ឃុំ Vĩnh Phước ជាភូមិភាគមួយដែលមានបងប្អូនជនរួមជាតិ Khmer រស់នៅច្រើនកុះករ។ ប៉ុន្មានឆ្នាំកន្លងមកនេះ អាស្រ័យបណ្តាគោលនយោបាយរបស់បក្ស និងរដ្ឋ ជីវភាពបងប្អូនប្រជាជនខ្មែរទាំងឡាយនៅទីនេះមានភាពរីកចម្រើនគួរឱ្យកត់សម្គាល់ គ្រប់ភូមិស្រុកដែលធ្លាប់ជួបលំបាកកាលពីមុន សព្វថ្ងៃក៏ “ប្តូរអាវថ្មី” ដោយមានដងផ្លូវជនបទធំទូលាយស្អាត និងអាគារដ៏ស្កឹមស្កៃយ៉ាងច្រើនផងដែរ។
របរត្បាញកន្ត្រកបានជួយឱ្យប្តីប្រពន្ធលោក Danh Trường មានប្រភពចំណូលសម្រាប់ផ្គត់ផ្គង់ជីវផាពគ្រួសារប្រចាំថ្ងៃ។
ធ្លាប់ជាគ្រួសារក្រលំបាកពិសេសផងដែរ តែអាស្រ័យការជំនួយឧបត្ថម្ភពីបណ្តាកម្មវិធី និងគោលនយោបាយសម្រាប់បងប្អូនជនរួមជាតិ រួមជាមួយឆន្ទៈនៃការខិតខំប្តូរផ្តាច់ដើម្បីឈានឡើង មកទល់ពេលនេះ គ្រួសារលោក Danh Trường នៅភូមិ Bình Lê មានជីវភាពធូរធាប្រសើរឡើង។
ពីមុន គ្រួសាររបស់លោក Danh Trường រស់នៅពឹងលើតែដីស្រែ ៥ ហិកតា និងប្រកបរបខាងឆ្លូកស្រូវស៊ីឈ្នួលប៉ុណ្ណោះ។ ប្រាក់ចំណូលដែលរកបានក៏មិននឹងនរនោះដែរ ថែមទាំងចិញ្ចឹមកូន ៣ នាក់កំពុងស្ថិតក្នុងវ័យសិក្សារៀនសូត្រទៀត ដូច្នេះហើយទើបជីវភាពគ្រួសារត្រូវធ្លាក់ក្នុងសភាព មានព្រឹក ខ្វះល្ងាច។ ឆ្នាំ២០១៨ ក្នុងខណៈពេលដែលមានខ្យល់ព្យុះខ្លាំង ផ្ទះប្រក់ស័ង្កសីរបស់គ្រួសារបានរលំទាំងស្រុង។ ដោយយល់ពីការលំបាកនោះ ឃុំក៏បានជំនួយឧបត្ថម្ភផ្ទះសប្បុរសធម៌មួយខ្នង ផ្តើមពីនោះក៏បង្កលក្ខណៈងាយស្រួលសម្រាប់គ្រួសារលោកបានបុលប្រាក់ទុនអនុគ្រោះដើម្បីកែលម្អដីស្រែ ព្រមទាំងលំនឹងក្នុងការពលកម្មផលិត។
ឆ្នាំ២០២២ ខណៈពេលដែលជីវភាពបានប្រសើរឡើង ប្តីប្រពន្ធលោកក៏ត្រូវបានសមាគមសហព័ន្ធនារីឃុំជំនួយឧបត្ថម្ភបង្រៀបរបរវិជ្ជាជីវៈផ្តើមពីសិប្បកម្មត្បាញត្រកៀតប៉ោង ក្នុងមួយថ្ងៃ ពីរនាក់ប្តីប្រពន្ធលោកអាចត្បាញជាកន្រ្តកបានចាប់ពី ៧-១២គ្រឿង ដោយទទួលបានប្រាក់ចំនួន ៧.០០០ ដុង/កន្ត្រក។ អាស្រ័យដូច្នេះហើយ ទើបគ្រួសារលោកមានប្រភពប្រាក់ចំណូលសម្រាប់ផ្គត់ផ្គង់ជីវភាពគ្រួសារប្រចាំថ្ងៃ។ ជារៀងរាល់ឆ្នាំ ឱ្យតែដល់រដូវស្រូវ ពីនាក់ប្តីប្រពន្ធលោកតែងឆ្លៀតពេលទៅឆ្លូកស្រូវស៊ីឈញនួល ដើម្បីសន្សំប្រាក់សម្រាប់កែជួសជុលផ្ទះឡើងវិញឱ្យបានសមរម្យដូចគែឯង។
លោក Nguyễn Khiêm Trí (ឆ្វេង) ឧទ្ទេសនាមពីទម្រង់ដាំខ្ជាយជូនដល់កម្មាភិបាលភូមិភាគ។
ជាអ្នកនៅភូមិ Bình Lê ដូចគ្នា គ្រួសារលោក Nguyễn Khiêm Trí គឺជាគ្រួសារដែលបានរួចចាកផុតពីគ្រួសារប្រកៀកបន្ទាត់ដោយអាស្រ័យការជំនួយឧបត្ថម្ភរបស់រដ្ឋអំណាចភូមិភាគ។ លោកទ្រី បានចែករំលែកថា កាលពីចុងឆ្នាំ ២០២៤ លោកត្រូវបានរដ្ឋអំណាចឃុំជំនួយឧបត្ថម្ភទម្រង់ចិញ្ចឹមជ្រូកផងដែរ។ តាមរយៈពេលចិញ្ចឹមបាន ៥ ឆ្នាំ លោកក៏លក់ជ្រូកកូនលើកដំបូងដើម្បី យកប្រាក់វិនិយោគចិញ្ចឹមបន្ថែមទៀត ដោយមានជ្រូកកូនសម្រាប់ចិញ្ចឹមចំនួន ៣ ក្បាល។ ចំណែកប្រាក់ដែលនៅសល់លោកទុកសម្រាប់ពង្រីកទម្រង់ពហុបែបបន្តទៀត។
