មន្ទីរវប្បធម៌ កីឡា និងទេសចរណ៍ ជួបការលំបាក និងឧបសគ្គក្នុងការអនុវត្តខ្លឹមសារផ្សេងៗនៃគម្រោងទី ៦ “អភិរក្ស និងពង្រីកតម្លៃវប្បធម៌ប្រពៃណីដ៏ល្អផូរផង់របស់ជនរួមជាតិភាគតិច ផ្សារភ្ជាប់នឹងការអភិវឌ្ឍទេសចរណ៍” ចំណុះឱ្យកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ (កម្មវិធី)។
គម្រោងទី ៦ រួមចំណែកអភិរក្សពិធីបុណ្យប្រពៃណីរបស់ជនរួមជាតិ Khmer។
ដោយបានបែងចែកប្រភពទុនវិនិយោគសម្រាប់ការអភិវឌ្ឍមានជាង ១៦ ពាន់លានដុង ដើម្បីអនុវត្តគម្រោងទី ៦ គិតត្រឹមថ្ងៃទី ៣០ ខែកញ្ញា មន្ទីរវប្បធម៌ កីឡា និងទេសចរណ៍ បានឧបត្ថម្ភវិនិយោគសាងសង់ទីតាំងទេសចរណ៍ឆ្នើម នៅតំបន់ជនរួមជាតិភាគតិច រួមមាន ០៣ សំណង់នៅវត្តសុរិយារាម (Cái Giá Giữa) ឃុំ Hưng Hội ទីសក្ការបូជា Tân Hưng សង្កាត់ Bạc Liêu និងវត្ត Khmer ពុតធ្លេចាស់ (Hoà Bình Cũ) ឃុំ Hoà Bình។ ឧបត្ថម្ភវិនិយោគសាងសង់ស្ថាប័នវប្បធម៌ កីឡា និងសម្ភារៈនៅតាមភូមិនៃតំបន់ជនរួមជាតិភាគតិច រួមមានអាគារវប្បធម៌ភូមិ និងអនុសង្កាត់ចំនួន ៦០ ខ្នងផងដែរ។
ក្រោយរយៈពេលផ្អាក់អនុវត្តដោយសារស្ថានភាពនៃការរួមបញ្ចូលខេត្ត ថ្ងៃទី ២៣ ខែកញ្ញា ឆ្នាំ ២០២៥ គណៈកម្មាធិការប្រជាជនខេត្តបានឯកភាពលើគោលការណ៍ឱ្យមន្ទីរបន្តអនុវត្តគម្រោង ។ អង្គភាពបានបំពេញបែបបទអនុម័តផែនការជ្រើសរើសអ្នកទទួលម៉ៅការដំណាក់កាលវិនិយោគ ព្រមទាំងផ្តោតលើការអនុវត្ត កញ្ចប់ម៉ៅការតាមផែនការដែលបានអនុម័ត ដើម្បីអនុវត្តបញ្ចប់គម្រោង និងបើកថវិកាឱ្យទាន់ជាវឌ្ឍនភាព ។
ដោយឡែកខ្លឹមសារវិនិយោគជួសជុល បង្កើនភាពកេរដំណែលនៃវត្តពុទ្ធសាសនាទក្ខិណានិកាយខ្មែរឆ្នាំ ២០២៥ បានប្រគល់បន្ថែមលើកទី ២ មន្ទីរវប្បធម៌ កីឡា និងទេសចរណ៍ ទទួលបានការបែងចែកថវិកាជាង ៣,៨ ពាន់លានដុង បច្ចុប្បន្នអង្គភាពកំពុងដាក់ជូនសុំយោបល់ក្រសួងវប្បធម៌ កីឡា និងទេសចរណ៍ អំពីការបញ្ជាក់កេរដំណែលដែលឱនភាព ដើម្បីធ្វើជាមូលដ្ឋានអនុវត្តនីតិវិធីបន្តតាមបទប្បញ្ញត្តិនៃច្បាប់ជាធរមាន។
តាមខ្លឹមសារអនុវត្តគម្រោងទី ៦ មន្ទីរវប្បធម៌ កីឡា និងទេសចរណ៍ កំពុងបំពេញបែបបទដើម្បីវិនិយោគសាងសង់ស្ថាប័នវប្បធម៌ សាលាវប្បធម៌ភូមិ អនុសង្កាត់ក្នុងតំបន់ជនរួមជាតិភាគតិច ។
យោងតាមប្រសាសន៍របស់លោក Nguyễn Chí Công អនុប្រធានមន្ទីរវប្បធម៌ កីឡា និងទេសចរណ៍ ដោយសារស្ថានភាពនៃការរួមបញ្ចូលខេត្ត មានគម្រោងដែលបានអនុម័តហើយ ប៉ុន្តែត្រូវផ្អាកសិន បានជះឥទ្ធិពលដល់វឌ្ឍនភាពអនុវត្តគម្រោង ក៏ដូចជាផែនការបើកប្រភពទុន ។ បទប្បញ្ញត្តិ និងការណែនាំថ្មីមួយចំនួនមានប្រសិទ្ធភាព ដូច្នេះត្រូវកែសម្រួលមុខសញ្ញាទទួលបានផល អនុវត្តតាមដំណើរការ ហេតុនោះជួបលំបាកក្នុងការអនុវត្តគម្រោង និងអនុគម្រោងនានា។
