់តាមផ្ទះរៀងៗខ្លួន។
ក្រៅពីការអនុវត្តយ៉ាងមានប្រសិទ្ធភាពខ្លឹមសារនៃការឧបត្ថម្ភប្រភពទឹកស្អាតរបស់កម្មវិធី ១៧១៩ បណ្តាស្ថាប័ន អង្គភាព និងឯកជនទាំងឡាយថែមទាំងរួមកម្លាំងក្នុងការជំនួយឧបត្ថម្ភស៊ីទែនទឹកទៀតផង។
ការឧបត្ថម្ភទឹកប្រើប្រាស់សម្រាប់បងប្អូននៅតាមតំបន់ជនជាតិភាគតិច គឺជាគោលនយោបាយមួយដែលត្រូវបានអនុវត្តយ៉ាងមានប្រសិទ្ធភាពនៅតាមគ្រប់បណ្តាភូមិភាគ រួមចំណែកជួយគ្រួសារក្រីក្របានប្រើប្រាស់ប្រភពទឹកស្របអនាម័យ លើកកម្ពស់អត្រាគ្រួសារដែលប្រើប្រាស់ទឹកស្អាត ហើយតាមរយៈនោះដែរ ក៏បានរួមចំណែកលើកកម្ពស់គុណភាពក្នុងការរស់នៅរបស់បងប្អូនប្រជាជនទៀតផង៕
Quỳnh Anh