គ្រួសារមានដីស្រែ ២ កុង លោក Trí តែងឆ្លៀតយកផ្ទៃដីសម្រាប់ដាំខ្ជាយ ឃ្លោក ល្មៅ ចេករួមផ្សំជាមួយចិញ្ចឹមត្រី មាន់។ល។ អាស្រ័យដូចនេះហើយ ទើបអាចមានប្រភាពប្រាក់ចំណូលជាប្រចាំរៀងរាល់ថ្ងៃ សម្រាប់ផ្គត់ផ្គង់ជីវភាពគ្រួសារ។
ឃុំ Vĩnh Phước បច្ចុប្បន្នមានគ្រួសារខ្មែរប្រមាណជាង ៦០០ គ្រួសារ ស្មើនឹង ៧,១១% នៃចំនួនប្រជាជនក្នុងឃុំ ដែលភាគច្រើនប្រមូលផ្តុំនៅភូមិ Bình Lê ភូមិប៊ិញបៅ និងភូមិ Bình Tốt B។ បច្ចុប្បន្ន ១០០% ដងផ្លូវអន្តរឃុំ និងភូមិនៃតំបន់ដែលមានជនរួមជាតិ Khmer រស់នៅច្រើនកុះករ ក៏ត្រូវបានចាក់បេតុងអស់ដែរ។ ប្រព័ន្ធធារាសាស្ត្រ អគ្គិសនី សាលារៀន និងដំណាក់សុខាភិបាលក៏ទទួលបានការវិនិយោគសាងសង់យ៉ាងធំទូលាយស្អាតណាស់ដែរ។ សកម្មភាពនៃការកាត់បន្ថយក្រក៏ត្រូវបានផ្សព្វផ្សាយយ៉ាងសកម្មតាមរយៈសកម្មភាពផ្សេងៗដូចជា៖ ការផ្តល់ដើមទុន វិធីសាស្ត្រក្នុងការចិញ្ចឹមជីវភាព ជំនួយឧបត្ថម្ភបុលប្រាក់ទុនអនុគ្រោះ បង្កើនប្រភេទពូជឈើដាំ សត្វចិញ្ចឹម និងបណ្តុះបណ្តាលមុខរបរវិជ្ជាជីវៈ ព្រមទាំងឧបត្ថម្ភសង់ផ្ទះស្នាក់នៅ និងផ្លាស់ប្តូរបច្ចេកវិទ្យាសម្រាប់អនុវត្តចូលក្នុងការផលិត។
លោក Nguyễn Khiêm Trí ថែទាំហ្វូងជ្រូករបស់គ្រួសារ។
ផ្តើមពីការយកចិត្តទុកដាក់ ជំនួយឧបត្ថម្ភរបស់មជ្ឈិម និងខេត្តក្នុងការអនុវត្តគោលនយោបាយជនជាតិ ជីវភាពខាងសម្ភារៈ និងស្មារតីរបស់បងប្អូនជនរួមជាតិនៅទីនេះតែងខិតខំឈានឡើងគ្រប់ៗគ្នា។ ចំនួនគ្រួសារក្រីក្រក៏មានការថយចុះយ៉ាងឆាប់រហ័ស ចំណែកគ្រួសារដែលមានជីវភាពធូរធារ និងអ្នកមានស្កុកស្តមមួយថ្ងៃកាន់តែកើនឡើងជាលំដាប់ ហើយមានគ្រួសារខ្លះទៀតថែមទាំងបានក្លាយជាគំរូឆ្នើមក្នុងការពលកម្មផលិតព្រមទាំងសកម្មចូលរួមរាល់បណ្តាប្រពៃណីចលនាដែលភូមិភាគបានបំផុស។ បច្ចុប្បន្នទូទាំំងឃុំមានគ្រួសារក្រីក្រចំនួន ១៤ គ្រួសារ និងគ្រួសារប្រកៀកបន្ទាត់ក្រ ១១ គ្រួសារដែលសុទ្ធសឹងជាគ្រួសារជនរួមជាតិ Khmer។
រយៈពេលខាងមុខ ឃុំនឹងបន្តជំរុញខ្លាំងខ្លាអំពីបណ្តាគោលនយោបាយសន្តិសុខសង្គម ពង្រីកខាងវិស័យសិក្សាអប់រំ ព្រមទាំងឧបត្ថម្ភសាងសង់ផ្ទះ និងកែជួសជុលលំនៅឋាន ព្រមទាំងបង្កលក្ខណៈឱ្យបុលប្រាក់ទុនអនុគ្រោះ។ល។ ដើម្បីលើកកម្ពស់ដែលទៀតខាងជីវផាពរស់នៅទាំងសម្ភារៈ ស្មារតីជូនបងប្អូនជនរួមជាតិ Khmer រួមចំណែកជំរុញយ៉ាងខ្លាំងខ្លាខាងវិស័យសេដ្ឋកិច្ច-សង្គមរបស់ភូមិភាគឱ្យមានការអភិវឌ្ឍន៍ថែមទៀត” លោក Trần Quốc Toàn អនុប្រធានគណៈកម្មាធិការប្រជាជនឃុំ VĨnh Phước បានឱ្យដឹងដូច្នេះ៕
Tú Quyên - Quốc Vũ