ចំពោះប្រភពទុនសម្រាប់ខាងវិជ្ជាជីវៈ ប្រភពទុនឆ្នាំមុនបានផ្ទេរមកឆ្នាំ ២០២៥ បន្តអនុវត្តជាង ៥,២ ពាន់លានដុង ។ លោក ង្វៀនជីកុង បានឱ្យដឹងបន្ថែមទៀតថា៖ តាមរយៈការពិនិត្យឡើងវិញនូវខ្លឹមសារចំនួន ៣ នៃឆ្នាំ ២០២៤ (អនុវត្តគម្រោងស្រាវជ្រាវ ស្ដារឡើងវិញ អភិរក្សពិធីបុណ្យប្រពៃណីចំនួន ២។ រៀបចំថ្នាក់បំប៉នជំនាញ វិជ្ជាជីវៈ បង្រៀនវប្បធម៌អរូបី ឧបត្ថម្ភការហាត់សម ការសម្តែងសម្រាប់សមាជិកក្រុមសិល្បៈប្រពៃណី Khmer ចំនួន ២ នៅវត្តព្រែកជ្រៅ (Xiêm Cán) មានខ្លឹមសារចំនួន ២ គ្មានលទ្ធភាពអនុវត្តបាន ដោយសារបច្ចុប្បន្នមិនទាន់មានកម្រិតកំណត់ជាក់លាក់ ត្រូវអនុវត្តតាមឯកសារពាក់ព័ន្ធជាច្រើន កំណត់អំពីខ្លឹមសារ និងកម្រិតចំណាយ ដូច្នេះជួបលំបាកក្នុងការងាររៀបចំគម្រោងថវិកា និងការដេញថ្លៃ។ មាតិកាគម្រោងពាក់ព័ន្ធនឹងការអភិរក្សវប្បធម៌ជនរួមជាតិភាគតិច ភាគច្រើនតិចបានវិនិយោគ ដូច្នេះពិបាកក្នុងការកំណត់តម្លៃជាក់ស្តែងណាស់ ។ ម្យ៉ាងវិញទៀត ពេលវេលាដែលនៅសល់នៃឆ្នាំ ២០២៥ មិនធានាលទ្ធភាពដើម្បីអនុវត្តនៅពេលផែនការបានអនុម័ត ក៏ដូចជាលទ្ធភាពបើកថវិកាក្នុងឆ្នាំ ២០២៥ ដែរ ។
ទន្ទឹមនឹងនោះ ចំពោះខ្លឹមសារឧបត្ថម្ភចំណាយទិញសម្លៀកបំពាក់ ចំណាយហាត់សម សម្តែងសម្រាប់សមាជិកក្រុមសិល្បៈប្រពៃណី Khmer ចំនួន ២ នៅវត្តព្រែកជ្រៅ (Xiêm Cán) ក្រុមនានាបានបង្កើតឡើងនៅខែកញ្ញា ឆ្នាំ ២០២៤ អង្គភាពបានចំណាយឧបត្ថម្ភពីខែកញ្ញាដល់ខែធ្នូ ឆ្នាំ ២០២៤ ពីប្រភពទុនឆ្នាំ ២០២២ និង ២០២៣ ផ្ទេរមក ។ អាស្រ័យហេតុនេះ ការិយាល័យគ្រប់គ្រងទេសចរណ៍ បានធ្វើសេនាធិការរាយការណ៍សំណើសុំមិនអនុវត្តខ្លឹមសារទាំង ២ នេះនៃឆ្នាំ ២០២៤។ ឆ្នាំ ២០២៥ អង្គភាពមិនទាន់បានប្រគល់ប្រភពទុនអនុវត្តនៅឡើយ ។
ពីគម្រោងទី ៦ ពិធីបុណ្យប្រពៃណីរបស់ជនជាតិ Hoa ត្រូវបានអភិរក្ស និងពង្រីកផងដែរ។
“ចំពោះមុខការលំបាក និងឧបសគ្គដែលកើតឡើងដូចខាងលើ មន្ទីរវប្បធម៌ កីឡា និងទេសចរណ៍ បានសំណើគណៈកម្មាធិការប្រជាជនខេត្តអនុញ្ញាតឲ្យបន្តពន្យារពេលបើកថវិកាទៅដល់ត្រីមាសទី ១ ឆ្នាំ ២០២៦ ចំពោះគម្រោងនានាដែលកំពុងអនុវត្តការងារវិនិយោគសាងសង់ ដើម្បីធានាការបញ្ចប់គម្រោង ឆ្លើយតបគោលដៅដែលបានដាក់ចេញ” លោក Nguyễn Chí Công បានឱ្យដឹងបែបនេះ៕
Quỳnh Anh
