ខេត្ត Cà Mau ជាតំបន់ដីចុងបញ្ចប់នៃមាតុភូមិ មិនត្រឹមតែបានគេដឹងស្គាល់មានប្រព័ន្ធធម្មជាតិព្រៃកោងកាង និងព្រែកទន្លេប៉ុណ្ណោះទេ ថែមទាំងជាកន្លែងរក្សាទុកនូវបេតិកភណ្ឌវប្បធម៌វិញ្ញាណនិយមដ៏ពិសេស តាមរយៈវត្ត Khmer បុរាណចំនួន ២៨ វត្តទៀតផង។ សំណង់ទាំងនេះគឺជាភស្តុតាងរស់រវើកនៃប្រវត្តិសាស្រ្តនៃការកកើត និងអភិវឌ្ឍន៍របស់សហគមន៍ Khmer នៅទីនេះ ដោយមានសក្តានុពលទេសចរណ៍ដ៏ធំធេង ប៉ុន្តែមិនទាន់បានរុករកឱ្យសក្តិសមនៅឡើយ។
វត្តគឺជាកន្លែងប្រារព្ធពិធីបុណ្យទានប្រពៃណីរបស់ជនរួមជាតិ Khmer ។ (ក្នុងរូបថត៖ ជនរួមជាតិ Khmerនៅវត្តជ្រុងខ្មែរ (Rạch Giồng) ឃុំ Hồ Thị Kỷ អំណរបុណ្យចូលឆ្នាំថ្មីប្រពៃណីជាតិ Khmer ឆ្នាំ២០២៥)។
វត្តជាច្រើនមានអាយុកាលរាប់រយឆ្នាំ លេចធ្លោដោយស្ថាបត្យកម្មប្រពៃណីវិសេសវិសាលស្កឹមស្កៃ និងចម្រុះពណ៌។ អាចរៀបរាប់សំណង់ឆ្នើមដូចជា៖ វត្តមុនីវង្សាបុប្ផារាម (សង្កាត់ An Xuyên ) វត្តព្រែកជ្រៅ (Xiêm Cán) សង្កាត់ Hiệp Thành វត្តឃោសិតារាម (Chùa Đầu) ឃុំ Hưng Hội វត្តជ្រុងខ្មែរ (Rạch Giồng) ឃុំ Hồ Thị Kỷ…។
ស្ថាបត្យកម្មវត្តទាំងនេះ ចាប់ចំណាប់អារម្មណ៍ខ្លាំងដោយដំបូលបំពាក់ដោយរូបចម្លាក់យ៉ាងអស្ចារ្យ សម្តែងពីការទំនាក់ទំនងវប្បធម៌ដ៏ពិសេសលើតំបន់ដែនដីភាគខាងត្បូង។
ជនរួមជាតិ Khmerតែងគិតគូរដល់ការកសាងវត្តអារាមក្នុងភូមិភាគខ្លួនដើម្បីមានការអភិវឌ្ឍក្លាយជាកន្លែងទាក់ទាញភ្ញៀវទេសចរជិតឆ្ងាយ។
ពេលដើរចូលក្នុងបរិវេណវត្ត ភ្ញៀវទេសចរនឹងចាប់អារម្មណ៍ភ្លាមពីបរិយាកាស ស្ងប់ស្ងៀម សុខសាន្តផ្ទុយពីភាពអ៊ូរអរនៅខាងក្រៅ។
មិនត្រឹមតែជាកន្លែងសក្ការបូជាប៉ុណ្ណោះទេ វត្ត Khmer ថែមទាំងមានតួនាទីជាមជ្ឈមណ្ឌលវប្បធម៌ និងអប់រំរបស់សហគមន៍ទៀតផង។ ទីនេះជាកន្លែងប្រារព្ធពិធីបុណ្យប្រពៃណីសំខាន់ៗដូចជា៖ បុណ្យចូលឆ្នាំថ្មីប្រពៃណីជាតិ Khmer អកអំបុក និង សែនដូនតា។ល។ ដោយទាក់ទាញពុទ្ធបរិស័ទ និងភ្ញៀវទេសចរជាច្រើន បង្កើតបានជាវប្បធម៌ដ៏ពិសេស។
ពេលថ្មីៗនេះ វត្ត Khmer ជាច្រើននៅខេត្ត Cà Mau បានជួសជុល និងកសាងថ្មីជាច្រើនសំណង់ស្ថាបត្យកម្មដើម្បីបង្កើតចំណាប់អារម្មណ៍ដល់ភ្ញៀវទេសចរជិតឆ្ងាយ។ (ក្នុងរូបថត៖ វត្តឃោសិតារាម (Chùa Đầu) ឃុំ Hưng Hội កំពុងកសាងឧបដ្ឋានសាលាថ្មី)។
ប៉ុន្តែ សក្តានុពលទេសចរណ៍វិញ្ញាណនិយមរបស់វត្តទាំងនេះនៅតែមិនទាន់បានរុករកមានប្រសិទ្ធភាពនៅឡើយ។ ភ្ញៀវទេសចរជាច្រើនមកដល់ Cà Mau នៅតឬប្រមូលផ្តុំសំខាន់ទៅលើគោលដៅទសចរណ៍ធម្មជាតិតែមិនបានដឹងពីសម្រស់ស្រស់ត្រកាល របស់សំណង់ស្ថាបត្យកម្មទាំងនេះ។ ដើម្បី "ដាស់ឱ្យភ្ញាក់" នូវសក្តានុពលនេះគប្បីមានកិច្ចសហការស្អិតល្មួតរវាងរដ្ឋអំណាច វិស័យទេសចរណ៍ និងសហគមន៍។ ដំណោះស្រាយបានស្នើរួមមាន៖ ការជំរុញផ្សព្វផ្សាយរូបភាពរបស់វត្ត ការអភិវឌ្ឍដំណើរទេសចរណ៍វប្បធម៌វិញ្ញាណនិយមដោយឡែកគួបផ្សំជាមួយការសាកល្បងម្ហូបអាហារ និងជីវភាពរបស់ជនរួមជាតិ Khmer។ ទន្ទឹមនឹងនោះ ការវិនិយោគបង្កើនភាពមូលដ្ឋានសម្ភារៈ និងយកចិត្តូកដាក់អភិរក្សគ្រប់តម្លៃវប្បធម៌ស្ថាបត្យកម្មដោយវិធីស្ថេរភាពគឺជាស្នូល។
វត្តគម្ពីរសាគរ ព្រែកជ្រៅ (Xiêm Cán) ជាមណ្ឌលទេសចរណ៍ខាងជំនឿផ្លូវចិត្តដ៏ល្បីឈ្មោះរបស់ខេត្តផងដែរ។
ការអភិវឌ្ឍទេសចរណ៍នៅតាមវត្តខ្មែរ មិនត្រឹមតែរួមចំណែកជំរុញសេដ្ឋកិច្ចភូមិភាគប៉ុណ្ណោះទេ ថែមទាំងជួយអភិរក្សនិងរីកសាយតម្លៃវប្បធម៌ពិសេស របស់ជនជាតិ Khmer លើតំបន់ទឹកដី Cà Mau ទៀតផង៕
Đờ Ni - Danh Điệp
