ចាប់ពីថ្ងៃទី ២៨ ខែសីហា ដល់ថ្ងៃទី ១ ខែកញ្ញា ខេត្ត Cà Mau នឹងធ្វើជាម្ចាស់ផ្ទះនៃទិវាបុណ្យបេតិកភណ្ឌវប្បធម៌ និងពិធីបុណ្យបាល់ឡុងហោះលើកដំបូង ក្រោមប្រធានបទ " ប្រមូលផ្តុំអត្តសញ្ញាណវប្បធម៌នៃចំណុចខាងត្បូងបំផុតរបស់ប្រទេសជាតិ"។
ទីលាន Hùng Vương និងរោងមហោស្រព Cao Văn Lầu សង្កាត់ Bạc Liêu គឺជាទីតាំងសម្រាប់ចាត់តាំងសកម្មភាពក្នុងក្របខ័ណ្ឌនៃព្រឹត្តិការណ៍សំខាន់ៗ។
នេះគឺជាព្រឹត្តិការណ៍វប្បធម៌ និងទេសចរណ៍ដ៏សំខាន់សម្រាប់ខេត្តក្នុងឆ្នាំ ២០២៦ ដែលមានសកម្មភាពជាច្រើន និងពិសេសៗក្នុងគោលបំណងបង្កើនរូបភាពនៃទឹកដី និងប្រជាជន Cà Mau ទន្ទឹមនិងនោះក៏បង្កើតភាពទាក់ទាញ និងជំរុញកំណើនខាងវិស័យទេសចរណ៍ផងដែរ។
ចំណុចលេចធ្លោនៃព្រឹត្តិការណ៍នេះគឺពិធីបុណ្យបាល់ឡុងហោះ ដែលមានចំនួន ៣៤ គ្រឿង រួមទាំងបាល់ឡុងព្យួរ ហោះទស្សនា បាល់ឡុងលំដាប់ទីមួយ និងបាល់ឡុងតុបតែងលើផ្ទៃដី។ ភ្ញៀវទស្សនាអាចទទួលបានបទពិសោធន៍ជាមួយបាល់ឡុងហោះ គយគន់ពីលើចុះ ព្រមទាំងផ្តិតរូបភាពទុកជាអនុស្សាវរីយ៍ក្នុងដំណើរទស្សនាខេត្ត Cà Mau។
រួមជាមួយគ្នានេះ សកម្មភាពវប្បធម៌ បេតិកភណ្ឌ ពាណិជ្ជកម្ម និងម្ហូបអាហារជាបន្តបន្ទាប់នឹងបានប្រព្រឹត្តទៅពេញក្នុងពិធីបុណ្យ។ ជាពិសេស តំបន់រោងមហោស្រព Cao Văn Lầu មានកន្លែងមួយដែលបង្ហាញពីបេតិកភណ្ឌវប្បធម៌អរូបីដ៏ល្អបំផុត តំណាងឱ្យតំបន់ផ្សេងៗនៃប្រទេស Việt Nam ក៏ដូចជាកន្លែងមួយដែលលើកកម្ពស់បេតិកភណ្ឌវប្បធម៌អរូបីនៃការធ្វើអំបិល។ តាំងពិព័រណ៍ពាណិជ្ជកម្ម ស្តង់លក់ម្ហូបអាហារ និងផលិតផល OCOP (មួយឃុំមួយផលិតផល) ដាក់តាំងបង្ហាញស្តង់រាប់រយដែលណែនាំផលិតផលពិសេសៗ មុខម្ហូបពិសេស និងសក្តានុពលសេដ្ឋកិច្ចរបស់តំបន់។
ក្រៅពីសកម្មភាពនៅជុំវិញពិធីបុណ្យ Cà Mau ក៏បានណែនាំអ្នកទស្សនាអំពីផលិតផលទេសចរណ៍ពិសេសៗដែលទាក់ទងនឹងធម្មជាតិ និងវប្បធម៌ក្នុងស្រុកផងដែរ។
ខ្លោងទ្វារចូលដែលតុបតែង និងបដាផ្សព្វផ្សាយបង្កើតបរិយាកាសដ៏រស់រវើកមុនព្រឹត្តិការណ៍។
ទន្ទឹមជាមួយសកម្មភាពនៅតំបន់ដែលប្រព្រឹត្តឡើងពិធីបុណ្យ Cà Mau ថែមទាំងបង្ហាញឱ្យភ្ញៀវអតិថិជនពីផលិតផលទេសចរណ៍ វប្បធម៌ប្រចាំតំបន់ទៀតផង។ ផ្តើមនពីដំណើរការមកកាន់តំបន់ទេសចរណ៍ Đất Mũi ទស្សនាកម្សាន្តព្រៃកោងកាង ពិសោធន៍នឹងជីវភាពរស់នៅនៃតំបន់ងទន្លេ រហូតដល់ "ថ្ងៃដឹកមូយបៃតង - រាត្រី U Minh ដ៏ល្បីល្បាញ" អ្នកទស្សនាអាចជួបប្រទះនឹងសម្រស់អេកូឡូស៊ី និងអត្តសញ្ញាណដ៏សម្បូរបែបនៃចុងខាងត្បូងបំផុតរបស់ប្រទេសទៀតផង។
ជាមួយទំហំ និងសកម្មភាពចម្រុះរបស់ខ្លួន ពិធីបុណ្យបេតិកភណ្ឌវប្បធម៌ Cà Mau និងពិធីបុណ្យបាល់ឡុងហោះលើកដំបូងត្រូវបានគេរំពឹងថានឹងក្លាយជាផលិតផលវប្បធម៌ និងទេសចរណ៍ដ៏លេចធ្លោមួយ បង្កើតសញ្ញាសម្គាល់ថ្មីសម្រាប់ Cà Mau នៅលើផែនទីនៃគោលដៅក្នុងស្រុក។ ជាពិសេសទំនាក់ទំនងអាជីកម្មទេសចរណ៍ ទាក់ទាញភ្ញៀវទេសចរណ៍ និងបើកទូលាយការទំនាក់ទំនងរវាងភូមិភាគក្នុងតំបន់វាលរាបទន្លេគឺវឡុង៕
Kim Cương
Hữu Thọ
