បុណ្យភ្ជុំបិណ្ឌ សែនដូនតាមិនត្រឹមជាឱកាសសម្រាប់កូនចៅតបស្នងគុណចំពោះបុព្វការីជនរបស់ខ្លួនប៉ុណ្ណោះទេ ថែមទាំងជារយៈពេលដ៏ពិសេសដើម្បីជួបជុំសង្គមគ្រួសារ និងមាមីងបងប្អូនក្នុងភូមិផងរបងជាមួយ និងចែករំលែកនូវក្តីសប្បាយរីករាយ និងពង្រឹងសាមគ្គីភាពរវាងគ្នានិងគ្នាទៀតផង។ ឆ្នាំនេះ ពិធីបុណ្យភ្ជុំបិណ្ឌ សែនដូនតាសម្រាប់គ្រួសារច្រើនកាន់តែមានភាពសប្បាយអ៊ូអរ និងកក់ក្តៅថែមទៀតនៅពេលដែលបក្ស និងរដ្ឋ ព្រមទាំងរដ្ឋអំណាចភូមិភាគយកចិត្តទុកដាក់យ៉ាងពិសេសចំពោះការរស់នៅ និងទាំងស្មារតីសម្ភារៈ ជាពិសេសខាងលំនៅឋានដើម្បីផ្តើមអាជីព។
ជនរួមជាតិ Khmer នាំគ្នាទៅវត្តរដូវបុណ្យភ្ជុំបិណ្ឌ សែនដូនតា។
ជាច្រើនឆ្នាំកន្លងមកនេះ បក្ស និងរដ្ឋតែងយកចិត្តទុកដាក់ចំពោះបងប្អូនជនរួមជាតិ Khmer និយាយដោយឡែក និងបណ្តាជនជាតិភាគតិចនិយាយរួម។ មានយ៉ាងច្រើនគោលនយោបាយ និងសេចក្តីណែនាំត្រូវបានដាក់ចេញ និងអនុវត្តប្រកបដោយប្រសិទ្ធភាព ជាក់ស្តែងដូចជា៖ ការជួយឧបត្ថម្ភលំនៅដ្ឋាន ដីធាសម្រាប់សង់ផ្ទះ ដីផលិត ព្រមទាំងវិនិយោគសាងសង់សាលារៀន ដំណាក់សុខាភិបាលផ្លូវថ្នល់… ជួយលើកកំពស់ជីវភាពរស់នៅរបស់បងប្អូនជនរួមជាតិ។
ក្នុងផ្ទះថ្មីដ៏ធំទូលាយ ដែលបានរដ្ឋជំនួយឧបត្ថម្ភទឹកប្រាក់ ៦០ លានដុង ដើម្បីសង់ផ្ទះថ្មី អ្នកមីង Danh Thị Sang (អាយុ ៦៤ ឆ្នាំ រស់នៅភូមិ Đường Đào ឃុំ Hồ Thị Kỷ រំភើប៖ “គ្រួសារខ្ញុំក្រ ប្តីក៏ស្លាប់ទៀត សព្វថ្ងៃពឹងលើតែប្រាក់ខែរបស់កូនប្រុសដែលទៅធ្វើកម្មកររោងចក្រនៅខេត្ត Bình Dương។ មុននេះខ្ញុំរស់នៅក្នុងផ្ទះទ្រុឌទ្រោម ហើយឱ្យតែមានព្យុះភ្លៀងម្តងគេងមិនលក់។ ឥឡូវបានរដ្ឋឧបត្ថម្ភថ្មីនឹងនរ ខ្ញុំសប្បាយចិត្តខ្លាំងណាស់។ ពិសេសខ្ញុំមិននឹកស្មានថាឆ្នាំនេះ គ្រួសារខ្ញុំនឹងបានទទួលបុណ្យភ្ជុុំបិណ្ឌ សែនដូនតាក្នុងផ្ទះដ៏ធំទូលាយបែបនេះឡើយ”។
គ្រួសារ Khmer រីករាយអំណរបុណ្យភ្ជុំបិណ្ឌ សែនដូនតាក្នុងគេហដ្ឋានថ្មីដ៏ស្កឹមស្កៃដែលប្រកបដោយភាពកក់ក្តៅ។
គោលនយោបាយឧបត្ថម្ភគ្រួសារក្រីក្រ ប្រកៀកបន្ទាត់ក្រ និងគ្រួសារជួបលំបាកខ្លាំង មិនត្រឹមជាដំបូលសម្រាប់ការពារព្យុះភ្លៀងប៉ុណ្ណោទេ ថែមទាំងជាកត្តាដ៏សំខាន់មួយសម្រាប់គ្រួសារ Khmer សុខសាន្តពលកម្មផលិត ឈានឡើងរួចចាកក្រ។ រាល់ទង្វើជាក់ស្តែងទាំងឡាយបានបង្ហាញច្បាស់ពីការយកចិត្តទុកដាក់យ៉ាងជ្រាលជ្រៅរបស់បក្ស និងរដ្ឋចំពោះការរស់នៅរបស់បងប្អូនជនរួមជាតិ Khmer រួមចំណែកពង្រឹងពួកគេពីការជឿជាក់របស់មាមីងបងប្អូនមកលើការដឹកនាំរបស់បក្សទៀតផង។ ការចង្អុលណែនាំរបស់រដ្ឋអំណាចភូមិភាគ ផ្តើមពីនោះក៏ស្តារឡើងវិញនូវប្រពៃសាមគ្គី ពង្រីកប្រភពកម្លាំងផ្ទៃក្នុង រួមគ្នាកសាងមាតុភូមមិឱ្យកាន់តែសម្បូររុងរឿង និងស៊ីវិល័យ។
ឆ្នាំនេះ គ្រួសារអ្នកមីង Danh Thị Sang ទទួលបុណ្យសែនដូនតាក្នុងគេហដ្ឋានថ្មីដ៏ធំទូលាយស្អាតដែលរដ្ឋបានជំនួយឧបត្ថម្ភប្រាក់សាងសង់។
ទទួលបុណ្យភ្ជុំបិណ្ឌ សែនដូនតាក្នុងគេហដ្ឋានថ្មី គឺជាការទទួលថ្ងៃបុណ្យដែលប្រកបអត្ថន័យ និងពោរពេញដោយក្តីសង្ឃឹមសម្រាប់អនាគតដ៏ភ្លឺស្វាង។ នេះមិនត្រឹមតែក្តីសប្បាយជួបជុំសង្គមគ្រួសាររបស់បងប្អូនជនរួមជាតិ Khmer សម្រាប់ថ្ងៃបុណ្យប្រពៃណីប៉ុណ្ណោះទេ ថែមទាំងបញ្ជាក់ច្បាស់ពីការយកចិត្តទុកដាក់របស់បក្ស និងរដ្ឋព្រមទាំងសហគមន៍ចំពោះជីវភាពរស់នៅរបស់បងប្អូនជនរួមជាតិទៀតផង៕
Danh Điệp
