ត្រូវបានផ្តើមកសាងក្នុងឆ្នាំ ១៩៥២ វត្តសិរីវង្សា ពុធធ្លេថ្មី (Hoà Bình Mới) ស្ថិតនៅឃុំ Hoà Bình មិនត្រឹមជាសំណង់នៃស្ថាបត្យកម្មព្រះពុទ្ធសាសនាទក្ខិណានិកាយ Khmerដ៏ស្រស់បំព្រង និងចម្រុះដោយ ពណ៌ប៉ុណ្ណោះទេ ថែមទាំងត្រូវបានចាត់ទុកថាជា “បេះដូង” នៃវប្បធម៌ជំនឿ ដែលតែងផ្សារភ្ជាប់រវាង សហគមន៍របស់បងប្អូនជនរួមជាតិ Khmer ទាំងឡាយនៅទីនេះទៀតផង រួមចំណែកធ្វើឱ្យកាន់តែសម្បូរបែបថែមទៀតខាងលក្ខណៈវប្បធម៌ប្រពៃណីរួមរបស់ខេត្ត្ត Cà Mau។
ស្ថាបត្យកម្មនៃខ្វោងទ្វារវត្តសិរីវង្សា ពុធធ្លេថ្មី (Hoà Bình Mới)។
ផ្តើមពីដំបូងឈានចូលអារាមដ្ឋាន យើងនឹងមានការចាប់អារម្មណ៍ភ្លាមមួយរំពេចដោយស្ថាបត្យកម្មដ៏វិសេសវិសាល ដែលជាសញ្ញាសម្គាល់នៃវប្បធម៌ Khmerផងទាំងពួង។ ព្រះវិហារដ៏ធំស្កឹមស្កៃដែលបានកសាងនៅលើខឿនខ្ពស់ និងត្រូវបានតុបតែងលម្អរចនាបទផ្នែកខាងចម្លាក់ដ៏អស្ចារ្យ មានទាំងបណ្តាផ្ទាំងគំនូរជាច្រើនដែលរៀបរាប់ពីប្រពុទ្ធរបស់ព្រះសម្មាសម្ពុទ្ធបរម្យគ្រូនៃយើងចាប់តាំងពីប្រសូត្ររហូតដល់យាងចូលព្រះមហានិព្វាន បង្កើតបានទស្សនីភាពជាលំហដ៏ឧឡារិក ស្ងប់ស្ងៀមនិងប្រកបដោយលក្ខណៈផ្នែកខាងសិល្បៈយ៉ាងអស្ចារ្យទៀតផង។
ភាពអស្ចារ្យនៃព្រះវិហារ និងបណ្តាចេតិយនៅវត្តសិរីវង្សា ពុធធ្លេថ្មី (Hoà Bình Mới)។
មិនត្រឹមជាកន្លែងសម្រាប់គោរពបូជា និងសិក្សាធម៌អាថ៌វិន័យ ព្រមទាំងអក្សរសាស្ត្រជាតិរបស់ព្រះសង្ឃ និងពុទ្ធបរិស័ទប៉ុណ្ណោះទេ វត្តសិរីវង្សា (Hoà Bình Mới) ថែមទាំងជាមជ្ឈមណ្ឌលនៃសកម្មភាពវប្បធម៌សហគមន៍ទៀតផង។ ហើយវត្តនេះក៏ជាកន្លែងសម្រាប់ប្ររព្ធចាត់តាំងរាល់ពិធីបុណ្យទានប្រពៃណីសំខាន់ៗរបស់ជនរួមជាតិខ្មែរ មានដូចជា៖ បុណ្យចូលឆ្នាំថ្មី ភ្ជុំុបិណ្ឌ សែនដូនតា បុណ្យអកអំបុក សំពះព្រះខែ។ល។ ក្នុងឱកាសទាំងនេះដែរ មាមីងប្រជាពុទ្ធបរិស័ទ Khmer ទាំង គ្រប់ទិសទីបានអញ្ជើញមកជួបជុំគ្នានៅវត្ត ដើម្បីចូលរួមធ្វើចាត់តាំងលេងល្បែងកម្សាន្តសប្បាយ។ អាស្រ័យហេតុនេះ ផ្តើមពីនោះក៏ពង្រឹងសាមគ្គីភាពរវាងបងប្អូនក្នុងភូមិផងរបងជាមួយ។
ពុទ្ធបរិស័ទនាំគ្នាចូលជួយការងារវត្ត។
នេះក៏ជាកន្លែងសម្រាប់អភិរក្ស និងទូន្មានផ្នែកខាងសិល្បៈបុរាណ រួមចំណែកបន្តថែរក្សា និងពង្រីកសិល្បៈប្រពៃណី Khmer ព្រមទាំងពង្រឹងស្មារតីស្នេហាវប្បធម៌សម្រាប់បងប្អូនប្រជាជន។
សួនឧទ្យាននៃព្រះពុទ្ធបដិមាករវត្តសិរីវង្សា ពុធធ្លេថ្មី (Hoà Bình Mới)។
ជាមួយគុណតម្លៃដ៏អស្ចារ្យនៃស្ថាបត្យកម្ម និងវប្បធម៌ជំនឿ វត្តសិរីវង្សា ពុធធ្លេថ្មី (Hoà Bình Mới) គឺជាទីតាំងទេសចរណ៍ជំនឿផ្លូវចិត្តដែលមិនអាចខ្វះបានសម្រាប់ប្រជាជន Khmer Cà Mau និងភ្ញៀវអ្នកដំណើរជិតឆ្ងាយដែលមានបំណងចងើសិក្សាស្វែងយល់ពីជីវភាពរស់នៅរបស់សហគមន៍ខ្មែរនៅតំបន់ចុងជ្រោយបំផុតរបស់ប្រទេស៕
Thia Ni - Chanh Đa
